سر الغرفه المظلمه بقلم حسن الشرقاوي
سر الغرفه المظلمه بقلم حسن الشرقاوي
انت في الصفحة 1 من 7 صفحات
سلسلة ليله من الړعب
سر الغرفه المظلمه 1
بقلم الكاتب حسن الشرقاوي
انا اسمي فوزي عندي 17 سنة داخل تالته ثانوي
انا زيي زي اي شاب في سني بحلم أشتغل واصرف علي نفسي
زي مانتوا عارفين الثانويه صعبة ومحتاجة دروس كتير ومصاريف اكتر
أمي مټوفية ووالدي شغال عامل بسيط في شركة ودا إلى زود الأمور تعقيدا خصوصا إن ليا تلت أخوات غيري
بس انا مينفعش احمل عليه لان مرتبة مش كبير ومتطلباتنا أنا وأخواتي أكبر
فقررت إني انزل اشتغل
خلصت امتحانات سنة 2 ثانوي
ومستنتش يوم واحد نزلت دورت علي شغل علشان ألحق فترة الإجازة
فضلت ادور طول اليوم علي شغل ومش لاقي
جه في بالي محل كدا شوفتوا من زمان في الحارة
اللي جنب بيت جدي الله يرحمه وماعرفش جه في بالي إزاي حسيت إن حاجه همست لمخي وفكرتني بيه
قولت لنفسي مش هاتخسر حاجه روح شوف يمكن تلاقي شغل
ورحت المحل كانت الساعه 7 بليل
وانا بدور من الصبح وحيلي مهدود
قولت اخر مكان هروحه النهاردة وهروح
وقفت ادام المكان ده
كان عباره عن مكتبة بس قديمة قوي حتي البيوت اللي حواليها قديمة كمان
وقفت ادامها شكلها بصراحة معجبنيش خالص وقولت اكيد مش هيديني مرتب كويس علشان مكتبة تعبانة
بس قولت اجرب مش هخسر حاجة
دخلت المكتبة
واول ما حطيت رجلي فيها حسيت بقبضة وخوف شديد وريحة مش حلوة
مش عارف لية !
قولت يمكن مش متنضفة او حاجة
المهم سلمت علي صاحب المكتبة
ورحب بيا الراجل
وقعدنا
كان اسمه عم سالم عندو 55سنة
بس ماشاء الله صحتوا كويسة بالنسبه لسنوا
قعدنا وشرحتلوا
اني محتاج شغل وعرفتوا بنفسي
قلي انا في احتياج لحد يشتغل معايا في المكتبة
المكتبة شغلها كتير ومحتاج شب صغير معايا
يطلع يرص كتب ويبيع كمان
وانا شايف انك هتسد معايا في المكتبة
الراجل كان ملهوف جدا وكأنوا مصدق لقي حد
قولتلوا المرتب هيبقا كام !!
قالي 2000 ج في الشهر
طبعا انا مصدقتش قولت في سري
لكن 2000 ج كتير اووي !!
وعجبني جدا المرتب واتفقنا
قالي تيجي بعد بكرة اللي هوا يوم الثلاثاء
قولتلوا طب مجيش بكرة لية !
اتلجلج في الكلام كدا !!
وقالي بعد ما فكر وخد وقت !
بعد بكرة كويس
اكون عرفت الجماعه انك جي وكدا
مسالتوش جماعه مين
علشان انا عارف اكيد أنه يقصد انهم اهل بيته
حيلي مهدود دخلت نمت وصحيت الساعه 2 الفجر
قومت اشرب فتحت التلاجة وشربت
دخلت الحمام ببص في المراية لقيت حاجه غريبه
لقيت ورايا !!!
عم سالم صاحب المكتبة
بس مش هوا لا لا
ده واحد شبهوا
طويل جدا الشخص ده
ومعندهوش شعر خالص
وعين عنده واسعه جدا
والعين التانية مقفولة خالص
ووشوا أحمر اوي وشاحب بشكل ملفت
الصراحة مش لاقي وصف افظع من كدا اوصف شكله بيه
تشوفة تقول شخص خارج من المقاپر
شكلوا بشع
فضلت واقف ثابت ومش قادر اتحرك خالص
حوالي دقيقة او اتنين
ولسة جي انطق واقول !
اعوذ بالله من !!!
مكملتش الكلمة
اټفزعت !!
وسمعت صوت صړخة جامده
حسيت انوا حصل زلزال في البيت وببص ورايا
لقيت !!!
الكائن ده اختفي
فضلت اصړخ بصوت مرتفع لحد ما ابويا اتفزع وقام من النوم
هو وأخواتي وجم علي مصدر الصوت
في الوقت ده اغمي عليا وماحسيتش بنفسي غيروابويا بيفوقني وبيقلي بفزع حصل ايه حصل ايه !!!
انا كنت لسه مصډوم من إلى شوفتوا ومتكلمتش خالص كان لساني كأنه متلجم
المهم مسكني أبويا وبيسندني علشان نخرج برا الحمام
وبيسألني عن إلي حصل
قلتله مش عارف
قالي شكلك وقعت حصل خير
ودخلني اوضتي وبعد ما اطمن عليا خرج
بصيت في الساعه لقيتهاالساعة 4 الفجر !!!
قلت ايوا اربعة طب ازاي !!
يعني انا بقالي ساعتين في الحمام !!
لا لا اكيد مش صح اكيد بيتهيألي
انا اساسا مكملتش 5 دقائق في الحمام ازاي بقالي ساعتين وعقلي متشتت جدا
ودخلت اوضتي وانا برضوا قاعد بفكر وبقول اكيد الكلام ده مش حقيقي اكيد كان بيتهيالي
لا لا مش حقيقي طبعا هوا في كدا !!
شكلي من كتر الامتحانات والسهر
ومن كتر الف اللي لفيتة علي الشغل الصبح
وانا مرهق من ساعتها
فضلت أكلم نفسي كتير لحد مانمت من التعب
تاني يوم
نزلت قعدت مع صحابي شوية لعبنا كورة وقاعدنا علي الناصية
وطلعت البيت الساعه 10 بليل
قولت لازم انام بدري
علشان اصحي اروح المكتبة الساعة 7 الصبح زي ماتفقت مع صاحبها
دخلت نمت بس حصل حاجه غريبه اول ما حطيت راسي علي السرير حسيت كأن حد نايم جمبي !!
ايوا نايم جمبي والنفس بتاعه حاسس بية هو ساخن جاي ناحيتي لكن مش شايف حاجه
قولت عادي ممكن يكون فيه شوية هوا بس
ونمت
صحيت الساعه 6 الصبح
فطرت انا وابويا
وبعدين ابويا نزل علي الشغل
دخلت أخدت شاور وجهزت نفسي وغيرت هدومي ونزلت علي المكتبة
لقيت عم سالم جاي
يفتح
بس اول ما شوفتوا حسيت ان شكله متغير !!
وقلت لنفسي مش ده اللي قابلتو اول امبارح
تحس ان شكلوا كبر 20 سنة
اخدت منو المفتاح وفتحت انا الباب ودخلنا
قالي تعالا يا فوزي افرجك علي المكتبة واعرفك هاتعمل إيه
كانت عبارة عن اوضتين اوضة مقفولة بمفتاح ومحدش بيدخلها خالص هو قالي كدا أنها مقفوله
والاوضة التانية عاملها مخزن للكتب
وفهمني انا هعمل اية
هاخد الكتب اللي في المخزن انضفها وهحطها في المكتبة
وبدأت الشغل وكان عندي حماس رهيب
بص لاحظت حاجة كل ما اروح الاوضة اللي هيا المخزن
احس بسخونة شديدة جدا خارجة من الاوضة اللي قدامها المقفولة !
طبعا الموضوع ده شغلني جدا
وخلصت وحطيت الكتب في المكتبة وعم سالم قلي هنقفل النهاردة بدري علشان تعبان شوية
قولتلوا مالك في حاجة
قالي لا بس شكلي خدت دور برد
المهم قفلنا المكتبة وقالي متتاخرش بقا بكرة
قولتلوا ماشي وروحت البيت
لقيت ابويا قاعد في الصالة
وبيقولي شوف يابني أوضتك مالها !!
من ساعت ما جيت من الشغل وانا سامع صوت قطط وكلاب فيها
دخلت شوفت ملقتش حاجة ولما خرجت الصوت رجع تاني
قال شوف لتكون ناسي ومشغل حاجة علي الكمبيوتر
قولت في سري كلاب وقطط طب ازاااي !!
ودخلت الاوضة واول ما دخلت الصوت اختفي تماما
نمت شوية علشان كنت تعبان من الشغل طول النهار
وصحيت بليل اتعشيت
وقعدت مع صحابي شوية وطلعت علشان انام واصحي بدري
وحطيت جسمي علي السرير
واول ما حطيت راسي علي المخدة حسيت بسخونة شديدة ونفس في ضهري نفس الاحساس إلى حسيته الليله إلى فاتت كأن حد جمبي
الټفت عشان اشوف اية اللي بيحصل !!
ملقتش حاجة بردو
بس لقيت خيال واختفي في لحظة
بصراحة قلقت شوية
وفضلت صاحي ساعتين تلاتة من القلق والتوتر
لحد ما غلب عليا النوم ونمت
بس اول مانمت وانا بشوف كوابيس مرعبه أوي
كوابيس اني في الحمام !!
ايوووة في الحمام !!!
ومشلۏل الحركة تماما
ومش قادر انطق واقول قران حتي
والشخص اللي شوفتوا المرة اللي فاتت شوفتوا تاني وبحاول اتحرك ومش عارف قرب نحيتي
وفجأاااة !!!
شوفت نفسي في مكتبة عم سالم
ايوووة في المكتبة ومحدش كان فيها خالص كانت فاضيه
وانا واقف قدام الباب المقفول بتاع الغرفه وبحاول افتحة
بس مش راضي يفتح
وصحيت من النوم مخضوض واعصابي سايبة وبنهجج كأني كنت بجري
روحت نازل علي المكتبة وانا في دماغي كل إلى شوفته وأنا نايم
قلت انا لازم اعرف سر الباب ده وليه مقفول وليه حلمت بيه
من غير ماحد يحس
ومن غير ما عم سالم ياخد باله من أي
