رواية احببت طفولته (كاملة حتي الفصل الأخير) بقلم منار العتال

اتحسنت و اتكتبلها خروج من المستشفي و كانت سها و ناهد و نوح و يوسف و خالد جنبها
خالد انا جبتلك شقه هتعيشي فيها
يوسف بصدممه جبتلها شقه ليه ! ما هى عايشه معانا و ليها شقتها
خالد انت كتر خيرك يا بشمهندس لحد كده اظن كفايه عليك
مريم من جواها مكانتش عاوزه تسيب ناهد و سها و نوح و يوسف إللى حست انهم عيلتها بس فى نفس الوقت بتحب خالد
يوسف انتى موافقه يا مريم تسيبينا
مريم كانت حاطه وشها فى الارض
يوسف ردى
مريم بص يا يوسف بصراحه انا حبيتكم و حبيت عيلتك و جو العيله اللطيف إللى انا اتحرمت منه و انت عوضتنى عن احساس الأخ كان من زمان نفسي يكون ليا أخ و عيله جميله ذيكم انا اه هروح مع خالد و اعيش فى الشقه إللى جبهالي بس ده مش معناه انى هتخلي عنكم لا طبعا انا هبقي اجى و ازوركم
يوسف حس انه اتكب عليه جردل مايه سقعه لما سمع كلمه انه ذي أخوها
يوسف تمام يا مريم إللى تشوفيه
خالد بص ل مريم انها تركب العربيه
مريم ابتسمت ليهم و ليوسف إللى كان قلبه هو إللى بيعيط على فراقها

مريم مع السلامه
مريم ركبت مع خالد و كانت ساكته طول الطريق
خالد سرحانه فى اى فى يوسف
مريم عينيها وسعت انت بتقول اى 

خالد فرمل ووقف العربيه بسرعه لدرجه ان دماغ مريم كانت هتتخبط
خالد بعصپيه انتى بتحبيه!
مريم خالد انت مچنون!!
خالد ردييي علياااا انتى بتحبيه ولا لا !!
مريم بزعيق انا لو كنت بحبه يا خالد كان زمانى معاه و مكنتش أوافق انى اجى معاك انت ازاى تفكر فيا كده انى احب حد تانى غيرك !!
خالد حس انه غلط فى حقها
خالد طب انا اسف انتى عارفه انى بغير عليكى يا مريومه والله مكنتش مستحمل نظراته ليكى
مريم من فضلك روحنى مش عاوزه اتكلم
خالد شغل العربيه تانى و مشي وصل لحد البيت و فتحه و مريم دخلت من غير ما تنطق و لا حرف
يوسف كان عايش بس من غير روح هو اتظلم فى الحب و دخل بيته و قفل عليه باب اوضته و قعد لوحده ورفض يتكلم مع اى حد
اما عند مريم اتبعتلها رساله من رقم غريب ان خالد فى خطړ و لازم تروح على العنوان إللى كان مكتوب فى الرساله و مريم خاڤت على خالد و لبست هدومها و خرجت و ركبت تاكسي و عطته العنوان و قالتله يسرع
وصلت مريم للعنوان و كان عنوان فيلا و ضلمه من برا
مريم بلعت ريقها بخۏف و نزلت من التاكسي و حسبته

مريم قربت على الفيلا و اول ما فتحت الباب النور نور كله وورد احمر نزل عليها من السقف و كان خالد لابس بدله شيك ووسيم و ماسك بوكيه ورد فى ايديه و مبتسم ل مريم إللى كانت طايره من
الفرحه من المفاجاه دى إللى متوقعتهاش منه ابدا
فجأه اغنيه حلم حياتى اشتغلت و خالد مد ايديه لمريم و رقصوا سوا على الاغنيه و الدنيا مكانتش سيعاها
الاغنيه خلصت
مريم ضحكت بحب انت عملت كل ده علشانى!!ده مش حلم اقرصنى كده يمكن افوق
خالد بضحك و قرصها فى كتفها
مريم ايييي انت بتقرصنى بجد
خالد بضحك مش انتى إللى قولتى 
مريم بصتله تانى بحب انت عملت كده بجد
خالد بعشق انا زعلتك النهارده بكلامى الدبش و قبل كده زعلتك مليون مره كان لازم افرحك ودى حاجه قليله اوى عليكى
مريم انا مش عارفه اتكلم اقولك اى !
خالد مريم انا بوعدك من النهارده مش هزعلك و مش هضايقك باى شكل من الأشكال
و فجأه ركع على ركبته قدامها و طلع خاتم و فتح اللعبه و مريم شافت الخاتم إللى اټصدمت من جماله
خالد بعشق حقيقي ظاهر فى عيونه تتجوزينى و كمل بمرح تقبلي يا ملكه الملوك تتجوزى صعلوق ذيي
مريم ضحكت انت متعرفش تقول جمله رومانسيه على بعضها !! قفلتنى منك
خالد بضحك هااا اقبلي بقي ولا عاوزه بنت تانيه تيجى تخطفنى منك
مريم ابقي ورينى يا خالد هتعملها ازاى علشان اقټلك انت وهى
خالد بضحك اهدى يعم الشپح مش كده احنا تحت امرك يا باشا ووافقي ابوس ايدك ركبتى و جعتنى
مريم بضحك خلاص انت صعبت عليا يا حړام هتجوزك و خلاص
خالد برفعه حاجب بقي كده 
مريم امممم
خالد يستى موافق انك تعطفي عليا و تقبلي

مريم قالت بجديه موافقه
و خالد طار من الفرحه و لبسها الدبله ...
يوسف قرر ينزل شغله فى الشركه تانى و ركب عربيته و كان واقف فى اشاره و فجأه ركبت واحده باين عليها فى العشرينات
البنت بخۏف اطلع بسررررررعه
يوسف بعصپيه انتى متخلفه ازاى تركبي كده بالشكل ده !!!
البنت بدأت ټعيط و النبي اطلع بسرعه هيقتلونى
يوسف حس ان الموضوع خطېر و قال لنفسه هو ياربي انا بقع فى المصاېب ليه و ساق العربيه بسرعه ذي ما البنت قالت
البنت لما حست انهم بعدوا اتنهدت بارتياح
يوسف مين دول إللى هيقتلوكى!
البنت عيطت اهلي
يوسف باستغراب ويقتلوكى ليه انتى اكيد عامله مصېبه و عاوزه تلزقيها فيا
البنت عاوزين يجوزونى واحد خليجى عنده ٨٠ سنه و انا عندى ٢٣ سنه
يوسف كشړ و هما ازاى يعملوا كده و انتى فين رايك !
البنت عيطت و بدأت شهقاتها تعلي عندنا فى البلد مفيش بنت ليها رأى
يوسف باستغراب عندكم من البلد ليه انتى منين !
البنت انا من أسوان
يوسف عينيه وسعت ووقف العربيه اييييه!
يوسف عينيه وسعت ووقف العربيه و قال بصدممه ايييييه!
البنت بخۏف بص انا مش عاوزه غير انك تساعدنى اهرب منهم
يوسف حط ايديه على دماغه و قال لنفسه هو انا ناقص
البنت رجعت اتكلمت و الدموع فى عينيها لو مش عاوز تساعدنى خلاص انا اسفه ليك
يوسف اتنهد خلاص استنى انتى اسمك اى الأول طيب
البنت ريم السيد عز الدين
يوسف بصي يا ريم انا هساعدك علشان متعودتش اشوف حد محتاج مساعده منى و مساعدوش
ريم بفرحه يعنى بجد هتساعدنى يا و افتكرت انها متعرفش اسمه هو انت اسمك اى 

يوسف انا يوسف حسن الكيلاني صاحب شركه برمجه
ريم ابتسمت مش عارفه اشكرك ازاى يا بشمهندس يوسف
يوسف متشكرنيش انا معملتش حاجه لسه لما اساعدك بجد ابقي اشكرينى و كمل كلامه بجديه اقدر بقي اساعدك ازاى
ريم بتفكير انا ليا واحده صاحبتى عايشه هنا فى القاهره ممكن توصلنى ليها 
يوسف طبعا اعطينى العنوان
ريم عطته العنوان و يوسف وصلها و عطالها الكارت بتاعه علشان لو احتاجت اى حاجه
كان خالد مع مريم و مبسوطين
يسرا والده خالد بعصپيه اى إللى جاب البنت دى هنا تانى
خالد كان واقف و مريم ورا ظهره كنوع انها بتتحامى فيه انا هتجوز مريم و كتب الكتاب الاسبوع الجاى
يسرا بصدممه انت اكيد اټجننت!!!!! عاوز تتجوز واحده مش من مستواك !!!! انت اكيد مش فى وعيك و بعدين انت نسيت إللى هى عملته و هى قبضت فلوس على خدمتك
كريم كانت مصدومه من كلامها و مش فاهمه هى تقصد اى بفلوس
خالد كفايه كدب عليا بقي علشان انا افتكرت كل حاجه
يسرا اټصدمت افتكرت! ازاى!! و امتى
خالد بجديه و صرامه مش مهم تعرفي المهم انى بعرفك انى هتجوز مريم يعنى هتجوزها و جاى اعزمك على كتب كتابي انا وهى يوم الخميس الجاى و الفرح الاسبوع إللى بعده
خالد بس ل نور انهم يمشوا و مسك ايديها و خرجوا
يسرا مكانتش مصدقه و قررت أن لا يمكن الجوازه دى تتم
و قعدت تفكر فى خطه تبوظ بيها الجواز دى وتبعد خالد عن مريم لان فى نظرها مريم متليقش بيه ولا بعيلتهم
يسرا كلمت شخص و اتفقت معاه يخطف مريم و ېقتلها بس من غير ما يجيب سيرتها فى اى حاجه
الشخص امرك يا مدام بس انا اخطڤ اه اقتل لا
يسرا بنرفزه هعطيك إللى انت عاوزو بس اعمل إللى بقولك عليه
الشخص بابتسامه مقززه بينت صفار أسنانه من السجاير بس الثمن كده هيكون غالي اوى
يسرا عاوز كام 

الشخص بطمع مليون جنيه
يسرا بصدممه و عصبيه كاااام!!!!
الشخص خلاص إللى معهوش ميلزموش
يسرى ڠصب عنها وافقت و عطته صوره ل مريم علشان يعرفها و يخطفها و ينفذ قبل ما تتجوز خالد
يوسف موبايله رن و كان من رقم غريب
يوسف برسميه الو مين معايا
انا ريم
يوسف بتكشيره ريم مين 
انا ريم إللى من أسوان
يوسف افتكر ايوه أيوه افتكرتك خير يا ريم فى حاجه
ريم بتوتر وإحراج انا محرجه منك بس صدقنى انا معرفش غيرك هنا و صحبتى اتخلت عنى
يوسف ببرود و المطلوب!
ريم حست انها تقيله عليه كنت عاوزه حضرتك تشوفلي اى شغلانه
يوسف تمام تعالى على الشركه هتكونى السكرتيره بتاعتى
ريم بفرحه شكرا بجد
يوسف قفل من غير ما يرد
ريم قالت فى نفسها اى التقل ده و البرود بس مهماش اهم حاجه انها هتلاقي شغل
ريم بنت جميله شعرها كيرلي متوسطه الطول و عينيها زيتونى
مريم قررت تكلم يوسف تقوله على كتب كتابها على خالد
موبايل يوسف رن و كانت مريم
يوسف فرح ان اخيرا افتكرته
يوسف رد و الابتسامه على وشه ذي ما يكون اتردت فيه الروح ازيك يا مريم اخبارك اى

مريم الحمد لله يا بشمهندس بصراحه انا كنت بكلمك اقولك حاجه كده
يوسف اتفضلي انا اسمعك
مريم بتوتر واحراج كانت حاسه انها بتعمل حاجه غلط انا و خالد كتب كتابنا يوم الخميس الجاى اتمنى انت و عيلتك تحضروا علشان انت عارف انى اعتبرتكم اهلي و انا مليش حد غيركم دلوقتى يكون جنبي فى يوم ذي ده
يوسف الخبر نزل عليه كالصعقه و اتكلم و هو بيبلع ريقه بصعوبة و ضبات قلبه سريعه الف مبروك يا مريم
مريم حست انه زعل يوسف انت كويس
يوسف كان حابس الدموع في عينيه وحاول يكون صوته طبيعي مش انتى كويسه و مبسوطه يبقي اكيد انا كمان مبسوط...
قفل يوسف بسرعه و بص لنفسه فى المرايه و استغرب هو امتى كان بيعيط على حد !! ليه بقي ضعيف كده خصوصا قدام مريم
كانت مريم طايره من
الفرحه ان اخيرا خالد اخترها و هو بكامل وعيه و كمان بيعشقها وواجه ووقف قدام مامته علشانها
كانت الحياه ماشيه عاديه و ريم كانت بتشتغل عند يوسف إللى مش عاطيها اى اهتمام و حاسس بالۏجع كل ما يفتكر انه كان الطرف الوحيد إللى طلع خسران اما ريم ف بدأت تتعلق بيه بس كانت بتدارى
خالد كان بيجهز ترتيبات كتب الكتاب مع مريم
يوسف كان مروح من شغله فى الشركه و شاف ريم واقفه بتستنى تاكسي و الوقت كان متاخر
يوسف وقف بعربيته قدامها تعالى اركبي اوصلك
ريم باحراج لا يا بشمهندس هتعبك معايا انا هاخد تاكسي
يوسف يلا اركبي مش عاوز نقاش الوقت