يوم كتب كتابي عزة العمروسي

هربت من كتب كتابي مرتين بسبب أبويا.
لما نتيجتي ظهرت في الأعدادية وجبت مجموع كبير يدخلني تمريض وثانوي عام أبويا قالي بنفس اللهجة
إحنا في ريف وعلام البنت سترتها 
ومكنش عنده نظام إن البنات تتعلم وكان مفكر إن ده من حق الولاد بس وبدأ يفتح باب للعرسان وانا كان جوايا طفلة بتحلم تبقى حاجة حلوة في المستقبل بقيت برفض كل العرسان لحد ما حس إني برفض عشان التعليم فخطبني لواحد منهم حاولت كتير أفهمه إني مبحبوش بس كان بيقنعني إن حياتي هتكون كويسة معاه!
حاولت أتخلى عن حلمي معرفتش بقيت كل يوم بكره خطيبي أكتر من الأول لأنه مش مشجعني على أي حاجة بحبها وفجأة لاقيتهم حددوا ميعاد كتب كتابنا فكروا إن الجواز هيخليني أحبه هربت أكتر من مرة بس هما قالوا للمأذون إني مكسوفة رجعت البيت لاقيتني مراته وبعد أيام لاقيتني في شقته ولما رفضت يقرب مني نزل اتهمني في أغلى ما أملك ساعتها عاملني بأقسى معاملة بطلب من أمه  ودخلت المستشفى والدكتور كان مصمم يفتح محضر بس أهلي هدوا الموضوع وطلعنا من المستشفى فقولتلهم وانا مڼهارة

لو رجعتوني بيته لا هرجع معاكم ولا معاه 
ورجعت بيت أهلي بعد أيام من فرحي وانا مش عارفة أعاتب أبويا ولا جوزي ولا مين
رفض يطلقني وقالهم هسيبها كدا متعلقة لا هتطول سما ولا أرض جالي جلطة من التعب النفسي وكلام الناس.
شوفت كل أنواع الۏجع في الفترة دي انعزلت في أوضتي كتير بس كنت بحاول أكون أقوى عشان أمي غيرت نمط حياتي ولبسي وبقيت كل يوم أدعي ربنا في قيام الليل وأقوله
يارب عوضني عوض يتعجب له أهل السموات قبل الأرض 
وأول ما ربنا شفاني نزلت شغل وقتها شافني شخص وحبني ولما قرر ياخد عنواني حكيتله الحقيقة وإن جوزي مش راضي يطلقني. 
بعد عني فترة عشان كان صعيدي ووحيد أهله ولم يسبق له الزواج وأهله رفضوني كانوا عاوزينه يتجوز بنت ويفرح وقفلهم وقالهم لو موافقتوش هسيب البيت وأخد شقة قريبة من أهلها ولو وافقتوا يبقى تقولوا للدنيا كلها إنها متجوزتش قبلي وإني أول راجل في حياتها عشان أنا أول راجل في قلبها.
هو اللي وقف لطليقي عشان يطلقني وخصوصا إن الجوازة يعتبر باطلة عشان كانت ڠصب عني ويوم خطوبتنا أهله حبوني بسبب حبنا لبعض أنا اكتشفت وقتها إن الرزق مش تعليم ولا شغل ولا كارير الرزق حد بيشجعني وبيحبني وواقف في ضهري وعاوز كل الناس تشوفني أحسن واحدة مش راجل يقلل مني ويحبطني ويتهمني بأشياء مش فيا.. بعد الخطوبة عملت أكتر من عملية وكان بيحفظ مواعيد علاجي أكتر مني!
اتجوزنا وبتمنى من ربنا نخلف ذرية صالحة تتربى مع أب بيحب مامتهم وهيحبهم زي ما بيحبها 
وحقيقي يابخت أي أم عرفت تختار أب وحبيب لولادها قبل ما يكون ليها..
الرزق في راجل اختارك وحبك في اسوأ ظروفك 
اللي عاوزك هيوصلك والغاوي هيجيلك من آخر البلاد ..
واقعية
عزة_العمروسي