من يوم ماتجوزت

كامله
من يوم ماتجوزت وانا مش سعيدة في حياتي معاملة سيئة وضړب وإهانة على اتفه الاسباب اتجوزت في محافظة تانية بعيد عن اهلي وكنت متخيلة انه هيعوضني عن بعدي عنهم بس إتفاجئت بعكس كدة تماما.. حاولت استحمل كتير لكن مقدرتش... طلبت منه الطلاق لكنه رفض بشدة
وياريته رفض بس.... دة اعتبر طلبي للطلاق إهانة ليه وبقى يذل فيا ويعذبني اكتر منعني من الخروج وبعدني عن الناس كلها حتى امي منعني اني اشوفها ولا اكلمها في التليفون ... حاولت اهرب واسيب البيت لكن كل مرة كان بيرجعني تاني ڠصب عني عشان انا مليش حد والدي مټوفي وامي ست كبيرة ومريضة فماكنش بيلاقي حد يقف قصاده...

كنت ساعتها لسة مش فاهمة هو ليه بيعمل كدة ليه متمسك بيا رغم انه مش بيحبني ليه مصمم يرجعني البيت معاه وهو بيكرهني ليه كل مرة يضربني ويشتمني وبعدها ولا اكنه عمل حاجة. 
ماكانش فيه غير جارتي وفاء هي اللي بتهون عليا العڈاب اللي انا فيه كنا دايما بنتكلم مع بعض من شباك المنور اول ما جوزي وجوزها ينزلوا اشغالهم 
هي ست طيبة اوي وجوزها راجل غني مغرقها هدايا وفلوس على امل انها هتخلفله الولد اللي بيحلم بيه هي معاها بنتين وحاليا حامل في الشهر التالت. و دايما تقولي استحملي بكرة لما تخلفي يمكن يتعدل وربنا يهديه
حاولت استحمل وجيت على نفسي كتير عشان عارفة لو هربت هيعمل فيا ايه...
لغاية ما في يوم كان راجع تعبان من الشغل ومعاه كيسة سودا كبيرة دخل خباها في الدولاب بسرعة ومن كتر تعبه نام وهو قاعد على الكرسي والموبايل مفتوح في ايده.
طبعا الفضول كان هيموتني عشان اعرف مخبي ايه في الكيسة لكن في نفس الوقت ماكنش ينفع اضيع فرصة ان موبايله مفتوح من غير باسورد.. دي تعتبر احسن فرصة اقدر اكلم فيها مامتي واطمن عليها من غير مايحس بيا.
مسكت موبايله واتسحبت بعيد بالراحة اوي عشان مايحسش بيا لكن قبل ما اتصل شوفت حاجات على الموبايل خلتني ابلم من كتر الصدمة ماكنتش قادرة اصدق اللي