مايان

_ بنتك الست هانم ست البنات راكبة عجلة بتمشى بيها فى الشوارع ومش كدا وبس دى نازلة تعمل شاى وقهوة للناس عشان شوية قروش على اخر الزمن اخت البشمهندس معتز صبى قهوة
بصتلة پغضب وعصبية 
خلصت! بص بقا يا بشمهندس معتز انا فعلا ست البنات اوكية ومش بس كدا انا اه صبى قهوة وبلف بالعجلة محموق اوى عشان بقل من برستيجك مش خاېف عليا انت خاېف على نفسك ومكانتك وسط الناس . عارف بعمل كدا ليه!
_ عشان انتى قليلة ادب.
قاطعت كلامه
لا وحياتك عشان انت مش بنى ادم تقدر تقولى بتصرف علينا ايه.. بترميلنا ٣٠٠جنيه اول كل شهر صح!
_ هو انتى فكرانى قاعد على بنك انا..

يااخى حرام عليك دا علاج ماما لوحده متكفيش الجنيهات اللى بتبعتها طيب فكرت الجلسة بكام وعلاجها اكلها المخصوص وغاز ونور وكهربا ولبس ودكاترة ومصاريف جامعتى قولى اعمل ايه! 
_ ومعاش بابا ياست هانم دا انا مباخدش منه ولا جنية
مهو دا الناقص كمان تاخد معاش بابا الله يرحمه معاش بابا كله اغلبه بيضيع على ايجار الشقة. هى دى الوصية اللى بابا وصهالك هو دا العدل وشرع ربنا دا انت مهندس وبتشتغل وحتى لسه متجوزتش لما تلبس بدلة وساعه و. و. و بالشئ الفلانى وماما مش لاقية تاكل اعمل ايه انا لفيت لما قولت ياكفا عشان القى شغل ملقتش 
تحدث بسخرية
_ايوه انا الۏحش وانتى بقا ياعينى البنت اللى بتكافح صح عيشى اللى ربنا كتبهولك واياكى.. إياكى يامايان تنزلى بالعجلة والعجلة دى هكسرها
نظرت بقوة
لا انت اللى تسمع كلامى بقا انت مش ولى امر ولا واصى عليا انا عندى٢١ سنه تمام يعنى راشد وحرة شغل هشتغل تعليم وهكمل تعليم اما مصاريفنا وحياتنا انا وماما ف بناقص ٣٠٠جنية بتوعك الله الغنى عنهم والبيت ده متدخلهوش اصل مش من مقامك انت واحد بيته ف المعادى ف حته هاى كلاس اذاى تيجى هنا
_عاجبك كدا ياماما بنتك بتطردنى قدامك وساكتة بدال ماتضربيها قلمين او تسبينى عليها اكسر للبنت ضلع يطلعها اربعة وعشرين
دخلينى
اوضتى يابنتى مش عايزه اشوف خلقته.
_طيب ياماما والله من النهاردة هنساكم واعيش حياتى وشوفوا من غيرى هتعيشوا اذاى.
نظرت له بدموع
منك لله يابنى قلبى وربى غضبانين عليك روح مش عايزه اشوف وشك تانى ابعد عننا انا اللى من النهاردة مخلفتش غير مايان 
ليه سبتنى يابابا! انا محتاجة لك اوى شوفت يابابا بنتك مايان اتبهدلت اذاى!! شوفت اخويا اللى كنت بتقول عليه سندى عمل فينا ايه قعدت تكبر وتربى وتعلم ودخلته هندسة ومصاريف وف الاخر رمى امه واخته
_زى عوايدك فى البلكونة ومعاكى صورة بابا وبتشتكى له همك 
مسحت دموعى بسرعة
ماما انتى هنا من امتى! 
_من زمان ياحبيبتى شيلتك صعبة يامايان حملك تقيل انا عارفة اب توفاه الله وسابك وبقيتى يتيمه ياحبة عينى واخ انانى وندل وام مريضة کانسر وتعليمك سبتيه سنتين مدخلتيش الامتحان واللى ف سنك ف تالتة وحتى مفيش جهاز ليكى لما تبقى عروسة.
ابتسمت ابتسامه خفيفة
انا عمرى شوفى عمرى ماشوفت ام بالامل والتفاؤل ده
ضحكت وعانقتنى
_عارفة انك بمليون راجل بس خاېفة اموت واسيبك لوحدك.. نفسى اغمض عينى وافتحها اشوفك مع عريس يكون صالح وابن ناس واطمن عليكى انا المړض هدنى.
مسكت دموعى بالعافية هو معقول ربنا يحرمنى من ماما كمان. هتصرف اذاى لو حصل كدا لاء مش هقدر اعيش دا انا انا.. لسة لما بشوف صورة بابا بنهار واتمرمطت من بعده
ايه ياماما هتخفى والله انا متاكده بعد جلسات الكيمو هتبقى زى الفل وبعدين ايه ده يازوزو هو فى حد تعبان يبقى بالجمال ده اممم عشان كدا بابا كان دايب فى حبك!!
_اهربى اهربى انا هروح اعملك شاى
ابتسمت
لاء انا هطلعلك بطاطا سخنة وتدفى لاحظى ان الدنيا برد ودا غلط عليكى احنا ف عز الشتا وهنزل اشوف شغلى 
بصت لى بتعجب
_دلوقت شغل دلوقت! يامايان الدنيا شكلها هتمطر الدنيا برد عليكى والساعة داخلة على ٨ باليل صعب
ياماما ياماما دا انتى لو بصيتى من البلكونه هتلاقينى انا تحت البيت وقدام البحر علطول وورايا محلات وناس رايحه وناس جاية الساعة ١٠ او ١١هتلاقينى هنا بس يازوزو نتفق علاجنا ف ميعاده وننام
ونريح جسمنا ماشى!
اتنهدت ثم ابتسمت
_امرى لله نفس العناد بتاع باباكى الله يرحمه ربنا معاكى يابنت بطنى ويجعلك فى كل خطوة سلامه ويطعمك مايحرمك يارب
ضحكت وقبلت يديها
هو ده الكلام مش تقوليلى مطرة وليل 
نزلت وركبت العجلة بتاعى حملت عليها العدة بتاعت الشغل وروحت المكان اللى بقف فيه هو كل الناس بصالى كدا ليه! طيب اعمل ايه هو انا لسة هقعد سنة تانى ادور على شغل.. الفكرة بتاعت مايانولا دى اه مجرد حلم حلمته وصحيت نفذته وكأن ربنا بعتهولى رساله عشان اشتغل بعد ٣ايام دموع وصلاة عشان ربنا يلهمنى اتصرف اذاى..اصلا عليا قهوة محصلتش بابا علمنى اعمل القهوة بحب ومزاج وفعلا مفيش حد شرب القهوة بتاعتى الا ومدح فيها ااه يابابا وحشتنى 
_لو سمحت واحد قهوة مظبوط يابنى انا هقعد قدام البحر فى الحته دى.
ابتسمت لانه مش عارف يفرق انا بنت ولا ولد
من عنيا يافندم ثوانى وتكون جاهزة
بصراحة الفكرة جامده قهوة طعمها حلو صوت عمرو حسن فى الباك جراوند وهو بيقولتقابلينى او ام كلثوم مثلا وهى بتقول امل حياتى قدامك بحر اسكندرية. ريحة المطر جاكت تقيل. كأنك ملكت الدنيا فى شوية الدقايق اللى هتقعدهم 
_اتفضلى دى احسن قهوة شربتها فى حياتى والله
بصيت لشعره الابيض تجاعيد وشه اللى الزمن رسمها ابتسامته الهاديه ابتسمت 
بس ياجدى القهوة ب ١٠ جنية ودى ١٠٠جنيه وانا مش معايا فكه ممكن تخليك بس جمب العجلة وانا هجيب فكه
بص لى وضحك
_ ومين قال لك عايز الباقى بصى ياست البنات قهوتك عجبتنى حتى الشاعر اللى مشغله قصيدته حبيته والله والربع ساعه اللى قعدتها دى عدلت مزاجى خالص ف انا دفعت المائة جنية دى عشان طعم القهوة اللى تجنن والشاعر الجميل اللى مش عارف اسمه وابتسامتك الحلوة وكلمه جدى كمان
فرحت
اسمه عمرو حسن.. بس دا كتير اوى
بصلى بعمق
_تعرفى تقرى الفنجان!
ضحكت
الصراحة ياجدى لاء اصل مش بأمن بيه
_ولا انا بأمن بيه ولا اى حد بيقرأ او بيسمع حد بيقرأه بيأمن بيه
اندهشت
اومال الناس بتحب تقراه ليه! وحضرتك بتسألنى عنه ليه
ابتسم 
اقعدى واحكيلك.
استجبت لطلبه وقعدت كانت
ايدة بتترعش باين ان سنه كبير مثلا ف السبعين من عمرة اول مااشتغلت ام كلثوم كان بيتفاعل مع الاغنية بحركه ايده كأنه عازف وفى تناغم لذيذ بينه وبين كل كوبليه من ام كلثوم بتقوله
ادينى ياجدى عملت قهوة ليا زى ماطلبت وعملت لك حاجه شاى بنعناع بس دا على حسابى
ضحك
_ موافق ياستى.. بتعملى كل حاجة بحب ودا سر حلاوة القهوة بتاعتك انا كنت متابعك وانتى بتعمليها اشربيها واقرألك انا الفنجان 
من غير ماتقرأ ياجدى هى على رأى والداتى مقفلة معايا من كل حاجة 
بصلى بحب
_ الحب قدامك وهيجيلك.. وهتزعلى شوية وأدى حال الدنيا علطول بتزعلنا وفيها ايام حلوة بتفرحنا.. فى احلام لسه هتتحقق. هتعيشى تشوفى احفادك وتحكيلهم قد ايه كنتى اشطر بنت ف اسكندرية تعمل قهوة 
علقت على كلامه بضحك
عارف حضرتك لو كنت بأمن بقراية الفنجان بعد اللى حضرتك قولته مكنتش هأمن بيه تانى انا ربنا خد منى كل حاجه وأدانى الحظ تقريبا 
بصلى بعمق ومبتسم لضحكى
_ زمان مراتى رحمها الله كانت بتقولى انا باخد الامل من الفنجان لما اقراه عارفة انه شوية بن بس بركز فى تفاصيله واحلم بالاحلام اللى عايزاها وفجأه القى البن رسمه فهمتينى!
ضحكت
قصدك اوهم نفسى بالسعادة
_ بالظبط وبعدين ياستى انتى فعلا هتعيشى بسعاده هو معقول الضحكة الحلوة والابتسامه اللى بټخطف دى الدنيا تكون قاسېة معاها اسمعى كلام الفنجان
الدنيا قاسېة بس دى الدنيا هرستنى ياحج هرستنى جامد يعنى وماذا لو كنت صخرة لا بتحس ولا بتتحرك زى الصخرة اللى هناك دى قاعده قدام البحر لا بيها ولا عليها ومستمتعه. ولا اى حاجة ياست مايان هيجى واحد نكدى يقعد جمبها يفضفض ويطلع اللى جواه وينكد على اللى جابوها طيب اتسخط ايه يارب وابقى مرتاحه سحلفه قد الدنيا 
 يعنى ايه يادكتور ماما مش هتاخد الجلسة بتاعتها 
_ ياانسة مايان مامتك مش مستحملة الكيماوى خالص وصعب اوى دلوقت على الاقل اسبوع تانى 
بصتله والدموع متجمعه فى عنيا 
_انا عارف ياانسة مايان انه صعبان عليكى والداتك بس والله دا هيضرها حاليا 
صوتى كان مبحوح
هو حضرتك تنفع تصارحنى بحالتها! متخبيش
عنى ارجوك 
بصلى بجمود
_ لا حول ولا قوة الا بالله بصراحه كدا ياانسة مايان ماما حالتها حرجة وميأوس منها دا حتى الكبد حالته غير نشطه خالص ادعيلها ربنا يرحمنا جميعا
سبتونى انتوا الاتنين معقول بقيت يتيمة الاب والام فعلا هى متقفلة معايا من كل حتة ياأمى حتى ابنك مجاش العزا النهاردة التالت من يوم وفاتك ومجاش سأل ف اخته او عزاها الباب بيخبط اكيد هو 
جريت وعنيا مليانه دموع
معت.. حضرتك انت عرفت مكانى ازاى
_سالت الواد بليه دا حتى مكنتش اعرف اسمك قولت له البنت اللى بتقف بعجلة تبيع قهوة افتكرك وقالى مايانولا وشرحلى المكان وعرفت باللى حصل البقاء لله 
 تعبت نفسك ياجدى ونعم بالله 
ابتسم ابتسامة لطيفة
_طيب يلا على الشغل انا ليا شهر بروح نفس المكان اللى بتقفى فيه ومش بشوفك
مسحت دموعى بأناملى
_اصل ماما الله يرحمها اخر شهر كانت تعبانة مكنتش بقدر اسيبها وانزل.
طيب يلا موحشكيش البحر ولا ايه لو مكنش وحشك البحر انا وحشتنى قهوتك من وقت ماشربت الفنجان من ايدك وانا مش قادر انساة ابدا تعالى اعملي لينا فنجانين واقرالك الفنجان 
ابتسمت 
_لا بالله عليك بلاش قعدت تقولى حب وسعادة الست الوالدة اتكلت وابويا متكل قبلها انت ممكن تطيرنى انا كمان 
ضحك بصوته كله
_فاكرة انا قولتلك ايه وهتزعلى شوية وأدى حال الدنيا علطول بتزعلنا وفيها ايام حلوة بتفرحنا.. 
ركزت بعمق للكلام فعلا زعلت والدنيا بتزعلنا بس هل يستقر الحزن دايما! ولا الدنيا هتعمل جميل فيا وتفرحنى حتى لدقائق
_اعتبرينى زى بابا او جدك زى مابتقولى انا اسمى مختار والنهارده انا عرفت اسمك مايان صح 
ابتسمت ابتسامة خفيفة
عاشت الاسامى ياجدى ايوه ياجدى اسمى مايان 
_اسمك جميل والقهوة بتاعت حلوة كلها حب بس فيها شوية حزن 
حزن!!
_ايوه يامايان لما بتعملى حاجه بتحطى كل طاقتك وهمومك فيها وست الحسن حزينه بصى من النهارده هاجى اسهر معاكى كل يوم على البحر لغايت ماتخصلى شغل وعلى فكرة انا نقلت من بيتنا وسكنت فى العماره بتاعتك 
اټصدمت
انت..حضرتك يعنى ب بتعمل معايا كدا ليه 
اتنهد
مش هقولك انك محتاجة لى وانك عايزة
حد يقف جمبك بالاخص بعد ماحكيتي عن اخوكى انا اللى محتاجك خاېف..خاېف اموت واعفن ف شقتى ومحدش يعرف ربنا عوضنى بيكى معنديش اولاد ولا احفاد وزوجتى سافرت وسابتنى. اوعى انتى كمان تسيبينى
دموعى امتزجت مع ابتسامه فى عنيا ربت على كتفه
ربنا بعتك ليا ياراجل ياعجوز اسيبك ازاى!! بس برضو مش هتقرالى الفنجان 
_الو ايوه يامايان يابنتى انا شايف شقتك ضلمة انتى لسه مرجعتيش من بره 
لا ياجدو مرجعتش اشتريت كتب ومذكرات للجامعه وقعدت قدام البحر شويه لقيت زباين فرشت
_يابتى الساعه ١١ انزلك
لا..لاء الدنيا برد عليك ياجدى متنزلش انا هطلع 
_لو سمحت واحد قهوة يابنى 
ابتسمت
حاضر ياباشا 
بصلى بتركيز وبيدقق فى ملامحى
هو فى حاجة حضرتك!
_الصوت بنت بس اللبس والوقفه ولد 
ابتسمت
اتفضل قهوتك يافندم
قعد قدام البحر وعنيه فيها دموع كتيرة مكنتش عارفه افرق دموع عنيه من المطر بسبب غزارتها قعد يقلب فى جيبوبه وملقيش فلوس واتحرج
_احم احم انا اسف انا تقريبا العشرة جنية اللى كانت فى جيبى وقعت 
ابتسمت
حصل خير مش هتفرق 
_فرحان ان اخر حاجه هشربها قهوتك واخر حاجه شوفتها عيونك وابتسامتك كلهم امل على الرغم من التعب اللى فيهم
مفهمتش قصده لقيته بيجرى من مكانى قدام عربية هينتحر! ايوه بينتحر محستش بنفسى غير وانا بشده على الارض والعربية اللى فرملت بسرعه والناس اللى اتلمت علينا وانا حرفيا الوقعه اثرت على دراعى لدرجة انه اتكسر وودونا المستشفى
_حاسة ب ايه!
عملت كدا ليه!
_ليه انقذتينى ليه!
ليه عايز ټموت كاف ر!
ابتسم كانت ابتسامته فعلا ټخطف القلب هو ليه عايز ېموت لو كل الناس عندها ابتسامه بالطريقه دى او حنيته اللى ف نبرة صوته وخوفه عليا لما الدكتور قال كسر. والدموع اللى نازله منه لما اغمى عليا وفوقت شوفت ابتسامه نورت عيونه. ليه انسان بالطريقه دى يخسر نفسه واخرته كدا
_هتفضلى تجاوبى سؤالى بسؤال!
انت مين وعملت كدا ليه
_على فكرة جدك هو اللى دفع كل حاجه لانى مفلس وقالى خلى بالك من مايان منا ماارجع اسمك حلو طبعا اما انا مين! انا اسمى رامز خريج تربية عوطلى قد الدنيا مش عارف يجيب لامه الدوا وجهز اخته
بتقطيع القلب ولسه مخلصش 
لا ارديا قارنت بينه وبين معتز اخويا 
برافو تروح منتحر وتسيبهم يطلتموا من بعدك مش كدا! هى دى الرجوله.. طيب مفكرتش ان ممكن مامتك تحصلها حاجه لا قدر الله وتبقى اختك عايشة بطولها ملهاش حد ودا اصعب شعور الوحده ممكن تحسه عارف ليه! عشان انا عايشه وحدى واللى جه ف مقام جدى لكنه مش جدى يتيمه الاب والام واخويا ف نظرى ماټ
_انا لما شوفتك ودققت فى ملامحك وعرفت انك بنت زعلت على نفسى واستحقرتنى انا اشتغلت كل حاجة بس النهاردة اترفدت من شغلى عشان كنت امين تخيلى
بعد عدة أيام 
ابتسمت وحركت ايدى بآلم
طيب انا عايزه مساعد 
ابتسم
_عايزه حد يسوق العجلة يعنى ولا ايه
ضيقت عينى 
بتتريق عليا يارامز يامنتحر انت لا ياسيدى هعمل مشروع مايانولا عربيه فيها أكل ومعجنات وقهوة
_ انا مش هشتغل معاكى انا هدخل شريك ونكبر العربيه
يامسهل موافقه
_اشمعنى هنسميه مايانولا يعنى منسميه رامزولا او اسم مشترك بينا
ضحكت بكل صوتى
_على فكرة مايانولا مش دلعى بس دا اسم مشترك بينا هتقولى اذاى هقولك فاكر لما مامتك جات المستشفى وقعدت تقولك ولا يارامز انت ياولا 
ابتسم
_ايوه فاكر ايه علاقته بالاسم 
ياعم ركز انا اسمى مايان وانت ندهت عليك قالت اسمك المستعار يا ولا لما نضمهم على بعض تبقى ايه مايانولا
ضحك
_اقتنعت على بركه الله
عدى سنه وانا بقرب منه وهو كمان بيقرب منى والعجلة بقيت عربية والعربية خلاص بقى مطعم مطعم كله حب برضو اسمه مايانولا والنهاردة يوم إفتتاح المطعم هو برضو يوم جوازنا انا ورامز يستحيل افرط فى الحب والحنية والطيبة والشهامه والجمال احم احم اللى بعتهوملى ربنا فى شخص واحد ومعايا جدى مختار اللى ربنا عوضنى بيه هو طبعا الوكيل
_من وقت ماشوفت ضحكتك وابتسامتك كنت حاسس بحاجه غريبة
ايه رايك فى الفستان!
_هو فى وردة برضو بتسأل عن جمالها مش كفاية نظرات الناس وانبهارهم بيها
ميهمنيش نظرات اى حد غيرك.
_انتى حلوه فى كل حاجة يامايان حتى لما كنتى لابسه كاب ولبس ولد كان برضو جمالك باين بحبك بحبك اوى
احيانا بتبقى مقفلة من كل حتة
وتحس ان ربنا مش سامعك ولا حاسس بيك فجأة تلاقى ربنا بيعوضك بيعوضك عن كل دمعه حزن نزلت من عيونك بيعوضك بغزارة 
تمت 
مايانولا 
ميرنا_ناصر
روايات_واسكريبتات_مميزة