ملاك بقلم اسراء سمير

في بيت يملأه الدفء تجلس فتاه في غرفتها تحمل في يديها صوره لوالديها تنزل دموعها بصمت تتمني لو أنها تراهم فإنها فقدتهم وهي طفله في عامها العاشر 

هي الآن في الثانيه والعشرين من عمرها تعيش في بيت عمها لا تنكر أنه أب ثان يغمرها بالحنان وأيضا زوجته التي لم تبخل في عطائها 

هم لديهم من الأبناء واحد فقط ابن عمها فارسهو لا يمكث معهم فهو يعيش في لندن مع خاله فهو مهندس ناجح يسعي الي التقدم يزور والديه كل عام ويتحدث معهم في الهاتف دائما

تدخل عليها زوجه عمها التي تعتبرها ابنتها فهي لم تنجب إلا فارس وتدعي فاطمه

فاطمه حبيبه ماما بټعيط ليه

ملاك أصل ماما وبابا وحشوني أوي 

فاطمه كدا يا بنتي هو احنا اصرنا معاكي في حاجه 

ملاك ليه بتقولي كده انتو اهلي وكل دنيتي بس نفسي هما كمان يكونوا معايا انا حتي مليش أي ذكري مش متذكره أي حاجه دا الي مدايقني

فاطمه يا بنتي انتي كنتي صغيره فطبيعي أنك مش فاكره وبعدين بدل متعيطي ادعلهم 

ملاك ربنا يرحمهم اقوليلي بقا هو فارس هييجي امته

فاطمه شوفي البت ههه وانتي بتسالي ليه

  احمرت وجنتي ملاك

وقالت مهو بس أنا بسال مفيش حاجه يعني

فاطمه ههه خلاص متحمريش كده يا ستي هو قال نازل الأسبوع الي جاي

ملاك بجد احم 

فاطمه يا بت اتهدي انتي مدلوقه علي الواد كده ليه اكمنه يعني قمر

حزنت ملاك فهي تعلم ان فارس لن ينظرإليها فهي ليست جميله فهي ترتدي نظارات كبيره تخفي نصف وجهها وسميكه تخفي لون عينيها الخضراء وأيضا إهمالها لنضاره بشرتها فيظهر بها بعض الحبوب أما ملابسها فهي واسعه جدا ومهمله وغير متناسقة فهي لا تهتم بمنظرها أما عن شعرها فهو مجعد قليلا 

ولكنها تخفيه تحت حجابها وتضع ايضا تقويم علي اسنانها ولكن لديها فم وانف صغير فكم عانت ملاك من سخريه من حولها وخصوصا في الجامعه فهي تدرس في كليه هندسه في السنه الثالثه

وقد لاقت أيضا من سخريه ابن عمها كثيرا فكيف له أن ينظر إليها

لاحظت فاطمه حزنها وقالت حبيبتي انتي جميله بس انتي بس الي مبتهتميش بنفسك وبعدين كفايه قلبك الطيب واخلاقك العاليه الي مفيش منها وانا كمان نفسي تبقي نصيب فارس دى يوم بتمناه بس أنا عارفه أبني بيشوف الشكل وبس بس مسيره يعرف ويقدر حبك

  حضنتها ملاك وقالت ربنا يخليكي ليا يا ماما ويحرمنيش منك انتي وبابا الا صحيح فين بابا مش سامعه صوته

محمد حد بيجيب سرتي 

قامت ملاك تجري عليه وتحضنه وتقول صباح الخير يا بابا عامل ايه 

محمد صباح النور يا قلب بابا الحمد لله اسيبكم بقا وانزل الشغل عايزين حاجه

فاطمه وملاك نعوذ سلامتك 

فاطمه تروح وترجع بالسلامه يا حاج 

واستدارت لملاك وقالت بت انتي معندكيش كليه ولا ايه

ملاك لا عندي بس مش رايحه هناك بيرخموا عليا وكمان يوسف مش هنا علشان يوصلني

فاطمه فكرتيني الواد دا راح فين بقالي يومين مش شايفاه

ملاك انتي ناسيه يا ماما انو عندوا ماموريه في الغردقه 

فاطمه فكرتيني ربنا معاه هو والي زيه

ملاك يا رب هو وحشني اوي

تليفون ملاك يرن

ملاك أهو بيرن عليا اسيبك بقا علشان ارغي معاه

ملاك الو ازيك يا جو عامل ايه وحشتني مۏت راجع امته بقالك كتير و 

يوسف حيلك حيلك ايه كل دا أولا انتي كمان وحشاني ثانيا انا خلاص قربت أخلص وجي بكره ان شاء الله انتي عامله ايه يا قلبي 

ملاك الحمد لله يا حبيبي بس مستنياك القاعده ممله من غيرك 

يوسف ايوه يختي قولي كده عايزه حد ترغي معاه

ملاك أخص عليك أنت عارف ان يومي بيبقى ممل من غيرك وكمان انت الصديق الوحيد الي عندي 

يوسف حبيبه قلبي بهزر معاكي انا كمان مليش غيرك انتي الأخت والصديقة وانتي أغلي حاجه عندي 

ملاك ربنا يخليك ليا قولي بقا عملت ايه في المهمه

يوسف يا دا يطول الشرح لما انزل ان شاء الله هقولك سلام يا قلبي ورايا حاجات كتير اكلمك وقت تاني

ملاك مع السلامه يا جو 

يوسف ابن خاله ملاك واخوها في الرضاعة عمره 23 فهو اكبر منها بسنه يحبان بعضهما كثيرا فهما متقاربان يعيش يوسف بمفرده في الشقه المقابلة لملاك فوالده ووالدته توفيا وهو في عامه 15 فوالده كان صديق عم ملاك وجيران هو شاب وسيم ويعمل ظابط شرطه 

أما فارس شاب عمره 25 وسيم جدا يخدع بالمظاهر لا ينظر الي ابنه عمه ويسخر منها ومن مظهرها هو ذهب ليعيش مع خاله وهو في 17من عمره 

الفصل التاني

في اليوم التالي رن جرس الباب فذهبت فاطمه لتفتح

فاطمه يوسف ازيك عامل ايه ادخل يا بني

يوسف الحمد لله وحضرتك عامله ايه

فاطمه الحمد لله يا بني

يوسف يبحث بنظره عن ملاك ولاحظت ذلك فاطمه وقالت أكيد بتدور علي ملاك هي قاعده في اوضتها أدخلها

قام يوسف وذهب الي غرفه ملاك وطرق الباب 

فسمع صوت ملاك تأذن للطارق وعندما فتح الباب تفاجأت ملاك بيوسف وقامت سريعا واحتضنته متممه بسعاده جو حمد لله علي السلامه وصلت امته 

يوسف ههه حيلك يا لوكا انا لسه واصل 

ملاك جو عايزه اقولك حاجه 

يوسف قولي يا قلبي

ملاك انت عارف يا جو إني مبخبيش حاجه عنك وعارفه

أنك عارف حبي لفارس و 

يوسف ملاك مش احنا اتكلمنا في الموضوع دا قبل كده وقولنا تنسيه هو مش بيحبك هو بيهمه المظاهر بس وعارف كمان أنك مش عايزه تغيري من نفسك علشان يحبك كده بس هو عمره ما هيحبك كده هو كل همه الشكل

ملاك بدموع يوسف انا بحبه قوي وهو مش هامه حاجه ولا معبرني دا كمان بيجرحني بكلامه مش عارفه اعمل ايه انا بحبه من وانا صغيره

يوسف مسح دموعها وقالها حبيبي هيبقي قوي وينسي وقام وقف وقال سيبك بقا وقوليلي مش ملاحظه حاجه

ملاك بصتله شويه وقامت نطت وسقفت انته اترقيت صح وراحت حضناه

يوسف ههه ايوه صح 

ملاك ألف مبروك يا قلبي

يوسف الله يبارك فيكي وبالمناسبة دي انا عازمك لأي مكان تقولي عليه

ملاك كانت فرحانه جدا بس افتكرت حاجه حصلت لما آخر مره خرجت معاه وحزنت وقالت لا يا يوسف مش عايزه اخرج ايه رايك تجبلي حاجه بدالها

يوسف خد باله واتعصب وقال ملاك انا عارف انتي بتفكري في ايه بس الي حصل المره الي فاتت ده كان واحد متخلف و

ملاك مقاطعه يوسف هو عنده حق انا عفريت العلبه شبه مهو قال هو مغلتش وانا عارفه أنك أكيد محرج مني و

  يوسف بعصبية شديده قولتلك مېت مره انتي مش وحشه ومتقوليش علي نفسك كده هو الي حيوان وبعدين ايه محرج منك انتي واعيه للي بتقوليه

ملاك ببكاءحاد انا اسفه يا يوسف مش هقول كده تاني بس انت أهدأ

يوسف هدا لما شافها بټعيط جامد وقال خلاص يا لوكا متعيطيش وهخرجك احلي خروجه ايه رايك

ملاك ابتسمت وقالت ربنا يخليك ليا وميحرمنيش منك ابدا

يوسف ولا منك يالا بقا علشان احكيلك ايه الي حصل في المأمورية 

في مكان آخر في بيت يغلب عليه الثراء

يجلس فارس أمام خاله ويقول خالي انا بستازنك علشان اخد اجازه من الشركه علشان نازل أول الاسبوع مصر

خاله ويدعي عماد تمام يا فارس تقدر تاخد الاجازه الي انته عايزها بس مش كتير انت عارف شغلنا

فارس اه