اسكريبت

عشرين دوناتس بالشوكولاتة و خمسة أيس كوفي
قاطعني صوت همهمة بسيطة بيقول 
_ يعني كل واحد هياكل أربعة دوناتس لوحده!
لفيت راسي ناحية الصوت ولاقيته وجه نظره لموبايله معرفتش ملامحه بس اتعصبت وبصوت هادي مشابه لنبرته قولت
_ لو البني آدم يخليه في حاله وملهوش دعوة بأخوه البني آدم الدنيا هتبقي في سلام
_ بتقولي حاجة! 

_ أفندم! 
_ ابقي هاتي حاجة مالحة لأحسن كتر السكر بيجيب السكر يا سكر
لسة هرد لاقيته مشي ببرود ومعاه شنطة اللاب في إيده وفي نفس الوقت كان الأوردر جهز
حتي الأكل مبصوص فيه 
أحلي ۏجع بطن عليكي يا نوران.
_ مالك مكشرة ليه
_ كلي وأنتي ساكتة لأحسن أنا مش طايقة نفسي
غمزت واحدة وقالت
_ أنا شوفت حتة دقن قمر واقفة جنبك إيه النظام
_ النظام إني هديكي ك ف يروقك يا ياسمين لو متلمتيش
_ هتلاقيكي أكلتيه يا قلب أمه 
_ هتشتغلوا تحفيل هسيبكم و آخد الأكل وأمشي
_ همك علي بطنك أعوذ بالله
_ ما أنا مش هيجيلي تس مم من مفيش
____________
_ يعني إيه مش هتلبسي الفستان ع طول يا نوران
_ يا ملك ما أنتي عارفة إني مش بعرف أشتغل غير بحاجة مريحة وبعدين الفستان هيبقي معايا يعني هدخل أغيره بسرعة في الحمام وكدة
_ اللي يريحك ياستي بس إنتي كدة هتتعبي أوي
_ و هو عندنا كام سارة ياستي
_ سارة أصلا مكسوفة جدا منك و إنك رفضتي تاخدي فلوس وكدة
_ البت دي هبلة فلوس إيه اللي آخدها من عشرة عمري
_ ربنا يديمك لينا يا نوري
_ و يديمكوا ليا يا اللي هتشل وني بصي جهزي نفسك بقي إنتي وباقي البنات ع أربعة العصر كدة علشان نلحق شوية صور حلوة قبل غروب الشمس
_ حاضر هأكد عليهم يا معلم 
_ نوران شكلي حلو!
حضنتها و قولت
_ مشوفتش عروسة بالجمال ده اللهم بارك يا سارة أنتي مش جميلة أنتي قمر..! 
_ هتعبك معايا النهاردة بس الصورة من أيد اللي بنحبهم بتبقي مختلفة و أنا بصراحة طمعانة إن صوري تبقي من أيد أشطر فوتوجرافر
_ طب كفاية تطبيل لأحسن أصدق و أدو س عليكم
_ نوران وريني الصورة
_ ضحكتك