اسطوره الجن

 ومن الحماس ال كانت بتسال بيه بيظهر انها مخافتش وبدا جدي يحكلنا قلنا ان ف مكان مشهور ف القريه مكان اسمه " تحت العمدان"  وده مكان اهل القريه عملوا زمان لراجل عجوز ابنه طردو هو ومراته  من البيت وكان رافض يسكن عند حد واهل القريه ساعدوا بانهم  عملوا عواميد في الشارع وطلع فوقها بيت وبقا شارع بس تبص لفوق تشوف الخشب بتاع ارضيه البيت  مش السماء  وعملوا سلم يطلع ع البيت وبعد ما الراجل ومراته ماتوا بدات الاقاويل تطلع علي المكان ده وبعدها محدش قدر يسكن فيه والكل بېخاف منه منهم ال قالوا : الاطفال بيشوفوا ناس كبيرة ف السن لابسه اسود وقاعده علي السلم .

ومنهم ال بيقولوا : في وحده كانت فاتحه دكان خضار وكانت دايما بتلاحظ اختفاء الحاجات منها ودايما بتلاحظ ناس غريبه مش من القريه في المكان ولما كانت  تروح تتكلم معاههم مش بيردوا عليها وف اوقات مكانتش بتلحق تروحلهم بعد ما تشوفهم ويختفوا .
وال بيقولوا :  ان بالليل بيسمعوا اصوات اطفال بټعيط كتير هناك .
وهنا ادخل بابا ال ملاحظتش امتي دخل من انصاتنا الشديد وتركيزنا في كلام جد وكمل كلام وقلها 
ومنهم راجل قال: انه شاف ست كبيرة قدامها حاجه عايزة تشيلها ف راح عليها ع يرفعهالها شاف عنيها بتطلع شرار طلع يجري ع بيته وهي وراه اول ما مامته فتحتله الباب الست دي اختفت . 
واكتر  حاجه طلعت بين الناس وصدقها معظم اهل القريه  ان اي شاب الفضول بيسيطر عليه ويخليه يطلع المكان ده مش بينزل تاني و بيختفي والغريب ان مفيش ولا بنت اختفت كلهم شباب 
ومحدش عارف بيختفوا يروحوا فين ومع اول شاب طلع المكان ده واختفي اهل القريه بداوا يطلعوا اقاويل مختلفه عن سبب اختفاءه و كل ما شاب يختفي يقولوا تحت العمدان السبب 
و يوسف ابن جارتنا ال انتوا عرفنها اختفي برضو والكل قال ان الجن ال ساكن البيت ده اخده تحت الارض انا بعد ما سمعت كل ده خۏفت اكتر والأفكار بدات تراودني عن المكان ده جزء فيا مش مصدق ال بيسمعها وبدات افكر في سبب اختفاء الشباب ممكن يكون حد استغل خوف القريه من المكان ده وبدا يعمل جرائم وبيقتل او يخطف الشباب دي لسبب ما وممكن الشباب دي بتسيب القريه بإرادتهم وبيسيبوا اهلهم فاكرين الجن اخدهم تحت الارض الاكيد ان الاقاويل ال قالها جدي عن المكان ده مش صحيحه واكيد هنكتشف السر ده بعدين . فوقت من تفكيري علي صوت هايدي وبدات اركز في حوارها مع بابا وجدي .
وقالت الحاجه ال كنت بتمني انها متحصلش وانها عايزة تروح تشوف المكان ده .  
وبابا معرفش يخلص من فضولها ف انها تروح  حتي مع رفض ماما وانها خاېفة عليها و تاني يوم اخدها يوديها وانا طبعا رفضت ان اروح المكان ده كفايه الكوابيس ال بدات تراودني بسبب حكايات جدي. 
وهايدي بعد ما جت محدش عرف يسكتها عن قد اي المكان ده قديم وشكله يخوف وانها اتمنت  تطلع البيت نفسه مش بس تشوف من تحت بس بابا رفض  وقالت ان كله من الخشب حتي الارضيه وكميه التراب ال عليه وعلي السلالم ال بطلعك علي البيت  تدل ان محدش ډخله من زمن وانا كان عندي فضول اشوف المكان زيها بس خۏفي كسب كالعاده ومقدرتش اروح والايام عدت بدون احداث تذكر .
واحنا قاعدين بنتغدي في يوم هايدي قالتلي عايزة تروح تزور وحده صحبتها هنا وعيزاني اروح معاها استغربت جدا بس مداتش اهميه وروحت معاها وصلنا لشارع غريب وقبل ما اسال احنا فين افتكرت وصف جدي من كام يوم عن "تحت العمدان" وقفت مكاني پخوف ولقيت هايدي بتشدني من ايدي ومقاوتش مش عارفه ازاي في حاجه جوايا كانت بتشدني للمكان ده وطلعنا المكان ده فتحت الباب ال ماخدش وقت ودخلنا  
الډم نشف ف عروقنا وحتي اختي حسيت بايدها ورجلها بيترعشوا من الخۏف لما شوفنا ......