كارمن الجزء ال 13

تعبت ومش مستحمله كلامك ده!
وقفت والدتها بعصبيه وصړخت بوجهها 
ثم نظرت حولها بحسرة واضافة 
ده مش مكاني! مش سهير سالم اللي تقضي اللي باقي من عمرها في اوضه فوق سطح!
تابعت كارمن تحركات والدتها بالغرفة بصمت اتجهت سهير الي خزانة الملابس الصغيرة واخذت ثيابها القديمة والقتها ارضا وهي تصرخ بانفعال 
كل دول عايزين يترموا واشتري جديد..
نظرت كارمن الي الثياب التي القتها والدتها ارض ركلت سهير الثياب بقدمها وهي تصرخ پجنون 
انا من حقي اعيش في بيت نضيف
مش اعيش هنا! ومن حقي يكون عندي عربيه وكريدت كارد مفتوحه اصرف منها برحتي زي زمان..

خفضت كارمن وجهها بحزن وغمضت عيناها تبكي بقلة حيلة. لم تتوقف والدتها عن الصړاخ وهي تضيف 
شوفي شكلي بقا عامل ازاي شعري بيقع بسبب المنتجات الرخيصه اللي بستعملها ووشي بدأ يكرمش.. انا
كل اللي بتطلبيه ده مش ضروري عشان نعيش يا ماما! شعرك اللي بيقع ووشك اللي بيكرمش ده مش سببه الفقر! انتي كبرتي وده طبيعي يحصل مع اي ست في سنك! 
انا مكبرتش.. انتي اللي عملتي فيا كده بالفقر اللي عيشتيني فيه! انا سهير سالم.. سمعاني.. انا سهير سالم اللي كل الرجالة بيتمنوا مني نظرة وبيدفعوا ډم قلبهم عشان بس ابصلهم.
ارتطم جسد كارمن بالحائط اثر دفعت والدتها لها بقوة لم تبالي سهير بها واتجهت الي ثيابها التي القتها ارضا وجذبت احد الثياب وقامت بارتداءه وهي تردد باصرار 
انا لازم الاقي حل بسرعة.. مش هستنا اموت هنا بسببك.
وضعت كارمن يديها فوق رأسها وهي تتألم من دفعت والدتها لها انتهت سهير من ارتداء ثيابها وهي تردد بأصرار لازم الاقي حل
توقفت سهير والتفتت اليها تجيب عليها بأصرار 
هروح للمحامي بتاعي يشوفلي اي حل.. انا مش هسمحلك تموتيني جنبك هنا!
تحدثت كارمن بقلق وهي تبكي 
والمحامي هيعملك ايه! انتي خلاص خسړتي كل فلوسك من زمان ومبقتيش تملكي اي حاجة!
اتجهت سهير الي باب الغرفة