حما بنتي

خلصت اتعودتي ان انا اللي اعمل كل حاجه
ناهد 
في حد يا بنتي يكلم ماما وبالطريقه دي بس انتي مالك عامله كده ليه يا اميره
اميره 
بقولك ايه يا خالتي والنبي سيبيني في حالي دلوقتي انا مش قادره اتكلم في اي حاجه
بعدها خرج اسامه
اسامه 
ايه ده اميره ازيك عامله ايه عاش من شافك بقى دي كتير برن عليكي علشان اقولك اني عايز اشوفك ضروري بس انتي مش بتردي
اميره 
ازيك يا اسامه معلش اصل انا مش مسجله رقمك خير في حاجه
اسامه 
ابدا كنت لقيتلك شغل زي ما انتي ما طلبت مني
وكمان جبت لك المذكرات دي عشان تبداي ذاكري بيها مش انتي قولتي ناويه كملي تعليمك
اميره 
لا خلاص ما انا هتجوز واقعد في البيت ماما انا هسبقك على البيت وانتي ابقي تعالي وبعدها 
مشيت
اسامه 
ازيك يا خالتو عامله ايه بعد اذنكم يا جماعه عشان ورايا مشوار ضروري وبعدها نزل
ناهد 
والله بنتك دي على طول فقريه ماله اسامه ابني ما هو معجب بيها ونفسه يتجوزها
سنيه 
وانا عمري ما ارضى لاسامه انه يتجوزها انا عارفه بنتي صعبه ازاي لا طبعا
ناهد 
ربنا يهدي لك الحال يا حبيبتي ويهديها عليكي بس لو منك توافقي على يوسف يوسف محترم وابن ناس والله
سنيه 
ڠصب عني لازم اعمل كده انا عارفه بنتي كويس قوي لما تحط حاجه في دماغها لازم لازم تنفذها
وبعدها مشيت
وكانت قاعده اميره في البيت والتلفون 
رن
اميره 
يوه ده اكيد اسامه بيرن عليا من رقم غريب والله لو رديت وكان هو ما يعرف انا اعمل فيه ايه الو ايوه مين معايا
يوسف 
ازيك يا انسه اميره انا اسف والله على طريقه الكلام اللي كلمتك بيها النهارده
اميره . بالله عليك قولي ان انت يوسف معقوله وانت جبت رقمي منين وبجد انت بتكلمني
يوسف 
طبعا كان لازم اكلمك علشان اعتذر لك على طريقه الكلام اللي اتكلمت معاكي بيها واقولك كمان ان انا وبابا هنيجي علشان نتقدم
اميره 
بجد انت ما تعرفش انت فرحتني ازاي بكلامك ده ربنا يخليك يا يوسف اصل انا متعرفش أن 
معجبه بيك من زمان اوي
يوسف 
انا اسف بس انا لازم اقفل السكه دلوقتي علشان ورايا شغل كتير
قوي في المستشفى
وبعدها قفل السكه
اميره 
هو ليه بارد كده بس كويس أنه 
هيجي وتاني يوم في بيت محمود الباب 
خبط وفتح
محمود 
معقوله اميره نفسها هنا تعالي يا حبيبتي خير في ايه انا كنت لسه هكلم ماما علشان اقولها ان احنا هنيجي النهارده بالليل
اميره 
معلش يا عمي انا كنت عايزه اتكلم معاك شويه قبل ما تيجي النهارده هو يوسف مش هنا صح
محمود 
ايوه يا بنتي نزل على الصيدليه بتاعته تعالي ادخلي
اميره 
انا مش جايه اسال حضرتك يوسف طلق كذا مره ليه دي حاجه تخص هو وانا مش عايزه اعرفها بس انا كنت عايزه اعرف هو جيت قدم ليا علشان خاطر هو بيحبني ولا علشان خاطر حضرتك اللي قولتله كده
محمود
هتفرق معاكي يا اميره انا عارف كويس قوي ان انت بتحبيه جدا وانا اللي جيت وكلمت مامتك علشان خاطر يوسف والحب يا بنتي بيجي بعد الجواز
اميره 
بس انا يا عمي مش عايزاه يطلقني زي ما طلق كل اللي كان متجوزهم فلازم الموضوع يكون على نور
محمود 
انا عارف ان انتي بنت شاطره وذكيه جدا وعمرك ما هتطلقي من يوسف بس عايزك تشغلي مخك معايا
اميره 
وانا عايزه اقولك مقابل ان انا اكون مراتي يوسف انا هكون من ايدك دي لايدك دي يا عمي
محمود
ما غلطتش لما قولت عليكي ان انتي بنت ذكيه جدا
وفي شقه شروق طليقه يوسف دخلت نسمه 
اختها وقالت
نسمه 
عرفت اللي حصل مش طايقك هيتجوز البنت
اميره بنت بياعه الفول