مرايتى عينك

ردي بس أنا..أنا جبانة أوي
_ساكتة ليه يا...
_رقية
_ساكتة ليه يا رقية
_حاضر هقولك..أنا شقتي في الدور اللي قبل الأخير من العمارة دي عايشة لوحدي بعد ما ماما وبابا توفاهم الله..في يوم كنت جايه من تحت لقيت مامتك في وشي وبتعيط مقدرتش مسألهاش لقيتها بتبص على شقتك وټعيط اټخضيت..اټخضيت أوي سألتها هو أستاذ حمزة كويس..! حصله حاجة..!!

أخدتني من ايدي ودخلتني شقتك وأنا مستغربة قالتلي أنا أم وأنت أكيد في يوم هتكوني مكاني وحكتلي إن والدك مريض وهيسافر يعمل عملية وهي لازم تسافر معاه في نفس الوقت اللي أنت كمان تعبان فيه ومتقدرش تسيبك وأنك يعني كنت قايلها إنك عايز تخطبني وأنك..معجب ..معجب بيا فكتبنا الكتاب علطول وبس
قام من مكانه وبصلي بدهشة
_كل ده وبس
قومت وقفت قدامه ساكتة مش عارفه أقول إيه
_وأنت ازاي توافقي تتجوزي بالشكل ده إلا لو...
حطيت ايدي على بؤقه بسرعة مش هستحمل أسمع إهانة من شخصي المفضل والأحب لقلبي
_إلا لو كنت بحبك
_بتحبيني..!!
لفيت مش هقدر أبص في عينيه أنا معملتش حاجة غلط بس حاجة وحشه إنك تحب شخص مش بيحبك وبينادي بإسم تاني غيرك
_من زمان..من زمان أوي بقالي سنين بحبك بيني وبين نفسي سر مدفون في أعمق جزء في قلبي مكنتش متخيلة إني في يوم هقف قصادك وأقولك كدا خصوصا إن الأمل اټقتل جوايا لما عرفت إنك خطبت بقيت عايشة لوحدي أنا وحزني على قلبي اللي ملهوش نصيب في حبيبه..اتوجعت..اتقهرت..احساس إن حاجة بتحبها تتسرب من بين ايدك احساس بشع..قاټل.
مصدقتش نفسي لما مامتك قالتلي إنك معجب بيا أنا.. أنا اللي كنت شفافة في حياتك وافقت زي زي أي واحدة نفسها تفرح بحاجة كان نفسها فيها وبعدت ورجعت بعد فترة بتقولها أنا آسفة إني بعدت
كنت ومازلت مستعدة أعمل أي حاجة علشان بحبك علشان أشوفك بس فرحان حتى لو بتأخد من سعادتي مش مشكلة.
بصلي بصه طويلة جداا اتقال فيها كلام بلغة العيون..كلام ميكفهوش وقت عادي وبعدين أخد الباب في أيده ونزل وأنا كالعادة دخلت المطبخ بقعد هناك وبسرح في كل حاجة مضايقاني وفي كل حاجة في