رواية زهرة وسط اشواك بقلم فريدة احمد من الفصل 1 الى الفصل 4
انا مش عاوزة اعرفكو تاني. مش عاوزة اعرفكو
وخرجت من الاوضة ودخلت اوضتها وابتدت تلم حاجتها
خلصت وخرجت بشنطة هدومها بعد ماكلمت عمها اللي كان قالها انو هيعمل مشوار علي ماتخلص وقالتله انها جاهزة
بره امال كانت قاعدة علي الكنبة حاطة راسها بين اديها
رفعت وشها وقامت لما لاقتها واخدة هدومها وماشية
.... رايحة فين بهدومك بقلم فريدة احمد
زهرة من غير ماتبصلها.. ماشيه زي ماانتي شايفة
امال... رايحة فين يعني
زهرة.... رايحة في داهيه.. ايه يهمك اوي انا رايحة فين
وجرت شنطتها وراها وفتحت الباب وخرجت
اتفاجأت ب احمد في وشها بصتله بصة كلها استحقار وكملت طريقها
احمد.. زهرة
بس زهرة مرديتش عليه ومشيت
وكان عمها وصل بعربيته وهي ركبت معاه واتجهو للصعيد.
بعد وقت كانو وصلو قدام فيلا كبيرة في الصعيد ونزلو من العربيه
دخل هارون ومعاه زهرة والبواب اللي معاه شنطة هدومها
البواب. احطها فين يابيه
هارون... سيبها هنا. وروح شوف شغلك
وكانو العيلة متجمعين اللي قربو سلمو عليها بحب
بزهرة اللي اول ماشافتها وشها اتقلب لأنها مش بتحب مامت زهرة ولا بتحبهم
هارون... تعالي ياام حمزة سلمي علي زهرة
قربت عليها امينه وقالت من غير نفس... اهلا ياحبيتي
زهرة... اهلا ياطنط
هارون... الغدا فين
امينه.... جاهز
هارون.... طب يلا مستنيه ايه
امينه نادت بصوت عالي وهي بتبص لزهرة بصات غريبة...
يا ناادية
خرجت نادية من المطبخ.... نعم ياست هانم
امينة.... جهزي السفرة
ناديه.... حاضر
ودخلت المطبخ
هارون ل زهرة.... تعالي يابنتي استريحي
وقال...... خلي حد من البنات ينضف اوضة لزهرة. علشان بعد ماتتغدي تتطلع ترتاح فيها بقلم فريدة احمد
امينه ڠصب عنها ... اللي تؤمر بيه ياحاج
بعد وقت كانو خلصو غدا وزهرة طلعت الاوضة
في اوضة هارون وامينة
امينه.... ممكن اعرف بنت اخوك بتعمل ايه هنا. لا وكمان جاية بشنطة هدومها.. هو انت جايبها تعيش معانا ولا ايه
هارون بصلها شوية وبعدين قالها بحدة... ايوا هتعيش معانا. انتي عندك مانع
امينة بتوتر... لا لا معنديش بس ممكن افهم ليه سايبة بيت ابوها وجاية تعيش معانا
امينة وقفت.... نعممم
وكملت باندفاع.... استحالة ده يحصل
هارون بحدة.... هو انتي اللي بتقرري ايه يحصل وايه مايحصلش. في ايه. انتي نسيتي نفسك ولا ايه
امينه.... لا بس انت عارف حمزة هيتجوز حبيبة بنت اختي
هارون..... وبنت اختك قدامة من يوم مااتولدت عمره جي في يوم قالك انا عاوزها.. لو عاوزها كان اتجوزها من زمان
امينه.... ويعني هو بقا عاوز زهرة. ماهي كمان قدامه من زمان اشمعنا دلوقتي يعني
هارون..... علشان الاول كانت مخطوبة كان هيتجوزها الزاي
امينه... وهي السنيورة خطوبتها اتفكت ليه
هارون.... مش عاوز كلام مالوش لازمة ابنك هيتجوز البت بعد بكرة. يعني كلام مش هييجي بفايدة.. ويلا طفي النور خلي الواحد ينام ساعتين
قامت امينة وهي مش
