التقيتك صدفه

النهارده اسوء يوم عدى عليا طول عمرى قفله على نفسى وعلى قلبى حتى مكنش عندى صحاب يدوبك عندى صحبه او اتنين وبعدنا عن بعض بحكم اننا دخلنا كليات مختلقه معرفتش احقق حلمى وادخل فنون جميله دخلت اداب قسم لغات شرقيه واتعرفت على علي كان بقاله سنتين فى اولى اتعرفت عليه بدأت اشجعه عدينا ٤سنين لسه فاضل النتيجه كان دايما معشمنى انى هبقا معاه كان معيشنى فى جو الاستعباط كان بيلمح انه بيحبنى وبيدخل ويتحكم فيا وصلنا لاخر امتحان وهنا سمعت صوت قلبى وهو بيتكسر

لما جت داليدا الكانت المفروض صحبتنا انا وهو وفوقتنى 
_انت فاكره علي بيحبك ولا هيبقا معاكى فوقى يا ماما ده عارفك مصلحه عشان بس تذاكريله وتغششيه وتديله الملخصات هو بيحبنى انا أوعى يكون مقلكيش ان خطوبتنا اخر الاسبوع
سمعت كلامها كأن جردل مايه ساقعه اتكب عليا للاسف مقدرتش اواجه حسيت ان ضعفى هيبان وهنا کرهت نفسى طلعت برا الجامعه فضلت الف ساعه ومش عارفه اعمل ايه بس كل الى اعرفه انى لازم اخد حقى طلعت على كافيه جمب الكليه عارفه انهم هيبقو هناك دخلت الكافيه وانا كلى قوه لما دخلت كان ماسك ايديها
_ايه يا علي مش تقول 
اول ما سمع صوتى اتنفض من مكانه وساب ايديها 
ليان انت بتعملى ايه هنا 
ملامحه كانت مرتبكه اخدت كوبايه المايه الى كانت على الترابيزه 
_مالك بس كده يا علوش وشك مصفر ليه كده شوفت عذرائيل خد اشرب بق مايه 
كنت هديله الكوبايه لكن قاطعنى صوت داليدا
انتى لسه ليكى عين تتكلمى معاه افهمى هو مش بيحبك
ابتسمت ابتسامه جانبيه كلها شړ 
_المشكله انك عارفه الفيها وعارفه هو كان بيجرى ورايا ازاى وشغال هدايا وكلام حب كل ده عشان كام ملخص 
الټفت لعلي
_وانت مالك كده ھتموت على نفسك خاېف منى ولا ايه 
استمجع شجاعته 
واخف منك ليه هتعملى ايه يعنى 
_صح انت صح
اتكلمت بسخريه
كبيت كوبايه المايه فى وشه وكانت داليدالسه هتدخل اخت كولا كانت على طرابيزه وكبيتها عليها هيا كمان وابتسمت ابتسامه نصر 
_ربنا يهنيكم يا حبيبي شبه بعض نفس القرف
طلعت من الكافيه وانا ماشيه بثبات لكن للاسف قوتى اڼهارت وبدأت ابكى طلعت اجرى مختش بالى من العربيه فرملت عليا ومن الخضه وقعت
انت مجنونه ازاى تطلعى كده قدامى مش خاېفه على نفسك 
قالها بانفعال وصوت عالى طول عمرى بكره وبتوتر من الصوت العالى 
_معلش مأخدتش بالى 
قولت كلامى بحاول ابعد عن اى نقاش وبدأت انفض هدومى وبحاول اقف 
مختيش بالك ولما يجرالك حاجه ايه الاستهتار ده افرضى كنت خبطك كنت هتضيعى حياتك وتلبسينى مصېبه 
مقدرتش اتحمل اكتر من كده حاولت اقف وانا حاسه پألم رهيب فى رجلى 
_اسمع يا اخ انت مش من حقك تتكلم معايا كده انت سامع وبتزعقلى ليه اصلا انت مين انا اعتذرتلك وخلاص
قولت كلامى وانا دموعى ماليه وشى حاولت امشى خطوتين لكن الالم زاد فى رجلى وفقد توازنى مسك دراعى سندنى على العربيه 
اهو اتفضلى ناقص عطله انا ادى رجلك اتلوت وبتقوليلى بتزعق ليه 
اسمع يا جدع انت بطل تزعق وانا مطلبتش منك حاجه 
لو خلصتى كلام يلا 
يلا ايه 
اتنيل اوديكى اى مستشفى ولا صيدليه قريبه عشان اخلص 
انت بتتكلم ليه كده وايه الثقه دى من قالك انى هروح معاك فى حته
سند بجسمه على العربيه وهنا اخدت بالى انه كان لابس بدله وكان فاتح اول كام زرار من القميص خلت غضلاته بارزه شكله رجل مهم ووسيم ايه الى بقوله ده
والله الثقه دى جايبها من رجلك الى مش قادره تدوسى عليها ياريت تركبى عشان نختصر الوقت 
_اه قول كده بقا من الاول عمال تعمل كده عشان اركب معاك انت عايز تخطفني 
اخطفك ايه يا مجنونه انتى انا اعرفك اصلا وبعدين هعوز منك ايه 
قطعنى وانا كنت لسه هزعق 
هشش اسكتى شويه الله يكرمك لو سمحتى يا انسه اركبى عشان نطمن على رجلك 
الصراحه نبرته كانت هاديه ومطمئنه خلتنى استسلم واركب 
_هو ممكن تودينى اى صيدلية بلاش مستشفى 
ليه مستشفى احسن عشان لو فيه شرخ ولا حاجه بعد الشړ 
_معلش ممكن تريحنى 
حاضر
حسيته استشعر قلقى وخوفى اصلى بخاف من المستشقيات والحقن اوى 
فات عشر دقايق لقيته بيركن قدام المستشفى ولا كأنى قولت حاجه
_انت مش بتسمع يا بنى ادم انت 
بقولك ايه اسمعى بقا انا اتحملتك كتير لسه هنروح صيدليه ويقولى روحو مستشفى وافضل الف بيكى انا 
كنت لسه هزعق وطبعا قاطعنى تانى 
هشش مسمعش صوتك انزلى قدامى يلا يارب نخلص 
انا مش فاهمه هى عصبى كده ليه
بصتله بغيظ ونزلت مكنتش قادره امشى نزل وخلنى اسند عليه ڠصب
دخلنا المستشفى وطلعنا الحمد الله كان التواء بسيط حطيت مرهم بس كنت لسه حاسه بۏجع
بما انك كده كده بوظتيلى يومى واخرتينى فا هتكرم عليكى واوصلك 
_انا مش عارفه ايه الغرور ده مش حلاوه هى ركبت مره وخلاص 
حط ايده فى جيوبه وبدا يمشى للعربيه 
برحتك انا عرضت عليكى خدمه شكلك مش واخده بالك من المنطقه الى احنا فيها 
_شكرا مش عايزه حاجه منك 
كمل مشى لعربيته وانا ببص حوليا كان اليل جه ومنطقه ساكته خالص الدنيا مشيا معايا بالعكس
_احمم يا كابتن استنى بس انت زعلت منى ولا ايه 
التفتلى وهو بيبتسم بإستهزاء
خير يا انسه عايزه حاجه 
_ممكن توصيله لو مش هتعبك 
اه وايه كمان 
_لو سمحت 
طب تعالى 
مدلى دراعه عشان اسند عليه وصفتله العنوان 
_انت اه معصبنى بس شكرا ليك
العفو يا انسه مستفزه 
قلبت عينى من بروده 
_اتمنى اننا منتقبلش تانى 
نهيت كلامى وانا بنزل من العربيه عشان مدلهوش فرصه يرد 
عدى الاسبوع ده وانا تعبانه نفسينا اتعشمت بيه مش عارفه اذا كان حب ولا لاء بس انا كنت متعوده انه بيكلمنى كل يوم تقريبا لكنى هقدر اتخطى
النهارده الخطوبه وصلتنى الدعوه طبعا داليدا بعتاها مكنتش عايزه اروح لكن عجبنى دور strong women الى عملته فى الكافيه
لابست فستان اسود طويل ماسك من عند الوسط وبكم ولابست هيلز سودا مش طويله اوى مش مستهله اتعب نفسى فردت شعرى ونزلت غرتى القصيره وحطيت ميكب خفيف
اول لما وصلت القاعه حسيت ان الانظار كلها بقت عليا لما شوفته وهو ماسك ايديها وقاعد جمبها حسيت قد ايه ربنا نجدنى بقيت شايفه الۏحش الفيه بس 
قربت منهم بخطوات ثابته وكل الانظار كانت عليا كان فى واحد واقف جمب علي مهتمتش انى ابص فى وشه
قربت من داليدا وطلعت شخصيتى الكياده
_داليدا صح يخربيتك معرفتكيش ده انت جايبه ساحره مش makeup artest 
نهيت كلامى ببتسامه ساخره كانت لسه هتتكلم 
لكنى قاطعتها لما كلمت علي
_مبروك ياعريس مالك كده وشك مصفر تانى عايزه كوبايه مايه
سكت شويه وبصتله بخبث
_تشربها عشان وشك يروق 
_على العموم انا مش هعمل حاجه عشان لو عملت مش هتعرف داليدا للاسف هتبقا سامى مبروك من قلبى تانى يا حبيبى ان شاء الله تقعو فى شړ بعض 
خلصت كلامى واعلنت انسحابى 
مشيت من القاعه وانا مش قادره امسك نفسى قعدت على الرصيف وفضلت اعيط عياط كنت حبساه جوايا قاطع صوت عياطى حد مد ايده بمنديل
مش خساره الصرف ده كلو يبوظ من العياط 
رفعت عينى واټصدمت هو الشاب الخبطنى 
_انت
يتبع..
٢
ازيك يا آنسه عيوطه 
شكل الموضوع كبير انك تعيطى مرتين فى الشارع وتصدف انى ابقا موجود 
_انت بتعمل ايه
هنا
أنا تبع