التقيتك صدفه

عليكى سلام
قال كلامه ورا بعض مدنيش فرصه ارد 
كنت متحمسه اوى قومت اشوف البس ايه 
جه تانى يوم بسرعه 
وصلتنى رساله انه تحت 
كنت لابسه دريس روز ستان كان رقيق وبسيط وفردت شعرى على ورا 
اول ما نزلت لقيته كان لابس بدله سودا وقميص اسود ذوقى المفضل 
اول لما شفنى راح مصفر
اوبا ايه العسل ده 
تقريبا تنحت من طريقته
فتحلى الباب ركبت وانا بصاله بإستغراب
مالك بصالى ليه كده 
_هو انت كويس 
اه ليه 
_مش عارفه بتتعامل كأنك شخص تانى 
كأنى ادم الى كنت معاكى يوم الخطوبه
بصتله بدهشه وهزيت راسى ليه بالإجاب
مش انا قولتلك انى طلعت معاكى شخصيه مبتعملش بيها غير مع القريبين
_وهو انا قريبه 
الټفت ليا وغمزلى 
انت شايف ايه يا جميل 
ابسمت ابتسامه واسعه بينت غمزاتى
_بس انت بقيت بلدى اوى فين استاذ ادم 
معاكى هبقا واحد تانى
ساق حوالى نص ساعه لحد ما وصلنا لكافيه كان متزين ورود من برا ومن جوا 
كل ما بدخل كل ما فى نور اصفر بيولع 
خلص الممر لقيت ادم واقف وماسك بوكيه ورد بنفسجى زى ما كنت عايزه 
انا مش عارف اقولك ايه بس انا حقيقى اسف على كل دمعه نزلت منك وكنت انا السبب فيها انا كنت جبان خاېف اعترف بمشاعرى حتى لنفسى كنت خاېف اخد الخطوه تانى لكن لما شوفتك هتمشى مقدرتش اسيبك ليان انا بحبك واتمنى تكونى بتدلينى الشعور ولو الاجابه لاء هحاول تانى وتالت لحد ما وصل لقلبك
عينى كانت اتملت بالدموع مش مصدقه ان ده ادم وانه اخيرا حس بيا
قرب منى ومدلى البوكيه 
اخدته منه وكان فيه العلبه جواها خاتم زى ما كان نفسى 
مد ايه بيمسح دمع فرت من عينى 
انا مش عايز اشوف دموعك تانى عايز اشوف ضحكتك وغمزاتك بس 
وكمل پغضب طفولى
الى بتبان لكل الى فى الشركه إلا انا 
ابسمت وسط دموعى 
مسك ايدى وطبع عليها بوسه رقيقه وطلع الخاتم من العلبه نفس الخاتم ده كان فى بوست عملتله شير من سنتين تقريبا 
تسمحيلى
حركت راسى بالموافقه
ولابسلى الخاتم 
مسك ايدى الكانت محرقه وبسها
حقكك عليا والله انا اليوم ده مكنتش شايف قدامى من الغيره
قربك من حسن وكلامك معاه ده كفايه غمزاتك الكانت بتبان وانت بتضحكى معاه مش قادر اوصفلك كل ده كان بيعمل فيا ايه
سحبنى من ايدى ومشينا تانى قدام لقيت قدامى بحر و عشا رومانسى محطوط على مفرش على الرمله وفرع نور اصفر 
ابتسامتى اتسعت اكتر 
_انت عرفت كل ده منين
من على الفيس عندك
_بس دى حاجات قديمه اوى ده من فوق الاربع سنين
ما انا فلضت ادور لحد ما وصلت ٢٠١٠ لصورتك انت وصحبتك وانت عمله قطتين
سحبنى من ايدى وقعدنى بدأنا ناكل وانا عقلى فى حته تانيه حاسه انى فى حلم اشتغلت نفس الاغنيه الرقصنا عليها اول مره
مدلى ايدو 
تسمحيلى يا مدمازيل 
_طبعا يا ميرو 
صوت ضحكنا وفى الخلفيه تامر عاشور
مستنى ايه تجمعنا صدفه مره تانيه انت وانا مستنى ليه قرب كمان ما خلاص لينا بعضنا
هعيش اللحظه دى وميهمنيش ايه بعدها
اليوم خلص وروحت وانا الفرحه مش سايعانى لما نزلت من العربيه فتح الشباك واتكلم
انا كلمت والدتك هاجى اتقدم بكرا وكتب الكتاب اخر الاسبوع 
اتحرك بالعربيه قبل ما يسمح ردى
بعد شهر من كتب الكتاب
ما تجيبى بوسه
_ادم
عيونه 
مش هتبلى ريقى بقا بكلمه حلوه
_وانا كمان 
وانت كمان ايه 
_بحبك
اللهم صلى على النبى اخيرا قولتيها
طب بقولك ايه ما تجيبى حضڼ طيب
_اتلم يا ادم 
ملموم يا ليلو 
طبع بوسه سريعه على خدى وشى قلب طمام
_ادم 
عيونه اموت فيكى وانت فرولايه كده
_مش بقولك بقيت بلدى
لم انساك يا من دقه له قلبى
تمت.