دخلت شقتي لقيت جوزي

مرضاش يرد سارة قالتله بقلق...
ساره
ماترد على تليفونك يا وليد انت مش عايز ترد ليه ليكون حد من الشغل
وليد
ها لا ده واحد صاحبي وانا مش ارد عليه دلوقتي انا عايز اطمن عليكي الأول سيبك من اي حاجه
سارة
انا ما كنتش اعرف اني غاليه عندك اوي كده يا وليد
وليد
انتي غالية عندي اوي يا سارة ربنا يخليكي ليا
وناهد من المطبخ قالت
يا وليد تعالي عايزاك في كلمتين كده يا اخويا
قام وليد وراحلها وقال
في ايه يا ناهد عايزة ايه
ناهد
قولي بقي ياحبيبي انت كنت فين كده لما اتصلت بيك ولقيتك جاي بسرعة البرق انت كنت قريب اوي كده من البيت
وليد بتوتر

انا اااا ااه ااه كنت قريب وبعدين انا مش عارف انتي شاغلة بالك ليه بيا كده يا ناهد ارجوكي سبيني اروح اطمن على الغلبانة اللي جوه دي
ودخل لسارة وفضلت ناهد تقول لنفسها
مش عارفة مش مرتاحة ليك يا وليد كده بس ماشي انا مالي اصلا
_وتاني يوم وليد اخد سارة وراحو للدكتور اللي قالهم بعد ما كشف عليها..
الدكتور
مبروك يا مدام ها قولي لي بقي انتي عايزة ولد ولا بنت
وليد بفرحة 
ولاد ولا بنت حضرتك بتتكلم بجد يادكتور يعنى سارة. ........ الف مبروك يا حبيبتي
سارة بفرحة 
الله يبارك في يا وليد
الدكتور 
ايووه مدام سارة انتي حامل ولازم اقولك على شويه تعليمات تمشي عليها انا عايز راحة مش عايز اي مجهود في البيت خالص تمام والكلام لجوز حضرتك طبعا يعنى انت اللي تخليها ترتاح