جوزي المفتري بقلم هويدا زغلول

ندى منين بقا ان شاء الله
جودي 
ده كل أصحابنا في المدرسه معاهم موبايلات وفيها 
احنا معندناش الكلام ده انتو فاهمين محدش يتكلم معايا في الموضوع ده تاني
وسبتهم ودخلت المطبخ 
ندى 
خلاص ياجودي ايه رايك نقول لعمتو وهي تركب لنا النت
جودي 
فكرة خلاص لما تجي انا هقولها
ورجع وليد من برة وقالي 
خلصتي الاكل الا انا جعان اوي
ولاء 
حاضر يا وليد قربت اخلص اهو انت عارف انا لسه راجعة وهلكانة
وليد 
طيب زودي عشان امي طالعة تتعشا معانا
ولاء 
تنور يا وليد 
وطلعت حماتي وقاعدت وقالت 
عاملة ايه في المصنع عند شيماء ياولاء دي مبسوطه منك على الآخر وبتقول ولاء نضيفه وبتخلي المكاتب زي الفل
ولاء بضيق 
طيب الحمد لله انها مبسوطه من شغلي
الحما 
اومال ياختي دي مبسوطه على الآخر دي كانت بتفكر يوم الاجازه تاخدك تنضفي لها شقتها لحسن الست اللي بتنضفلها تعبت ومش قادرة تروحلها
ولاء 
نعم ايه الكلام ده ياحماتي ده اليوم اللي مبصدق اقعد فيه مع بناتي اروح كمان اشتغلها في بيتها ده ظلم ده ماتتكلم ياوليد
الحما 
وهو وليد هيقول ايه ياحبيبتي هي مش دي ولاء ولية نعمتك انتي وجوزك وعيالك
وليد 
اسمعي كلام امي يا ولاء انتي عارفة شيماء خيرها علينا
ولاء 
حاضر هنفذ اي أوامر تانية يا حماتي
الحما
لا ياختي مش عايزة منك حاجه
وجه يوم الاجازة ولقيت وليد بيقولي
يلا ما يلا ياولاء هتتاخري على شيماء
ولاء
حاضر ياخويا رايحة اهو انا رايحة الجنة يعنى اش حال رايحة اشتغل لاختك خدامة وانت ساكت وراضي
وليد
ومالو ياقلبي ياهي شيماء هتشوفك بقرشين برضو
ولاء
ماهو ده كل اللي همك انا ماشية
سبته ومشيت ورحت عند شيماء وفتحتلي وقالت
اهلا ياولاء ادخلي
ولاء
والنبي ياشيماء قوليلي انا هعمل ايه عشان الحق انزل بسرعة اروح للبنات انتي عارفه النهارده يوم اجازتي وبحب اقضيه معاهم
شيماء
طيب مالك جاية حامية ليه كده يا ولاء تعالي وانا هاقولك تعملي ايه
وفضلت اروق شقتها وعشان شقتها كبير اخدت مني مجهود كبير اوي وبالصدفة وانا بزق الكومودينو بتاعها عشان امسح وراه وقع ورق على الأرض وقولت لنفسي 
ده ورق ايه ده لما اروح اقول لشيماء ولا لا شوفي يابت ياولاء ده بتاع ايه وقريته ولقيته
يلهوي يا

شيماء بقا نتيجة التحاليل بتقول ان العيب منك ومفهمة جوزك انه العيب من هو
شيماء
ولاء انتي مخلصتش هنا ايه الورق اللي في ايدك ده
ولاء
مش انا وانا بروق ورا الكومود لقيت الورق ده وقع على الأرض وبفتحة لقيت اللي في ده معقوله ياشيماء بتضحكي على الراجل ومفهماه انه العيب منه هو
شيماء جريت تقفل الباب
هوووش وطي صوتك ياولاء انا اضطريت اعمل كده عشان بحب سمير ومش عايزاه يبعد عني كان ڠصب عني والله
ولاء
بقا بتحبي سمير ولا بتحبي فلوسة أصلها بتفرق يا شيماء
شيماء
اسمعي ياولاء انا هديكي اللي انتي عايزاه بس متجبيش سيرة بالموضوع ده لاي حد
ولاء
من غير ماخد منك حاجة انا مش هجيب سيرة لحد بس خليكي عارفه ان ربنا ميرضاش بالظلم عن اذنك انا ماشية
وخرجت من عندها وقفت شيماء وقالت لنفسها 
يعني جاتلك الفرصة تمسكي عليا حاجة ياولاء طيب والله لاوريكي
وتاني يوم رحت الشغل وشيماء قالت 
بقولك ياولاء انتي تقدري تقعدي على المكنة اللي انتي عايزاها
ولاء 
وده من امتى الرضا ده ياشيماء لا انا ياستي مبسوطه بشغلي
سمير 
طيب دي فرصه كويسة ياولاء عشان تشتغلي على المكن وطالما شيماء وافقت يبقا روحي وجربي
ولاء 
حاضر ياسمير
وخلصت ورجعت ولقيت شيماء جايبة حاجات كتير للبنات ووليد قاعد مبسوط والبنات ندى قالت
شوفتي ياماما عمتو جبتلنا لعب وحاجات حلوه كتير انا وجودي وكمان قالت إنها هتركب لنا النت بكرة
ولاء 
كتر خيرك ياشيماء والله بس انا مش عايزة ادخل النت ده عشان هيلهيهم عن الدراسه
شيماء 
ياستي هيبقوا يشغلوه شوية ووقت المذاكرة يطفوه مش كده يابنات
ندى 
ايوه ياعمتو ومشيت شيماء من عندنا
وليد راجع من برة مش على بعضة قولتة 
مالك ياراجل مش على بعضك ليه كده ادخلو جوه يابنات
وليد 
ايه ياولية اللي مش على بعضي منا كويس قدامك اهو
ولاء 
لا انت شارب حاجة صح انت رجعت للهباب اللي بتشربة تاني ياوليد احنا مش اتفقنا انك تبطله عشان بناتك
وليد 
منا بطلته يا ولاء بس دي كانت قاعده تفريحي كده مع سيد صحبي وعزم عليا
ولاء 
اهو انا مش خاېفة الا من سيد صحبك الزفت ده هو اللي جايبك ورا منه لله
وليد 
خلاص بقا ياولية اهمدي ومتطيريش الحجرين من نافوخي 
وطلعت حماتي وقالت مالك ياقلب امك بتزعق ليه سامعه صوتك من شقتي عملتي فيه ايه يلي تنشكي
ولاء 
هكون عملت فيه يعنى ياحماتي وبعدين ابنك عندك اهو متسالية هو اللي راجع من برة مش على بعضة
الحما 
وانتي مالك يابومة هو راجع مبسوط شويه تقومي تعكنني عليه روحي منك لله ياشيخة
دخلت اوضتي وفضلت اعيط على حظي والناس اللي انا عايشه معاهم دول 
والنت ركب عندنا والبنات بقو مبسوطين بيه اوي
وانا في الشغل قاعده وقت الراحة انا وسماح لقيتها بتقولي 
والنبي اللي بتحكية عن حماتك وجوزك ده ياولاء مش عارفة انتي مستحملاه ازاى واحدة غيرك كانت سبتلهم البيت وطفشت بعيالها
ولاء 
هاروح فين بس يا سماح لا عندي اب ولا ام عشان اروحلهم اديني عايشة ومستحملة عشان البنات
سماح 
الله يكون في عونك منهم ويصبرك عليهم لما اروح بقا اخلص شغلي لتيجي بوظ الأخص اخت جوزك تشوفنا بنرغي تعملها لنا شغلانة
ولاء 
ههههه ماهي اخت جوزى من نفس العيلة
سماح 
عيلة مايعلم بيها الا ربنا
وعدي اليوم ورجعت البيت لقيت جودي فاتحة الكاميرا وعماله ترقص قدام الموبايل قولتلها 
انتي بتعملي ايه ياجودي
ندى 
بنعمل تيك توك ياماما
ولاء 
اللي هو ايه ده يعني مش فاهمة
ندى 
اللي هو ايه نرقص قدام الكاميرا ونعمل مشاهدات والناس كلها تشوفنا عشان تجيب فلوس ونجمع مبلغ ونطلع من البيت ده
ساعتها لطمت على وشي وقولت 
يلهوي ياخرابي ومين اللي عرفكو القرف ده يابت انتي وهي
جودي 
أصحابنا كلهم بيعملو كده ياماما دي نانسي صحبتنا بټضرب مامتها بالشبشب وتهزقها قدام الكاميرا وبتجيب فلوس كتير اوي متيجي نعمل معاكي كده عشان نلم فلوس
ولاء بټعيط 
اخرسي ياقليلة الادب الكلام ده عيب ياجودي انا مربياكم انتي واختك على الادب والاحترام تقومو تعملو كده وتقولي لي كده ينفع الكلام ده لا لا انا زعلانه منكم
ندى 
لا ياماما مينفعش احنا اسفين
جودي 
ايوه ياماما احنا خلاص مش هنعمل تيك توك تاني متزعليش مننا والنبي حقك علينا
ولاء 
اسمحو القرف اللي على موبيلاتكم ده ماشي
وسبتهم وخرجت الصاله لقيت وليد تايه ومش دريان بحد 
اعمل ايه ياربي في الهم اللي انا فيه ده
وانا في الشغل قولت لشيماء 
انا هستاذن شويه كده رايحة مشوار وراجعة ياشيماء
شيماء 
رايحة في
يا مرات اخويا على العموم روحي
وخرجت وشيماء مشيت ورايا وقالت لحد ماشافتني دخلت السچن الرجالي وقالت 
ينهارك اسود ياولاء انتي جاية سجن الرجالة تعملي ايه ياترى
ولاء 
عامل ايه يا محمود طمني عليك ياخويا
محمود 
تعبان اوي ياولاء وعايز اخرج من هنا انتي عارفه اني اتحبست ظلم
ولاء 
معلش ياخويا اهي كلها كام شهر والمده بتاعتك تخلص وترجع بيتك
محمود 
المهم انتي عامله ايه وبناتك ووليد عامل معاكي ايه
ولاء 
اهو اديني مستحمله مرارة هو وامة عشان خاطر البنات يامحمود مانت عارف انا وانت ملناش حد بعد ابوك وامك
محمود 
معلش ياختي طول عمرك حمالة قسية ياولاء ربنا يعينك
ولاء 
ربنا يخليك ليا ياخويا انا همشي بقا لحسن لسه هرجع الشغل تاني وابقي اجيلك تاني مش عايز حاجة اجبهالك الزيارة الجايه
محمود 
لا ياولاء عايز سلامتك ابقي سلمي على البنات كتير 
وخرجت من عند اخويا ولقيت شيماء في وشي 
وقالت 
هو ده بقا المشوار الي سبتي شغلك عشانه يامرات اخويا
ولاء برعشة 
شششي ماااء
شيماء 
ايه مالك اتخدتي كده ليه كنتي جاية بقا لمين هنا ياحلوه
ولاء 
انا هاقولك على كل حاجه
شيماء 
اتفضلي قولي
ولاء 
كنت بزور اخويا محمود أصله مسجون هنا
شيماء 
اخوكي هو مش ده اخوكي اللي مسافر برة مصر ولا انا بيتهيألي
ولاء 
منا اضطريت اقول كده عشان خاطر حماتي متمسكهاش عليا وتفضل تعايرني
شيماء 
ااه ومين قالك بقا اني انا مش ممكن اروح اقولها واڤضحك قدامها هي وجوزك وبناتك وياحرام بقا لما البنات يعرفو ان خالهم مسجون
ولاء 
ابوس ايدك ياشيماء بلاش حد يعرف بصي انا مستعدة اعملك كل اللي انتي عايزاه بس بلاش حماتي تعرف والنبي
شيماء 
امممم يبقا كده بقا نتفق يعنى السر اللي عندك قصاد السر اللي عندي ده ايه رايك
ولاء 
حاضر انا اصلا معرفش عنك حاجة ابدا ولا شوفت حاجة وسمير جوزك هو اللي مش بيخلف
شيماء 
ايوه كده برافو عليكي يلا امشي قدامي على الشغل عشان هترجعي تشتغلي في النضافة تاني يلا
ورحت على الشغل ورجعت البيت بالليل لقيت وليد مرمي في الأرض والبنات قاعدين حواليه بيعيطو واول ماشافوني 
الحقي بابا ياماما لقينا واقع مره واحدة في الأرض
ولاء 
وليد مالك ياوليد فووق اجري ياندي نادي على تيته خليها تطلع بسرعه 
وطلعت حماتي وقالت 
ابني مالك يابني ايه اللي جرا
ولاء  وهناك الدكتور قال 
الحما 
ياحبيبي يابني ياحبيبي
ولاء 
ده أخرت دلعك فيه ياحماتي كل يرجع بيطوح ولما بتكلم بتطلعي فيا تاكليني اشربي بقا
الحما 
ياحبيبي يابني انا فعلا غلطانة يا ولاء ابني يقوم بالسلامه وانا مش هسيبة يشرب الهباب ده تاني 
وجات شيماء تجري ايه اللي حصل ياماما
الحما 
اخوكي كان هيروح فيها ياشيماء لولا ربنا سترها معاه
شيماء 
طيب الدكتور طمنكم عليه
ولاء 
ايوه قالنا انه هيبقا كويس بس المفروض انه يفضل هنا عشان يبطل الهباب ده
شيماء 
ياما قولتلة بلاش يا وليد مفيش فايدة وانتي كنتي بتشجعية
الحما 
كلكم جايين عليا ابني يخرج منها بالسلامة وانا هبعده خالص عن أي حاجة زي كده
ورجعت البيت وندى قالتلي 
بابا عامل ايه يا ماما هو كويس
ولاء 
اه ياحبيبتي كويس وكلها كام يوم وهيخرج بالسلامة ويرجع البيت
شيماء رجعت البيت لقت سمير بيقولها 
ايه ياشيماء اخوكي عامل ايه انشالله تكون تعاطية للمخډرات نفعه
شيماء 
جرا ايه ياسمير انت بتتريق على اخويا ده بدل ماتقولي الف سلامه عليه
سمير 
انتي تخرسي خالص بقا ليك عين تتكلمي وانتي بتخدعيني وبتكدبي عليا كل الفترة دي معيشاني في وهم اني مبخلفش والعيب يطلع منك انتي
شيماء 
سمير انا عملت كده عشان بحبك
سمير 
كدااابه انتي عملتي كده عشان فلوسي متروحش منك وتفضلي تتمرمغي في خيري ياواطية وانا اللي كنت عايش وساكت عشان بقول اني مليش عين اتكلم بس خلاص من دلوقتي انتي مبقتيش مراتي ياشيماء انتي طالق انا نازل دلوقتي عايز ارجع البيت ملقكيش فيه
وسبها ومشي وشيماء اڼهارت من العياط ولمت هدومها وراحت عند امها ولما شافتها قالت 
في ايه يابنتي مالك
شيماء 
سمير طلقني ياماما عشان عرف كل حاجة وفضلت ټعيط
ولاء 
معلش ياشيماء يمكن لو كنتي قولتي الحقيقة من الاول كان سامحك
شيماء 
لا ياولاء ده عشان انا معملتش حاجه حلوه في حياتي سامحيني لو كنت ضايقتك ولاء دي ياماما مفيش زيها ابدا انتي لازم تغيري معاملتك معاها
الحما 
ايوه يابنتي عندك حق دي استحملت كتير مش عايزاكي تزعلي
ياولاء
ولاء 
انا مش زعلانة منك ياحماتي انتي زي امي برضو وشيماء اختي
وعدت الايام ووليد بقا كويس وخرج من المستشفى وقرر انه يبعد عن المخډرات خالص وقولتله 
انا هنزل الشغل ياوليد
وليد 
لا ياحبيبتي شغل ايه انسي الكلام ده من هنا ورايح انتي
والبنات ملزومين مني
وفعلا وليد اشتغل وحماتي بقت كويسه معايا وبناتي الكل بقا يحلف بتربيتهم
وبكده تكون خلصت حكايتي