سر الغرفه المظلمه بقلم حسن الشرقاوي

محتاج لعلاج
لكن أنا أعصابي مش تعباني صدقوني أنا كل حاجه قلتلكم عليها بتحصلي
أنا بكون هنا في البيت وفي لحظه بلاقي نفسي في المكتبه دي وقدامي الست إلى وصفتهالكم وكمان عمي سالم
داا والله شغال معاه 
بعد أبويا كدا وسكت زي مايكون افتكر حاجه
وقال إنت بتقول عمك سالم
قلت اييووه
محمد ايه ياعمي ماالك تعرفه
قال عمه سالم دا كان صديق لجده أنا فاكر وشوفته عنده كذا مره لما كنا بنروح أنا ومامته نزور جده لكن
محمد لكن اييه
دا مااات من زمان
قلت ماات يبقا مش هو دنا كنت معاه امبارح والله
محمد طيب خلينا بس نروح بكرا المصحه يافوزي وتتعالج وبعدين نشوف المواضيع دي
أنا مش رايح في أي مكان ومش هاخد أي علاج أنا كويييس قلتلكم
فضلوا يتحيلوا كتير عليا وحاولوا يقنعوني لكن صممت إني مش هاروح في أي مكان
وسابوني وخوجوا
أبويا هانعمل ايه يابني مش عاوز يروح
محمد لا لازم يروح يا عمي
طيب إزاي بالعافيه يعني
أيوه هو كدا ياعمي
هانعمل اييه يعني
اتصلوا بالدكتور وعرفوه قراري قالهم خلاص هابعت ناس ليكم بكرا ياخدوه بالعافيه ع المصحه لأن أي تأخير في العلاج هايتسبب في سؤ حالته
ودخل الليل قمت لقيت أبويا وأخواتي قاعدين وزعلانين على حالتي قعدت معاهم شويه وطمنتهم إني كويس واعصابي كويسه
يابابا أنا مافياش حاجه أنا كويس أنا بس إلى تاعبني إني مش لاقي تفسير للي بيحصلي
يابني دي تهيؤات والله ناس كتير بيحصلها كدا ولما بيتعالجوا بيكونوا كويسين
يابابا صدقني دي مش تهيؤات صدقني
طيب نروح بكرا المصحه ونشوف مش هانخسر حاجه
أروح مستشفي مجانين يابابا
يابني دي مصحه ماتقلش كدااا مكان للعلاج
وبعد جدال احتد مع أبويا إلى مصمم إني أروح المصحه ورفضي بشده سابني ونمت
وفي اليوم التاني صحيت على صوت أبويا ومحمد صاحبي بيصحوني
وبيقولوا يالا يافوزي
قلت فييين
قالوا نروح للدكتور
قلت المصحه تاااني أنا قلتلكم مش هارووح واتعصبت
طلع أبويا بعد رفضي بشده ودخل معاه شخصين كانوا بيمتلكوا بنيه ضخمه
قلت هاتدودوني بالعافيه
أبويا معلش يابني بقا دا فيه مصلحتك
قرب مني الشخصين ومسكوني بالعافيه فضلت أقاوم فيهم بكل قوتي
وپصرخ بصوت عالى
أنا مش مرييض سيبوني ووسط بكاء أخواتي وفزعهم ورجاء أبويا وصاحبي إني أروح معاهم
خارت قوايا قدام قوتهم الجسمانيه وفعلا اخدوني ونزلنا تحت ركبوني عربيه
واتحركنا للمصحه وكان أبويا ومحمد جايين ورانا
وصلنا للمصحه دخولني للدكتور إلى بعد ما بهتدلتهم بعصبيتي المفرطه أمرهم إنهم يدخلوني عنبر من العنابر الكتير الموجوده فيها ويدوني حقنه مهدئه وعملوا كدا واغلقوا باب العنبر عليا وسابوني وخرجوا لكن كانت الحقنه مفعولها لسه ما اشتغلش وقفت على الباب وفضلت أصرخ بعلو صوتي واتوسل لابويا إلى كان جه ووقف يطلب من الهدوء إنه يخرجني من المكان دا لحد ما بدأت عيني تزغلل واحس بدوار شديد في رأسي ووقعت على الأرض مش حاسس بحاجه
أبويا تفتكر يادكتور هايبقا كويس
ماتقلقش يا حج إحنا بيجيلنا حالات كتير زي إبنك وإن شاء الله هايبقا كويس مع العلاج
طيب هايفضل قد إيه هنا
يعني تقريبا شهر
ياااا شهر دا كتير أوي
لا مش كتير إبنك حالته تستدعي يقعد المده دي
طيب يادكتور ماينفعش
نكمل معاه في البيت بعد أسبوع ولا حاجه
هانشوف هانشوف لو حصل تحسن
محمد طيب يالا ياعمي نروح إحنا علشان أخواته زمانهم منهارين
أنا مش عارف أشكرك إزاي يا ابني
تشكرني على إيه ياعمي دا فوزي زي أخويا
يالا تعالا اروحك وبكرا إن شاء الله نبقا نيجي نزوره
وبعد مده من الزمن بدأت افوق فتحت عيني لقيت نفسي نايم على الأرض
أنا اييه إلى جابني هنا
اااااه افتكرررت 
وقمت كملت صړاخ عليهم
خرجوني من هنا
يا دكتور المړيض إلى جه الصبح هايج اوووي وعمال يزعق ويخبط على الباب
قال خدووه اعملولوا
ابووس إيدك يادكتور بلاش أنا كويس مافياش حاجه
وبعد توسلات كتير 
الأمر اتكرر عدة مرات لحد ماخلصوا وشالوني
نزلت مش قادر أتكلم وجوايا ضعف شديد
اخدوني على العنبر ووضعوني على السرير
ماكنتش قادر أتحرك
إلى قدرت أعمله إني عيطت جااامد والدموع ملت عيني
وبردد بلساني كدااا بابا تعمل فيا كدا
كنت بعيط جامد وأقول أنا إيه إلى بيحصلي دااا
وفجأة وأنا بعيط
لقيت أيد بتطبطب عليا بصعوبه حركت عنيا ناحيتها لقيته جدي وراح قاعد على السرير جمبي وفضل يمسح على راسي
أنا فعلا

زي مابقولوا بقا بيحصلي تهيؤات
أنا اټجننت!!!!
علشان يقاطعني ولأول مره يتكلم
يقول سامحنى يابني كان ڠصب عني
اتعدلت بصعوبه
اسامحك على إيه ياجدي وايه هو إلى ڠصب عنك
لكن كان بكرر نفس الجمله من غير مايزود حرف
وأنا بكرر السؤال
أبوس ايدك يا جدي تقولي اسامحك علي اييه واييه إلى بيحصلي دااا
لكن بردو بيردد نفس الجمله
ومابين سؤالي ليه وترديده لنفس الجمله
لقيت الدكتور واقف بيقول إنت بتكلم مين يا فوزي
قلت بكلم جدي يادكتور
بصلي كدا وقال امممم
قلت إنت مش مصدقني يادكتور والله العظيم كان قاعد هنا دلوقتي قبل ماتدخل بثواني صدقني ارجوووك
قال اااه مصدقك مصدقك
وهمس لشخص كان واقف جمبه
مسكني واداني حقنه تاني جسمي اتبهدل من الحقن والمهدئات
وسابوني وخرجوا
لكن مخي فضل يفكر في الجمله إلى قالها جدي
وياتري أنا كان بيتهيألي ولا دا حصل بجد ونمت وڠرقت في النعاس من التعب إلى شوفته طول اليوم
لكن شوفت كابوس مزعج أوي للست البشعه وهيا واقفه بتضحك وبيحيط بيها الكلاب وبتقول قريب على المنصه دي هاتم الصفقه
وفضلت طول الليل جوه الکابوس إلى مسيطر عليا ونفسي اصحى من النوم لكن مش قادر
وفي بيت محمد صاحبي
محمد محمد اصحي يا حبيبي مالك
بابا
ايوه ياحبيبي كنت معدي من جمب أوضتك سمعتك بتتكلم افتكرتك صاحي دخلت لقيتك بتنازع وإنت نايم قلت اصحيك اييه مااالك
قال كااابوس يا بابا
وسكت شويه معقوووله
ايه شوفت اييه
هاااا شوووفت!!!!
يتبع
سر الغرفه المظلمه
ايه يامحمد مالك حلم إيه إلى كنت بتحلمه ومخليك مڤزوع كدا
هاااا كنت بحلم ب 
لا لا مافيش يابابا
طيب قوم يابني يالا علشان ما تتاخرش
لا دنا مش رايح الكليه النهارده
لييه !!!!
رايح لفوزي صاحبي أزوره النهارده
آه بالحق هو عامل ايه
أهو على حاله يابابا
فوزي دا كان ولد كويس إيه إلى حصله بس
محمد محمد 
هااا نعم يابابا
ايه يابني مالك سرحان في إيه
مافيش يابابا أنا كويس
كويس ايه بس دا إنت من ساعة ما صحيت ولونك مخطۏف زي مايكون شوفت حاجه وحشه
ماتقلقش أنا كويس
هاقوم بقا علشان ألحق أروح المستشفي
طيب يابني سلملي عليه والمره الجايه هاجي معاك
ماشي إن شاء الله
قام محمد بعد ما شاف حلم غريب جعله شارد وبيفكر فيه
مسك التليفون واتصل على أبويا
أيوه يا عمي أنا عاوزك ضروري
وفي المصحه كان تاني يوم ليا وكأنه تاني سنه ليا داخل المكان اللعېن دا كل حاجه قدامي بتوحيلي بالجنان 
كنت قاعد على السرير وشايل الهم وشكلي كبر فجأة بقا أكبر من سني بكتير من الهم والغم إلى أنا فيه
أخدت كمية ادويه ومهدئات كفيله إنها تهد أي جسم كنت ضعيف وشكل إنسان في جسد متهالك وهزيل
وكل إلى عليا
لما حد يدخلي
ياجدعااان أنا كويس صدقوني أنا مش مجنووون!!!
لكن لا حياة لمن تنادي