جوزي بعد ما ماټ

 

التلفزيون وكمان تشرب شاي بعد كل اللي حصل مع اخواتك ده 
حسن بضيق 
يوووه هو انا مش هخلص في اليوم ده بقي تهااني الفلوس دي حقي انا اللي تعبت فيه مع ابويا كانو هما بيبقو نايمين ومرتاحين وانا اللي بروح الشغل من صباحية ربنا وحيلي يتهد وهما كانو بيجو ياخددو فلوس علي الجاهز هما اخدو حقهم يا تهاني وده حقي انا 
تهاني 
طيب اخوك يوسف بجد هو محتاج فلوس عشان ابنه العمليه اللي عايز يعملها دي مهمه ولازم يعملها بسرعه ارجوك عشان خاطري اديهاله عشان ربنا حتي ما يوريناااش شړ في بنتنا
حسن 

ما تشغليش بالك يا حبيبتي يوسف اخويا معاه فلوس اد كده بس هو بيدور علي اللي ببلاش ولما هيتزنق اوووي فيهم هيطلع من اللي مدكنهم تحت البلاطه وبعدين ما تنسيش ان بعد الحاډثه اللي حصلتلي واني مش هقدر اخلف تاني اخويا يوسف ده لما جاب الولد فضل يقول انه جاب الحفيد اللي هيشيل اسم العيله ويلقح عليا يوريني بقي هيشيل اسم العيله ازاي هو وابنه
تهاني 
اللي انت عايزه اعمله يا حسن بس انا وبنتك بعيد عن اللي انت بتعمله ده ومالنااش دعوه بذنبك انا هبرأنفسي بيني وبين ربنا وبقولك اهو حتي لو ابوك قبل ما يقابل وجه رب كريم غلط انت صلح الغلط ده واديهم حقهم
حسن 
يووووه ما خلاص بقي يا تهاني لو سمحتي روحي اعملي اللي قولتلك عليه وسيبك من الموضوع ده خالص وطلعي نفسك بره الموضوع ده خالص
وسابته تهاني ومشيت وهو افتكر اللي حصل بينه وبين باباه قبل ما يروح في المستشفي ..
فلاااااش باااااك
علام 
اسمع يا حسن انا عايزك يا ابني تكلم المحامي عشان يجي انا خلاص حاسس ان ربنا هياخد امانته دلوقتي وعايز اقسم حقك انت واخواتك
حسن 
حق ايه يا بابا اللي هتقسمه هما ولادك فين اصلا من لما دخلت المستشفي وهما كل واحد يكلمني في الموبيل يسأل عليك وما حدش هاين عليه يسيب اللي في ايده ويجيلك انا اللي مرمي معاك هنا تحت رجليك
علام 
قصدك ايه يا ابني بالكلام ده اوعاك ما تكونش عايز تدي اخواتك حقهم لاا يا ابني حرام عليك كده ده كله الا انك تاكل حقهم
حسن 
ومين قالك بس يا بابا ان انا هاكل حقهم لا بلعكس هما هياخدو حقهم وزياده بس انا عايز اخليهم يفوقو بدل ما ياخدو شقانا وتعبنا ويضيعوه علي الفاضي بص يا بابا انا هاخد كل حاجه لوحدي ولما ابقي متاكد ان اخواتي هياخدو حقهم ويحافظو عليه ويكبروه انا هديه ليهم هو انا يعني اكره ليهم الخير بالعكس يا بابا انا طول عمري بتمناهم يبقو احسن مني والا انا ما كنتش تعبت معاك في الشغل وكنت بتحمل انهم ياخدو الفلوس علي الجاهز
علام 
فهمتك يا حسن طول عمري بقول انا ما خلفتش غيرك انت الكبير وانت اللي تلم اخواتك حواليك وتهديهم وتخليهم يحافظو علي مالهم انا هعمل اللي انت قولته ده بس بشرط انت توعدني دلوقتي انك تدي كل واحد في اخواتك حقه
حسن بخبث 
طبعا يا بابا انا والله العظيم هديهم حقهم كامل ومكمل وزياده بس اول ما اخليهم رجاله ويعرفو قيمة القرش كويس وبعدين بعد عمر طول انا بنتي دي ليها مين غير عمامها يخلو بالهم منها
علام بتعب 
يبقي علي بركة الله وربنا يقدم اللي فيه الخير
بااااااااك
حسن لنفسه پحقد 
هه قال ابويا كان عايز ياخد شقايا وتعبي ويديه لعياله اللي كانو واخدين كل الفلوس وبيتفسحو ويسافرو هما ومرتاتهم وعيالهم