جوزي بيحطلي المنوم في كوباية الشاي
جوزي بيحطلي المنوم في كوباية الشاي
كوباية الشاي ومنوم كدة انا بدأت افهم.. تقريبا كدة كل حاجة بقت مفهومة وواضحة.
هو بيصمم يعمل الشاي كل مرة عشان يحطلي المنوم فيه بس ايه السبب اللي يخليه يعمل كدة، يعني لو علاقتنا وحشة مع بعض كنت هقول بيعمل كدة عشان ينام معايا ڠصب عني لكن احنا الحمدلله علاقتنا طبيعية جدا ومنسجمين اوي مع بعض.ة.
يأست ومش قادرة الاقي اي تفسير للي بيحصل وماكنش قدامي حاجة اعملها غير اني استنى لما يجيب الشاي من المطبخ واعمل نفسي نايمة واعرف هيحصل ايه ساعتها.
لبست ودخلت السرير عادي جدا زي كل يوم واول ماجاب كوباية الشاي عملت نفسي بشرب لكن دلقت نصها بسرعة على السجادة من غير ماياخد باله لان السجادة عندي نوعها تخين فهتشرب اي سوايل تقع عليها ومش هيبان اي اثر للشاي، استنيت بعد كدة دقتين تلاتة وعملت نفسي نايمة.
فضلت مستنية كتير تقريبا كدة ساعة ومفيش اي حاجة حصلت وكنت خلاص قربت ايأس واقوم من السرير لكن حسيت بيه بدأ يقرب مني، خۏفت اوي وابتدى قلبي يدق بسرعة من كتر الخۏف مش متخيلة ابدا هيعمل فية ايه.
قرب مني اكتر وبدء يقول كلام مش مفهوم بعدها غيبت عن الوعي وماحستش غير تاني يوم الصبح ومعرفتش ايه اللي حصل. تاني يوم اتكرر نفس الوضع بالظبط بس الفرق ان انا الصبح زوغت من الشغل وروحت اشتريت كاميرا مراقبة وركبتها في النجفة بتاعت اوضة النوم ورجعت الشغل تاني من غير مايحس. وطبعا اول ما بدأ يقول الطلاسم روحت في النوم وماحستش بنفسي غير الصبح زي الليلة اللي فاتت.
استنيت اول مانزل الشغل واتأكدت انه فعلا مشى بالعربية وجريت بسرعة افتح الفيديو واكتشفت ساعتها انه بيعمل نوع من انواع التنويم المغناطيسي عشان يعرف روحت فين وقابلت مين وإذا كنت بعرف حد من وراه ولا لأ وفهمت انه بيستخدم الطلاسم دي عشان لازم في التنويم المغناطيسي يكون مسيطر على تفكيري واكون في قمة تركيزي معاه ودة طبعا صعب وانا واخدة منوم لكن الطلاسم دي بتعمل نوع خفي من الاتصال بينا يقدر يستقبل مني معلومات ويرسلي اوامر وانا نايمة. ودة اللي حصل فعلا بعد ماعرف مني التفاصيل اللي عاوز يعرفها بدأ يؤمرني:
