سليم

فادي وهو ينهض
وعندما وجد نظرات الاستفهام هتف 
يعني استني ماما تيجي وتاخدها مينفعش تروحوا سوا عند دكتور 
_ ومينفعش ليه يا حيلتها !
قالها سليم بتساؤل ليقول هو 
الدكتور يفتكرك جوزها ولا حاجه وتوقف حالها مينفعش 
_ لا يا شيخ 
قالها سليم بدهشه ساخره لتقول نيره 
اهدي انت وهو انا اصلا محتاجه طنط معايا مينفعش حد منكم يجي معايا 
_ وده ليه حضرتك 
قالها سليم
هتفت بتوتر وهي تزيح خصلات شعرها خلف اذنيها 
يعني انا محتاجه اروح لدكتوره معينه كده 
فهم فادي ما تقصده ونبض قلبه بقوه هي تشعر بوجود شئ تشعر بذلك !! اما سليم قال 

مش فاهم دكتوره معينه ايه ما تكلمي عدل وتوضحي كلامك
_ دكتوره نسائيه خلاص ايه ده محدش بيحترم خصوصيه اي حد في البيت هنا ا
قالتها بانفعال مكتوم ليقول فادي 
تلاقي انيميا رجعتلك تاني ولا حاجه تعالي نروح نعمل تحليل علشان نطمن 
_ لا مش انيميا ولا حاجه متشغلوش بالكم انا كويسه مليش نفس لاكل بس عن اذنكم
اقترب منها فادي وهو يقول باصرار 
لا لازن تعملي تحليل يا نيره لازم يلا دلوقتي علشان خاطري يلا يا نيره علشان خاطري 
وعندما لمحت الدموع الحبيسه في عينيه هتفت 
انا كويسه يا فادي مفيش حاجه متقلقش عليا 
_ طب نروح نعمل تحليل من فضلك 
قالها برجاء لتحرك هي راسها بالايجاب هاتفه 
حاضر يا فادي هطلع اجهز ونروح 
قالتها ورحلت اما سليم هتف بشك 
هو في ايه يا فادي ايه حكايتك !!! 
_ مفيش حاجه انا قلقان علي نيره كفايه الي انت عملته فيها طول عمرها
بتتحايل عليك تعبرها وانت ولا هنا 
قالها بتوتر ليقول سليم 
متحورش في كلام انت من يوم العيد ميلاد وانت مش مظبوط حصل ايه في الحفله 
_ محصلش حاجه يا سليم محصلش يااخي بطل كلام بقي 
قالها فادي بانفعال ليقول سليم 
ماهو اسمع بقي انت يا تجيب من الاخر يااما انا هوصل لشله الصيع بتاعتك بمعرفتي وافهم منهم حصل ايه 
_ اجبلك من الاخر كانوا بيعاكسوا نيره وعينهم منها اتخانقت معاهم ووشي اتبهدل زي ما انت شايف 
_ علشان مهزا عارف ان صحابك زباله وواخد بنت عمك معاك 
قالها بعصبيه ليقول فادي 
انا عارف اني غلطت ممكن متجبش سيره لنيره بموضوع ده هي كان مغمي عليها اصلا لما اتخانت معاهم ومتعرفش حاجه وفاهمه اننا اتخانقنا مع بعض عادي 
_ ومصمم ليه علي تحليل وهبل ده 
ليقول فادي بنفاذ صبر 
قلقان عليها يا سليم فيها حاجه دي كمان!! اغمي عليها في الحفله وزمان حصلها كده وطلع عندها انيميا فاكر لما كان كل شويه بيغمي عليها اهو نطمن عليها من دلوقتي علشان لو نسبه طلعت عندها عاليه نلحقها ومتتعبش زي زمان
حرك راسه سليم بالايجاب وهو ينظر الي فادي بشك كبيير وغير مصدق بداخله تلك القصص التي يرويها اخيه عليه ....
دلفوا كلاهما الي المختبر الطبي اخبر الاخصائي الموجود علي المكتب 
لو سمحت عايز اعملها تحليل انيميا 
قالها وهو يشير ناحيه نيره اوما
الاخصائي راسه بالايجاب ثم نهض من مكانه وتناول الابره المغلفه قام بفتحها ثم اشار الي نيره بالجلوس علي المقعد
قام الاخصائي بسحب عينه الډم منها وفادي يراقب كل ذلك بتوتر وعندما انتهي الاخصائي من سحب الډماء هتف وهو يقوم بتدوين الاسم علي الامبول الصغير الموجود به عينه الډماء 
اسمك ايه 
استقلت السياره وهي بجانبه ثم ادار محرك السياره ولكنه توقف وهو يقول 
انا نسيت موبيلي فوق هطلع اجيبه
_ وانت ايه الي خلاك تطلع موبيلك فوق اساسا 
_ ياساتر علي اسئلتك يا نيره 
قالها وهو يخرج من السياره لتحرك نيره راسها باستنكار 
اما فادي وصل الي المختبر الطبي مره اخري ثم هتف 
بنسبه عينه ډم انا مش عايز تحليل انيميا عايز تحليل اختبار حمل يعني اعرف اذا كانت حامل ولا لا
_ طيب ومقولتش كده ليه قدام مدام نيره !
اجابه فادي بتوتر 
احنا يعني متجوزين بقالنا فتره كبيره وكل مره بتتعشم انه يكون حمل وتبني امل وبعدين يطلع مفيش حمل وانا مش عايز تتعشم مره تانيه علي فاضي هي دلوقتي شاكه انه في حمل بس انا طلعت موضوع ده من دماغها وقولت اعمل تحليل ډم من غير ما تحس واعرف
يعني 
اوما الاخضائي راسه بتفهم ثم قال 
ان شالله يطلع حمل المره دي 
استقل السياره لتقول نيره باستغراب 
كل ده بتجيب الموبيل سنه يا فادي 
_ معلش يا نيره اتاخرت عليكي حقك عليا
قالها وهو يدير محرك السياره لتقول نيره 
مالك يا فادي بقيت هادي كده ومحترم حصلك ايه 
_ ولا حاجه الواحد لازم يكبر كده ويعقل مش معقول هيفضل طايش كده طول عمره 
_ ربنا يهديك دايما كده وتبطل كمان الخمره دي 
_ يااااارب
قالها بتنهيده طويله لتقول نيره 
قولي بقي يا فادي اعمل ايه اخلي سليم ازاي يفكر فيا 
_ الحب مش بالعافيه يا نيره هو قلبه مش معاكي انسيه بقي 
قالها وهو يوقف سيارته ثم نظر من الشرفه عدده ثواني ثم الټفت الي نيره قائلا 
لحظه وهرجعلك
_ رايح فين !
_ هجيب حاجه من واحد صاحبي ساكت في العماره هنا دقيقه وهرجعلك متتحركيش 
هتدخلي صفحتهم توجعي قلبك وتنكدي علي نفسك ملهوش لازمه يا نيره 
وعندما وجدت فادي قادم اليها وضعت الهاتف علي التابلوه وهتفت بانفعال عندما استقل السياره 
لسه بدري يا باشا 
_ معلش يا نيره اعمل ايه الواد مسك فيا ومعرفتش اخلص منه
_ وفين الحاجه الي طلعت تاخدها منه !
_ فلاشه عليها افلام في جيبي ومش هطلعها علشان عارفك حراميه وهتسرقيها كالعاده يعني 
_ من غير ما تطلعها انا هسرقها علشان انت وسايبني ساعه في العربيه 
_ والله ڠصب عني حقك عليا سيبك انتي خلينا في مهم وانا نازل من عند الواد لقيت عياده دكتوره نساء زي ما كنتي عايزه وحجزتلك هي العياده فاضيه اصلا هتطلعي تدخلي علي طول يعني
_ انا هستني طنط ونروح سوا مينفعش تيجي معايا وبعدين انت ازاي اصلا تتكلم معايا في حاجات خاصه 
_ هو انا اتكلمت في حاجه يا بنتي انا لقيتها بصدفه قدامي روحت حجزتلك واكيد مش هدخل معاكي يعني هستني براه الحق عليا فكرت فيكي وصعبتي عليا تستني ماما لحد ما ترجع وتفضلي اسبوعين تعبانه
_ شهم اوي بجد شهامه هتطلع من عينك 
قالتها بسخريه ليقول هو 
طيب يلا يا ظريفه انزلي علشان تروحي لدكتوره وعدي في الجمايل بتاعتي معاكي
وبداخل العياده ..
دلفت نيره الي غرفه الطبيبه وفادي ينتظرها في الاستراحه 
_ اهلا وسهلا اتفضلي
قالتها الطبيبه بترحيب لتجلس نيره وهتف 
اهلا بيكي 
_ اتفضلي
هتفت هي باحراج واضح 
_ انا من كام يوم لقيت ډم وده مش ميعاد البريود اصلا بس انا قولت يمكن جات بدري بس بعدين مفيش حاجه حصلت ودايما حاسه بتعب هنا
قالتها وهي تشير في منطقه اسفل البطن حيث يقع الرحم 
_ طيب ممكن تقوليلي التاريخ كان كام الي لقيتي فيه الډم 
_يوم 7
اومات طبيبه راسها بالايجاب وهي تقوم بتدوين ذلك في الدفتر امامها ثم قالت 
في حاجه تانيه بتشتكي منها 
_ حاسه جسمي مكسر وتعبانه طول الوقت
طيب اتفضلي على سرير هناك 
نهضت نيره من مكانها ثم تمددت على الفراش قامت الطبيبه بفصحها هاتفه 
وانتي بقى اسمك ايه 
نيره
اسم جميل ومميز زي صاحبته 
ابتسمت نيره لتقول الطبيبه 
بتدرسي في ايه 
_ في ثانويه عامه 
نظرت الطبيبه لها بحزن فهي صغيره على ما حدث لها.. 
وناويه بقى يا نيره تدخلي كليه ايه 
_ مش عارفه اهو الي مجموعي يجيبه هدخله
_ لا لازم يكون عندك هدف 
قالتها الطبيبه وهي تخلع القفاز من يديها لتقول نيره 
هو حضرتك خلصتي 
_ اه 
اعتدلت نيره من الفراش وقامت بترتيب ثيابها لتقول الطبيبه 
كل حاجه تمام عندك مفيش اي مشاكل وبنسبه للدم فهو مجرد لغبطت هرمونات أو توتر أو نفسيتك مش متظبطه يعني فيه كذه سبب ومفيش منها قلق ولا حاجه اما بنسبه للتعب إلى بتحسيه ناحيه الرحم فأنا هكتبلك علاج تمشي عليه بانتظام وبعد اسبوعين تنوريني في العياده تاني 
اوصلها الي الفيلا ثم عاد الي عياده الطبيبه مره اخري ظل يقود الي الطريق وهو شاردآ فيما اخبرته به الطبيبه ..
_ انا لو كدبت عليها هبقي كده مشتركه معاكم في الچريمه دي زيكم
قالتها الطبيبه بانفعال ليقول 
انا مليش ذنب
_ انت ذنبك اكبر منهم كلهم عارف ان صحابك بالاخلاق دي وخدتها معاك 
_ متوقعتش ابدا انه ممكن يحصل حاجه زي دي بصي انا عارف نظرتك ليا دلوقتي شكلها ايه وفكراني جايلك علشان تداري علي الحكايه واني خاېف كل حاجه تتكشف بس والله ما كده ابدا انا مستحيل اتخلي عن نيره حتي لو وصلت اني اتجوزها هعمل كده انا بس محتاج وقت ارتب فيه كل حاجه ومحتاج اطمن انها مش حامل وليكي عليا لو بعد كام شهر مجتش ليكي وانا مخلص الموضوع ده 
قدمي بلاغ فيا انا اهو مستعد اكتبلك ورقه بخط ايدي بكل الي حصل وهكتبلك اسمي بالكامل وعنوان بيتي ولو شاكه فيا بردو بطاقتي اهي صوريها عندك علي موبيل
قالها وهو يخرج بطاقته الشخصيه من سترته وناولها اياها تناولتها هي ثم صمتت قليلآ بتفكير اخرجت هاتفها وقامت بالتقاط صوره للبطاقه ثم ناولته البطاقه وتناولت اوراق ووضعتها امامه ومعها القلم 
اكتب كل الي حصل هنا وامضي تحت الكلام
_ من عنيا يا ستي اهو هكتبلك كل حاجه
فاق من شروده ذلك ثم توقف امام البنايه الموجوده بها الطبيبه انتظر في الاستراحه
حتي خروج الكشف الموجود بالداخل ...
وبعد مرور الوقت اشارت له ممرضه بالدخول 
اتفضل حضرتك
دلف الي الداخل بلهفه واضحه وهتف 
ايه حامل 
حركت الطبيبه راسها بالنفي هاتفه 
مش باين حاجه بعد اسبوعين لما تيجي الاعاده هيبان
_ انا هقعد اسبوعين في القلق ده طيب تحليل الډم الي عملته هيبان فيه 
_ بس نهارده كانت حاسه بدوخه وملهاش نفس لاكل
_ ممكن برد او معدتها ۏاجعها مش لازم حمل يعني لما نوصل للنقطه الي قولتلك عليها كله هيبان
اغمض فادي عينيه بتعب واضح لتقول الطبيبه بمواساه 
ربنا ان شالله هيسترها خلي املك في ربنا كبير والحيوانات صحابك لازم ياخدو جازاهم ويتعاقبوا 
_ هيحصل بس اطمن علي نيره
_ سليم ممكن اقولك حاجه 
قالتها وهي تقف امامه ليقول هو 
قولي خير واياكي تقولي بحبك وكلام مراهقين ده
_ لا طبعا هقول حاجه جديده 
جلست بجانبه ثم اكملت وهي تبتسم 
وحشتني يا حبيبي
_ يااختااااااااي
قالها وهو ېصرخ بصوت رفيع لتطلق هي ضحكه عاليه هتف سليم 
يا بنتي قومي ذاكري بقي وشوفي مستقبلك 
_ انت مستقبلي وكل حاجه يا سليم افهم انت بتحبني بس مش حاسس قولتلي لو خرجتي بالفستان انسيني خالص وانا خرجت ورجعت وانت اتكلمت معايا وعادي اسمع مني انت جواك حب ليا ومش عارف 
_ ايوه جوايا حب اخوي مش الحب الي في دماغك 
_ طب فاكر قبل كده لما كنت بعيط بسبب نتيجه سنه الي فاتت وماده الي طلعت بيها
زفرت هي بضيق واضح وهي تعقد ذراعيها امام صدرها ليقول سليم 
نيره انا مش عايز اجرحك بس انتي فعلا زي اختي وانا بحب واحده وناويه اخطبها ان شالله قريب 
ابتسمت رغمآ عنها وهي تهتف بصوت مختتق 
وهي اسمها ايه علي كده 
_ اشرقت
مبروك مقدمآ هروح بقي اذاكر 
قالتها ورحلت من امامه علي الفور ليتنهد هو بملل قائلا 
ربنا يهديكي
جلست علي المكتب وتناولت الكتاب وضعته امامها وظلت تعبث به والدمعه محپوسه في عينيها ورغمآ عنها سقطت الدمعه علي ورقه الكتاب 
وضعت راسها