ورطة حب بقلم الكاتبة كوكي

مش موجوده
تخلى بالك من اخواتى اكتر من كده وخصوصا 
هشام.. حضرتك عارفه انه مريض کانسر
الام بدموع.. الولد كان جعان.. قولت يطلع 
يلعب مع الولاد علشان ينسى الجوع 
حوريه.. الولاد دول اخويا ميعرفش
حد منهم وبعدين دول غيرنا خالص مش شبهنا
يا مامى
الام.. انسى بقى حوار مش شبهنا ده خالص وحطت ايدها على كتفها ياريت انتى تقدرى 
تستوعبى اننا خلاص فلسنا ومبقاش حيلتنا 
غير الستر وبسسسسسس
وبعدين تعالى قوليلى انتى اطردتى من الشغل 
ليه وبعدين اشتغلتى فين يا بنت الدمنهورى 
حوريه.. سبت الشغل علشان بنت الدمنهورى 
مامى انا معرفتش اشتغل خدامه 
اصلى اټجننت وروحت مكتب سيد 
زى ما بابى قال وسمعت كلامه 
واستلمت شغل فى قصر كبير قد الشارع ده 
مرتين إنما ايه فى حته بنت عاملت 
نفسها هانم عليه 
لما كسرت فازة كريستال وكان نصيبى الطرد 
والذل والإهانه وبكسره.. بس عارفه يا مامى
انا اكتشفت اننا كنا طيبين اوى 
مع عم عبده وداده وداد الله يمسيهم بالخير 
اكتشفت انى فعلا متربيه وعمرى ما قليت ادبى 
على حد فيهم حتى لو غلط 
وحضرتك كمان وقربت منها وحضنتها 
اكتشفت انك عمرك ما قولتى لداده تقولك يا هانم
الام.. يا بنتى انسى بقى كل ده 
المهم هنعيش ازاى وهناكل منين 
حوريه.. انا هشتغل وان شاء الله بكره هنزل
ادور على شغل
الام بحزن.. وحتى اخوكى انا مش عارفه 
هيتعالج ازاى!
__ الباب خبط
حوريه.. يا ترى مين احنا منعرفش حد هنا 
وفتحت الباب 
مجهوله فى ايدها صينيه وفيها أكل 
السلام عليكم ورحمة الله وبركاته 
حوريه.. عليكم السلام 
مجهوله.. انا جارتكم مامت وليد اللى فى الدور الرابع وليد اللى بيلعب مع اخوكى هشام 
حوريه.. اتفضلى.. بسس ايه ده 
الجاره.. دى لقمه علشان ناكل عيش وملح مع بعض انتوا هنا من فتره وقولت بقى مبدهاش
الناس دول مش عاوزين يتعرفوا عليه 
انا بقى انزل واتعرف عليهم بنفسى
وان شاء الله تكون معرفه خير 
وبعدين احنا جيران 
حوريه باحراج.. هو هشام قال حاجه لوليد 
الجاره.. هو انا قولت انه قال حاجه 
انا بقول انتم جيرانى والنبى وصى على سابع جار
لو سمحت خودى الصينيه علشان تقيله على ايدى
حوريه.. شكرا بجد.. بس معلش انا مش هقدر 
اقبلها
الجاره.. بس النبى قبل الهديه 
الام خرجت وبابتسامه.. واحنا

قبلنا الهديه 
حوريه خدت الصينيه وعزمت على الجاره تتدخل
بس قالت أنها سايبه الولاد لوحدهم
حوريه دخلت بالصينيه وقفلت الباب برجليها
حطت الصينيه على الترابيزه
وكان عليها أكل فراخ وملوخية ورز وسلطه وعيش
حوريه.. معقول حالنا وصل لكدهان الناس
تعطف علينا يا مامى
انا بجد لازم اشتغل ان شالله لو اشحت
الام.. ادخلى صحى اخواتك ياكلوه
حوريه.. وحضرتك
الام.. مش مهم انا.. المهم اخواتك يا بنتى
حوريه دخلت صحتهم وكلهم قاموا من النوم
حتى الأب واتلموا وقعدوا ياكلوه
حوريه بداخلها.. انا لازم اشتغل علشان
ارجع ألم عيلتى على سفره واحده
لازم اشتغل علشان اكمل تعليمى
وفچاه افتكرت المتسول وكلامه
هترجعى يا حوريه وهتنفذى المطلوب
حوريه.. يخربيت ام التهيأت
وقامت ودخلت تنام بعد ما اطمنت ان اخواتها
شبعو بعد ما كانوا جعانين
نامت على السرير ومفيش على لسانها
غير.. ربنا فعلا مش بينسى حد
فتحت الفيس وبقت تقلب فيه
وشافت حاجه غريبه جدا
اعلان ممول من جمعية خيريه
بتلم تبرعات
وهنا جاتلها فكره بنت شياطين
وبداخلها.. انا لازم انفذها
ما انا فقيره زى ما غيرى فقير وبيلموا
فلوس علشانوا انا واخواتى أولى بالفلوس دى
وبعد تفكير علشان الموضوع مش
سهل نامت وهى مقتنعه ب تنفيذها
فى صباح اليوم التالى
قامت من النوم بدرى وجابت ورقه
وكتبت فيها اتبرع ولو بجنيه
لجمعيه حوريات للأيتام والفقراء
ولابست واستأذنت من مامتها وقالت
انها هتشتغل وهترجع بفلوس
وطبعت الورقه 100 نسخه لتجربه 
وركبت وراحت على الأماكن
الريفيه والعشوائيه وبقت تقدم الورقه
وفعلا الناس كانت بتتبرع بجنيه وفى اللى كان
بيتبرع بأكتر
حوريه فرحت بالفلوس وكانت حاسه
انها بتعمل حاجه مش حلال ولا حرام
كانت حاسه انه حقها
وان حق الناس تساعد الفقير وهى أولى بالمساعده
وانها مش بتنصب ولا بتكذب
وطبعا قابلها ناس كانت بتسأل فين الجمعيه
إنما كانت بتتهرب وتمشى 
وفى ناس كانت طيبه تدفع الجنيه او اكتر لله
ولمت فلوس كويسه 
حست بالجوع وقفت اشترت سندوتش وكانز
قعدت فى مكان علشان تاكل 
كانت فرحانه ومبسوطه انها معاها فلوس
واتصلت ب مامتها وقالت لها 
انها راجعه بعد ساعه ومعاها أكل وفلوس
ووعدتها انها هتعالج هشام 
وبعد ما قفلت معاها افتكرت كلام المتسول 
ومسكت الورق اللى فى ايدها
خلاص ربنا حلها من عنده وحسبتها
بطريقتها هى انها هتشتغل وتلم فلوس
التبرعات وتأكل اخواتها وتعالج هشام
ولكن لا تأتى الرياح بما لا تشتهي السفن
بصت لقت حواليها ناس غريبه ومن ضمنهم شاب
ملتحى قرب منها
البت دى نصابه وعماله تلم فلوس من الناس
هنا وبتقول انها تبع جمعيه خيريه
حوريه 
انت مالك
هو.. هاتى كارنيه الجمعيه يا انسه
انا راجل اهو ومش لاقى أكل ولا اشتغل
إنما انتى بت واقفه تلمى فلوس من
الناس بكل سهوله يا نصابه
حوريه پغضب.. وانت مالك وبعدين انا مش نصابه
هو.. يلا تعالى معايا على القسم
ومسكها من هدومها وبيشدها وفى نفس
الوقت الناس اتجمعت
وفى منهم اللى قال.. سيبها دى بنت وبتعمل خير
وفى اللى كان ضدها
هو.. يلا على القسم
مجهول سيب البنت تمشى
حوريه لما حست بالقلق والموضوع بيكبر
طلعت تجرى منهم
هو.. يا بنت النصابه وطلع يجرى وراها
حوريه بتجرى وقلبها بيدق من الخۏف
ووقفت فجأة لما شافت قدامها ترعه
وقفت متنحه ومحتاره تتصرف ازاى
هو.. تعالى يا نصابه
حوريه بصت وشافتو بيقرب منها
قامت نطت فى التررررعه
__ حوريه ملقتش حل قدامها غير انها تنط فى الترعه الشاب واقف مصډوم لما شافها نطت
ومن الخۏف خد بعضه وجرى ولا كأنه يعرف
عنها حاجه______
اما حوريه نطت فى الترعه وغطست تحت المياه
وكانت بتحاول انها تعوم ولكن المياه كانت ثقيله
جدا وكانت بتقوامها بكل صعوبه
وكل إللى بتفكر فى انها تعوم وتبعد عن المنطقه 
وفعلا بعدت خالص وابتدت تختنق من المياه 
المتسخه ومش قادره تتنفس
ولكن بالصدفه شاب شاف حوريه وبأعلى صوته 
غرييييق فى الترعه 
حوريه... ممممم.. الحقونييييييي
انا بمووووووت 
الشاب نزل من غير تفكير وانقذها 
حوريه مش قادره تتنفس.. انا حاسه انى بمت 
الشاب بذهول.. انتى ايه اللى نزلك الترعه دى 
انتى متعرفيش ان الدوامه ممكن تاخدك وتغرقك 
حوريه.. اه اه اه وايدها على صدرها 
انا مش قادره اتنفس.. الريحه وحشه جدا 
الشاب.. انتى كويسه ولا تحبى تروحى على المستشفى 
حوريه بداخلها.. يادى المصېبه مستشفى ايه 
دلوقتى.. هيبقى فيها س وج وانا مش ناقصه 
الشاب.. يا انسه ما تردى عليه 
حوريه.. نعم 
الشاب.. نعم الله عليكى.. ها.. هتروحى المستشفى 
ولا انتى كويسه.. بس انا شايف انك بتعرفى 
تعومى وباين عليكى كده ان الريحه هى 
اللى مخليكى مش قادره تتنفسى
مش خنق من المياه لا قدر الله ولا حاجه
حوريه بخباثه.. لا ازاى.. انا مخنوقه لأنى
كنت بغرق وبقت تمثل انها مش قادره تتنفس
الشاب قام من جمبها
طيب خليكى ثوانى هروح اجيب العربيه
وهرجعلك حالا
وقام مشى_____
حوريه بصت حواليها ملقتش الشنطه الكورس
اللى كانت لابساها
يا خسارة الشنطه ضاعت وفيها الفلوس
منك لله يللى كنت السبب 
وقامت من مكانها بسرعه 
قبل ما الشاب يرجع وخرجت على أول الطريق 
وخدت ميكروباص لاقرب مكان هى تعرفه 
المهم انها تخرج من المنطقه خالص 
اما الشاب رجع وحوريه ليس لها اى اثر 
استغرب لدرجه انه اعتقد انها جنيه 
الشاب بيكلم نفسه.. اكيد جنيه 
بس مفيش جنيه بتطلع بالنهار
وضړب كف على كف ورجع على بيته 
وهو فى حاله ذهول من اللى حصل 
حوريه راكبه الميكروباص وبتفكر 
وبتكلم نفسها
معقول كل اللى حصل ده 
انا يحصل معايا كده 
منك لله.. تعبى كله راح 
وفى الاخر حته واد هلفوت عاطل ومالوش
لازمه كان عاوز يمسكنى 
ويبلغ عنى وكنت هروح فى داهيه 
واموال عامه والحوار يكبر 
وانا معملتش حاجه 
غير انى لمېت شوية فلوس علشان اخواتى 
بس الحمد لله ربنا ستر 
وبردوا مش عارفه اعمل ايه بعد ما الفلوس ضاعت واتصرف ازاى بعد ما قولت لمامى 
انى راجعه بفلوس وأكل
اتصرف ازاى يارب
واعمل ايه بجد انا تعبت خلاص
سواق الميكروباص كان وصل
حوريه نزلت ومشيت فى الشارع وكانت حاسه
بالتعب وفى نفس الوقت بالعجز لانها
مش قادره تتصرف
ولا تعمل حاجه لأهلها
وشافت شجره فى الطريق وقعد تحتها 
وبقت تفكر فى اللى حصل معاها وبداخلها.
الحمد لله ان المكان كان شبهه مهجور
ومحدش شافنى خالص غير الشاب 
اللى انقذنى 
ربنا يباركله.. يااه ده انا نسيت اسأله 
حتى عن اسمه 
وقعد تفكر وتفكر 
وافتكرت كلام الراجل المتسول 
لما قالها هترجعى يا حوريه وتنفذى المطلوب 
وقالت... انا فعلا شكلى هرجعلو تانى 
لأنى مش لاقيه حل فى المصېبه اللى انا فيها
حتى الشغل مش لاقيه ولو لقيت شغل 
واشتغلت.. لسه المرتب قدامه شهر 
طيب ومامى وبابى واخواتى الصغيرين هيعملوا ايه.. مسكت الفون وعملت مكالمه 
لبنت كانت بتشتغل فى بيوتى سنتر وهى تعرفها
علشان تشوف فى شغل ولا لأ
ولما البنت رددت عليها افتكرت 
انها عاوزها فى الفيلا عندهم علشان تعمل لها 
مانيكير وبدكير كالعاده 
حوريه اتحرجت ومتكلمتش عن الشغل 
بس قالت إنها كانت بتطمن عليها ولما تحتاجها 
هتتصل بيها وقفلت معاها 
وبعد المكالمه دى حست ان الدنيا 
كلها اتقفلت فى وشها وبعد تفكير
وقامت من مكانها وراحت لحد قصر ايوب 
ولما وصلت ملقتش المتسول قاعد 
وقالت.. ياه اومال راح فين الراجل ده
وقعدت مكانه علشان تستناه
وشافت أيوب واخته سالى خارجين من القصر
استخبت منهم علشان محدش فيهم
يسألها هى قاعده ليه! 
وبعد ساعات.. كان الليل ليل وبقت الساعه 8 مساءا
حوريه بتكلم نفسها.. انا هقوم أمشى علشان الوقت اتأخر واكيد مامى قلقانه عليه
ولسه هتقوم من مكانها
ايد لمست كتفها
حوريه بفزع..

ايه ده مين
المتسول.. انا.. لحقتى تنسينى
حوريه.. انت انا مستنياك من بدرى 
المتسول.. معلش كنت مشغول 
حوريه.. واللى زيك هينشغل فى ايه! 
سورى يعنى بس بجد كنت مشغول فى ايه 
المتسول.. مشغول فى كتير 
وأولهم انى كنت بفكر فيكى ومستنى اللحظه 
دى.. اللى الاقيكى واقفه قدامى وبتقولى انك موافقه 
حوريه.. ومين قالك انى موافقه! 
اكيد مش مكتوب على وشى يعنى 
المتسول.. وايه اللى يخليكى تيجى لواحد زى 
وانا شايف انك مش مستنضفانى خالص
يبقى اكيد وافقتى 
حوريه.. انا موافقه بس بشروط 
المتسول بلهفه.. اؤمرى 
حوريه.. انت قولت انك هتعالج اخويا المړيض 
وهتساعد أهلى وهتظبط حياتهم 
يا ترى الكلام ده حقيقه ولا فض مجالس
علشان أوافق وقبل ما ترد عليه 
انا بقولك اهو لو حقيقه يبقى تنفذه قبل ما ادخل 
القصر وبدموع قبل ما استغنى عن أهلى واخواتى 
أغلى الناس عندى 
المتسول.. موافق 
حوريه..ممكن أسألك سؤال 
المتسول.. طبعا 
حوريه.. انا مش مستوعبه انى هكون صاحبه القصر وبجد بفكر انا هدخله ازاى 
وبعدين.. ايه المقابل اللى انت عاوزه! 
المتسول.. تقصدى مقابل ايه 
حورية.. مقابل انك تساعد أهلى وتغير حياتهم 
وانا كمان هكون صاحبه القصر 
ليه كل ده واشمعنى انا 
المتسول.. كل ده هتعرفيه بعدين لما تتدخلى القصر 
حوريه.. هعرفه ازاى.. مش انت بتقول هنسى كل
حاجه بشكه دبوس يبقى هعرف منين 
المتسول طلع فون من جيبه وفى دقايق 
كان عنده عربيه فخمه 
لما شافتها انبهرت بيها واستغربت 
مسكها من ايدها وركبت معاه وكأنها مسلوبه الارداه
وكانت لما تسأله على حاجه ميردش عليها 
وخدها وراح بيها على عماره قديمه فاضيه 
حوريه.. على فين.. ايه العمارة دى وبتاعه مين 
المتسول.. بتاعتى 
حوريه.. نعم.. عاااا
المتسول.. بصى انا مش عاوز اسئله كتير 
وطلب منها تتدخل معاه العماره 
حوريه بتبصلوا ودخلت معاه 
من غير ما تحس
وطلع بيها على الدور الأول 
وقفل الباب وقعد معاها وطمنها على الآخر 
حوريه قاعده وخاېفه جدا 
المتسول.. العمارة دى انا هديكى المفتاح 
بتاعها علشان كل لما تعرفى حاجه جديده 
هتلاقى نفسك جيباكى لحد هنا من غير ما تحسى
حورية.. انا مش فاهمه حاجه 
المتسول.. كله هتعرفيه لما تتدخلى القصر
وتبقى صاحبته
حوريه.. قبل كل ده تنفذ وعدك ليه 
المتسول.. قولتلك هنفذ بس المهم 
انك هتدخلى القصر وهتعيشى مع أيوب