رواية اية كاملة

أنها الأفضل تبعد 
عايدة بدموع و أختك فين دلوقتي عرفتي مكانها!
فرح أيوا 
جلال هروحلها يلا ي فرح 
فرح ثانية واحده بس 
فرح مسكت تليفونها ورنت علي ياسر عشان يطلعوا ياسر بص ل غرام و حاول يطمنها وقالها لازم يطلعوا 
قاسم أتحرك الأول قدامها و وراه غرام و ياسر أول م دخل وقف علي جنب الباب و غرام دخلت و شافت ابوها واقف مستنيها 

غرام بدموع بابا 
جلال مرجعتيش ليه! مرجعتيش ليه و فهمتينا كل حاجه 
عايدة قربت منها و حضنتها و هي بټعيط و جلال لسه مش متدارك الموقف 
قعدت فيه كتير و كل وقت كان بيعدي كان بيأكد الكذبة اللي اتقالتلكم عني 
جلال الذنب ذنبي إني صدقت 
غرام أنا أسفة ي بابا بسببي أنت تعبت و 
حضڼ والدها ليها قاطع كلامها و اي كلام تاني في المكان و لفترة مليانة بالعياط و الحزن مع شعور من الفرحه 
فرح خلاص بقي ي جماعه هو انتوا في اي حاجه عياط في الفرح باكي و في الحزن باكي بردو 
جلال بس ي بت أنتي 
فرح أهلا أهلا انا حاسه كدا أني اسيبلكم الجو و امشي 
جلال بضحك تخيلي ي غرام البت الصغيرة اللي كانت قارفانا دايما هي اللي شالت المسئولية و مقصرتش في اي حاجه 
غرام أصدق طبعا دي فرح و طول عمرها شاطرة 
قاسم في نفسه الحمد لله 
فارس أنا عارف ان اللي حصل دا ب اي شكل من الأشكال كان بسببي و أنا أسفه والله بس 
جلال بمقاطعه خلاص ي ابني خلينا ننسي و أنتوا أعتبروني أبوكم 
فارس دا شرف كبير لينا والله 
غرام بابا دا ياسر و وأحنا مخطوبين أنا عارفه كون أتخطب من غير علم حضرتك غلط بس أنا مكنتش عارفه ان ممكن في يوم ارجع هنا 
فرح ياسر ي بابا مدير الامور المالية في الشركة و أنا عارفاه من سنين و عمري م توقعت يطلع خطيب أختي الصراحه 
جلال أهلا بيك ي أبني فرح كانت حكتلي عنك قبل كدا 
ياسر أهلا بحضرتك ي عمي 
جلال طيب تعالوا بقي نقعد علي م عايدة تحضر الغدا 
فارس شكرا ي عمي بس أنا مضطر أمشي عشان عندي حاجه مهمه لازم أعملها 
جلال اتغدي الأول 
فارس مش هقدر والله مره تانيه سلام عليكم 
جلال و عليكم السلام 
قعدوا مع بعض لأول مرة ك عيلة من غير أي مشاكل و جلال كان قاعد وغرام جمبه و ضاممها ب أيده و هي سانده علي كتفه  
وفرح بتساعد عايدة في الغدا قاسم
دخل لفرح عشان يتكلم معاها بس لقاها مشغولة مع عايدة 
حطوا السفرة و وقعدوا يتغدوا سوا و بعدين بدا حديث بينهم وهما بيشربوا الشاي 
غرام ياااه كان وحاشني أكلك اوووي ي عمتو بس اللي واحشني أكله أكتر هو أكل بابا 
جلال احنا مع بعض أهوه هطبخلك لحد م تبقي 100 كيلو 
غرام لا ي بابا مينفعش فستان الفرح مش هيدخل فيا 
جلال صحيح النهاردة كان كتب الكتاب 
غرام الظاهر كدا ربنا مش هيحرمني من فرحه ان ابويا هو اللي يمد إيده في ايد عريسي و يسلمني ليه 
جلال الحمد لله اني هشوف اليوم دا بس اللي هو امتي بقي 
ياسر حضرتك بقي ي عمي اللي تحدد ي اما نعمل كتب كتاب او نستني للفرح 
جلال قاسم و فرح كتبكوا كتابهم في يوم الفرح يبقي انتوا زيهم هو الفرح امتي!
ياسر بعد شهرين 
جلال بس أنتوا هتتجوزوا هنا ولا في البلد!
ياسر أنا ليا شقة هنا و شقة في البلد و المكان اللي يعجب غرام هنقعد فيه انا بروح البلد كل اسبوع 
جلال خليها هنا عشان تكون جمبي زي اختها و لما تروح البلد تاخدها معاك 
ياسر اللي حضرتك تشوفه 
جلال امم شهرين بس كدا مش هلحق اشبع منك 
فرح أحم احم 
قاسم فرح ھتموت م الغيرة 
فرح لا لا ابدا خالص الحجوج نسيني بس اول م شافها 
جلال بضحك ولا أقدر أنساكي 
ياسر أنا هستأذن انا بقي ي جماعه عشان بردو اكلم أهلي و أقولهم علي التفاصيل 
جلال طيب ي أبني لو ينفع تنورني انت و أهلك يوم الجمعه نتغدا سوا و نتعرف 
ياسر إن شاء الله 
ياسر مشي و أتبقي قاسم و فرح اللي كانت مندمجه في قعدتها وناسيه قاسم علي الأخر 
قاسم طب يلا بقي ي فرح ولا اي!
فرح أنا أنا هقعد مع بابا و غرام يومين تلاته كدا بعد اذنك يعني 
قاسم طب م تيجي الصبح تقعدي معاهم زي م انتي عاوزة و ابقي اعدي عليكي و انا جاي من الشركة 
فرح بقلق أنا حابه أقعد هنا ي قاسم 
جلال م تروحي مع جوزك ي بنتي و تيجي من بكرا 
قاسم بضيق لا خلاص ي عمي خليها براحتها ممكن بس اتكلم معاكي لحظه 
فرح و قفت و خرجت و قاسم سحب إيديها لحد اوضتها 
قاسم فرح انتي مش عاوزة ترجعي البيت
فرح عاوزة أفضل مع أختي و بابا شوية 
قاسم لا ي فرح أنتي مش عاوزة ترجعي معايا!
فرح قولتلك أنا عاوزة وقت ي قاسم 
قاسم م والدك و أختك و كل الدنيا تمام اهي!
فرح أولا أنا مقولتش لبابا انك كنت عارف حاجه ولا انا قولتله انك أتجوزتني شفقه 
قاسم شفقه!!
ويتبع  
بقلمي آية محمد عامر 
حكاية فرح
إبن صاحب الشركه 
كفاية عشان البارت طويل هسيبلكوا الخڼاقه للبارت الجاي Patt 19
فرح أولا أنا مقولتش لبابا انك كنت عارف حاجه ولا انا قولتله انك أتجوزتني شفقه 
قاسم شفقه!! تمام ي فرح طالما أنتي شايفه كدا ولا شايفه حب ولا شايفه اني اعتذرت مليون مره ولا شايفه أنا واقف بتكلم معاكي بهدوء خليكي هنا 
قاسم ساب فرح و مشي راح عند أخواته أول م وصل لقي فارس قاعد لوحده في أوضته و ساكت 
قاسم قاعد لوحدك ليه م تيجي نقعد م اخوك برا 
فارس أنا مرتاح كدا بقولك أنا لازم أدور علي شغل 
قاسم ب إبتسامه تدور علي شغل و شركه أخوك موجوده  
بص أنا كدا كدا ماسك شركة أبوك و مش هعرف اسيبها ف أمسك أنت شركتي 
فارس من بكرا 
قاسم من النهاردة لو عاوز هبقي اشرحلك الدنيا ماشية ازاي 
فارس تمام ها حددتوا معاد الفرح 
قاسم بحزن اه بعد شهرين ربنا هيعوضك بغيرها ي فارس 
فارس ان شاء الله كمان حاجه 
قاسم حاجه اي!
فارس انا عاوز أنا اللي أبقي مسئول علي مصاريف خالد كفاية عليك كدا و بعدين متنساش أنا الكبير 
قاسم طيب اسمع خالد هينقل هنا في كلية خاصه أنا هدفع المصاريف بتاعتها و أنت أتكفل بمصاريفه الشخصية 
فارس لا سيبني أكون مرتاح انا اللي هصرف انت ليك بيتك بردو 
قاسم اللي تشوفه فك بقي شوية ي عم فارس دا أنت كنت دنجوان يعني 
فارس فاكر أيام الجامعه 
قاسم إلا فاكر فاكر انت البنت اللي ضربتك بالقلم لما عاكستها 
فارس ي جدع أفتكر حاجه عدله 
قاسم عاوزين ننجح في شغلنا ي فارس عاوزين يبقي لينا أسم كبير أسم يتسمع في كل مكان و يبقي ليه رهبه أنا بفكر أفتح فرع جديد للشركة 
فارس افتح و أنا معاك في اي حاجه و هنقف واقفه حلوة للشغل بجد 
قاسم بإذن الله يلا بقي نخرج من اوضتك الكئيبة دي 
فارس لحظه بس أبوك أتقبض عليه!
قاسم اه من شوية أحنا مش هنروحله أنا هبعتله محامي وخلاص و اصلا كدا كدا هو معترف علي نفسه في التسجيلات 
فارس هنحس بالذنب بعد كدا
قاسم مش عارف بس دا الصح ده حق ناس كتير أوي ابوك ظلمهم  
قاسم مين دا اللي صغير لعلمك خالد دا عاقل عني وعنك ودماغه كبيره 
علي جهه أخري 
هالة بكام الجبنه دي! طب أوزنلي نص رومي و نص اسطنبولي 
أمل بكام ي
بنتي الجبنه الرومي!
هالة النص ب 40 ي طنط 
أمل طب أوزنلي نص معاك ي أبني 
هالة ي رب بس تكون حلوة عشان في انواع كدا مبيكونش ليها طعم 
أمل لا حلوة دا أنا مجرباها قبل كدا 
ليلي ماما أنتي جيتي هنا امتي مش كنتي لسه معايا عند الخضار 
أمل شوفت الجبنه قولت أشتري 
هالة بصت للبنت وحست أنها شافتها قبل كدا و بدأت تفتكر لحد م عرفتها انها نفس البنت اللي كانت مع زياد في الفرح 
ليلي طيب ي ماما انا همشي أنا عشان معاد الدرس و هبعتلك زوزا من برا 
ليلي طيب ي بنتي وانا هشتري شوية حاجات 
العامل الجبنه ي أنسه 
هالة تمام شكرا بعد اذنك 
أمل عاوزة أجيب صلصه بس مش لقياها خالص 
هالة أنا رايحه قسم المعلبات ي طنط تعالي معايا 
هالة مشيت و معاها أمل و طبعا مسلمتش من رغب هالة اللي مش في محله 
زياد ي ماما انتي بتعملي اي كل دا 
أمل ألتفتت وراها و كذلك هالة اللي أول م شافت زياد أتصدمت و أتوترت 
زياد انا أعرفك صح!
هالة لا أنا بس صاحبه فرح زوجه مستر قاسم 
زياد أيوا شوفتك في الفرح 
أمل عقبال فرحك 
زياد قدام الناس كدا قدام الناس يلا ي حبيبتي يلا عندي شغل مهم ولازم أرجع القسم 
أمل ماشي حاضر يلا سلام ي حبيبتي 
هالة سلام ي طنط 
هالة في نفسها يعني البت الملزقه اللي معاه طلعت أخته!! لا بس شكلها كيوت والله 
زياد خرج و حط حاجات التسوق في العربية من ورا و ركبت والدته جمبه 
زياد ها اي رأيك فيها!
أمل حلوة ي ولا و ډمها خفيف و بتحب الكلام زيي 
زياد أهم حاجه انها بنت كويسه ي ماما انا هكلم والدها و أخد منه معاد 
أمل ماشي ي حبيبي ربنا يتمملك علي خير ي رب 
علي جهه أخري 
فرح كانت قاعدة مع غرام في أوضتها 
غرام أحكيلي بقي اتعرفتي علي قاسم فين!
فرح أكيد في الشركة 
غرام و بتحبيه بقي علي كدا!
فرح بحبه أوي 
غرام طب أحكيلي بقي حكايتكم 
فرح حكاية اي والله مفيش حكاية هو أتقدملي عادي مكانش في بينا حاجه و اتخطبنا فترة قصيرة اوي تقريبا شهرين و متجوزين بقالنا شهرين كويسين مع بعض و هو عمره ما زعلني في حاجه مهتم بيا و بس يعني حياتنا حلوة 
غرام طيب ممكن أعرف انتي فعلا