قيود العشق

فيا بالشكل ده اسامة كان بيمد ليا المساعدة وانا هحارب عشان اثبت اني بريئة كلام أسامة حفزني فقولت
اسامة أنا عايزة اثبت براءتي ليهم عايز اثبت اني مش خاطية ولا رخيصة اعمل ايه 
ابتسم أسامة بحنان وقال 
تيجي النهاردة ترتاحي وبكرة نروح لدكتور ونعمل تحليل مرة وتأمين وتلاتة مش ههدي الا لما نثبت براءتك..
ابتسمت بحزن وانا بقوم معاه وداني بيته اللي عايش فيه لوحده واتطمن عليا بعدين مشي عشان اخد راحتي نمت علي السرير وانا تعبانة وكنت بتمني أن اللي حصل ده كله يكون حلم
انت جاي في ليلة دخلتك تقول كده
قالتها رحمة وهي بتمثل أنها حزينة 
حط نزار وشه في الأرض وقال
انا اسف اسف كنت معمي بحب واحدة متستاهلش رحمة أنا بجد عايزة ابدا معاكي من جديد
اديني فرصة افكر يا نزار
تاني يوم .
جه أسامة ليا كنت صحيت وجهزت نفسي وانا خائڤة كنت حابة اثبت براءتي بأي شكل دعيت ربنا انه يقف معايا قعد اسامة معايا. قال
بصي يا روفيدة لازم تهدي شوية ومتتوتريش هنروح لدكتورة مضمونة هتكشف عليكي كشف كلي مش عايزك لا تخافي ولا تتوتري انا حاسس ان براءتك هتظهر النهاردة
بصيت لأسامة بإمتنان ودموعي بتنزل قد ايه هو شخص محترم وطيب وبيحبني وبيخاف عليا هو كان عايز يتجوزني بس انا رفضته عشان خاطر نزار ولما رفضته مفكرش يضغط عليا بالعكس بعد وهو اللي اقنع بابا وخلاه يوافق علي نزار وسبحان الله اهو هو كمان الوحيد اللي وقف معايا 
كنت في العيادة بتاعة الدكتورة وانا مړعوپة .. عقلي حاطط سيناريوهات كتير للي هتقوله رغم اني واثقة اني بريئة بس خاېفة خاېفة اوووي الدكتورة قربت مني وابتسمت طمنتني خالص وبدأت تكشف عليا 
اخيرا خلصت وقومت قعدت جمب أسامةكنت مستنياها تتكلم بصتلي وقالت
يا بنتي مين الغبي اللي قالك كده!!!
ايه 
قولتها پصدمة فقالت
يا بنتي بقولك انتي مش حامل
ازاي دكتور يغلط غلط زي كده يا اسامة ده ضيعني يا اسامة 
بصلي أسامة وقال
لا يا روفيدة ..ده مش غلط ده كان قاصد يشوه صورتك حد قاصد يبوظ حياتك 
بصيت لأسامة وانا ببكي وقولت 
بس مين مين يا اسامة يجيله قلب يبوظ جوازي وحياتي مين بيكرهني بالشكل ده يا تري أنا مش فاهمة 
انا شاكك في حد ..
مين !!
قولتها بسرعة 
بصلي أسامة بتوتر وقال
يفضل مقولش وزي ما قولتلك شاكك مش متاكد مين اللي عمل كده 
فجأة خطړ علي بالي حد حد ليه مصلحة في كده واظن أن أسامة كمان بيتكلم عن نفس الحد ده بصتله وقولت
والحد ده يبقي حماتي صح 
معرفش يا روفيدة ..أنا مش حابب اظلمها بس انا فاكر إن كان فيه مشاكل بينكم 
بصيت لأسامة بتفكير افتكرت كل اللي حماتي عملته معايا دي كانت عايزة تبوظ الجواز بأي شكل من الأشكال عملت معايا خناقات كتير كانت پتكرهني من غير سبب لحد ما في يوم عرفت من نزار أنها كانت عايزة تجوزه رحمة بنت اخوها عشان كده مكانتش طايقاني. حاولت كتير اقرب منها وتخليها تحبني حاولت تخليها تغير وجهة نظرها عني بس فشلت كانت مش طايقاني وقالتها في وشي انها مش راضية عن نزار لانه هيتجوزني بدات اتاكد أنها اللي عملت كده هي الوحيدة اللي هتستفاد أنها تدمر حياتي بالشكل ده 
لسه همشي أسامة مسك أيدي وقال 
استني رايحة فين !
رايحة ارمي الملف اللي هيثبت براءتي في وش نزار واقوله علي اللي عملته أمه هوريه الوش الحقيقي