اسكريبت جميل بقلم سولييه نصار

سكريبت بقلم سولييه نصار
أمير !!!
قولتها پصدمة وانا شايفة امير خطيبي في المول وهو ماسك ايدين طفل وجمبه واحدة وشغالين يتكلموا مع بعض ويضحكوا ...قلبي دق بعن ف وانا بحاول افهم اللي بيحصل ...
ريناد مش ده امير ...صح امير ومعاه واحدة ...
بصت ريناد پصدمة ...
ايه اللي بيحصل !
قولتها ودموعي كانت بتنزل ...كنت حاسة ان فيه حاجة غلط ...

انا هوريه ابن ال...
قالتها ريناد وكانت ناوية تروحله بس مسكت ايديها وبعدت وطلعت بسرعة برا المول...
ايه اللي بتعمليه ده يا نورهان انتي عبيطة !!!!كنتي سيبتبني اهزقه واسأله دي مين اللي ماشي معاها ومين الطفل اللي معاهم ده ...أكيد ده متجوز ...
هزيت راسي وقولت بصوت بيترعش _
لا لا مستحيل أمير مش كده ..ومش معقول يكون بيخو ني ...أكيد دي قريبته ..أكيد فيه تفسير بس امير مستحيل يخو نني مستحيل ..
هزت ريناد راسها بعصبية وقالت_
ايه الغبا ء ده يا بنتي ...ده أكيد متجوزها وده ابنهم وانا هثبتلك كمان ...احنا نمشي وراهم ونشوف ايه رايك !
مكنتش عايزة اواجه الحقيقة ...كنت عايزة افضل في الكد بة الجميلة اللي انا عايشاها ...عايزة أفضل مصدقة ان امير بيحبني ومستحيل يخد عني بس كان لازم تواجهه ...
استنينا برا المول لحد ما خرج هو والست دي ومعاهم الطفل بعدين فتح الباب للست الجميلة اللي معاه وهو بيبتسم ليها...كنت شايفة ابتسامته من بعيد ...دي الابتسامة اللي كان دايما بيبتسمها ليا ...حسيت قلبي بيتع صر من الأ لم ...أول ما اتحرك ريناد شدتني لعربيتها الصغيرة وبإحتراف مشيت وراه من غير ما يأخد باله حتي ...
.. 
بعد تلت ساعة وصل لعمارة راقية ونزل وشال الطفل الصغير ومسك ايديها وطلعوا العمارة ...استنت ريناد عشر دقايق بعدين سحبتني وطلعت وراحت ناحية البواب وهي بتبتسم وبتقول_
بقولك يا عم ..
ساب البواب كوباية الشاي وقال_
اتفضلي يا بنتي ...
هو فيه حد في العمارة دي اسمه امير حسين !
ايوة يا هانم استاذ امير حسين في الدور التالت ساكن مع مراته لانا هانم وابنهم مراد ...
قلبي وقع في رجلي لما سمعت كده حسيت بڼار جوايا ...دورت وشي وفضلت ابكي من غير صوت ...
ريناد بصتلي وعينيها مدمعة وبعدين بصت للبواب وقالت_
هو استاذ امير متجوز !
ايوة يا ست هانم متجوز من سبع سنين ...بتسألي ليه يا هانم ...
قالت ريناد بصوت بيترعش_
اصلي انا ابقي زميلته في الشغل وكنت حابة اشوفه في موضوع مهم ..عموما هبقي اتصل بيه واجي بعدين لازم امشي دلوقتي عشان انا مستعجلة ...سلام 
وبعدين مشينا ...
طول الطريق وانا ببكي بعن ف وريناد بتحاول تهديني بس فش لت ...مكنتش مصدقة ان امير يعمل فيا كده ...وفجأة بدأت أدرك غبا ئي ...افهم أنا ازاي كنت غب ية ووثقت فيه!!
عمره ما عرفني بحد من عيلته ولما سألت عن أهله فين قال إنهم ما توا وأنه وحيد...ومن شدة حبي ليه وافقت علطول ومديتش لأمي فرصة يسأل عليه ...كان بيختفي بالايام وبيقفل موبايله ... ...رافض اني انزل صورنا علي الفيس وكتير بيرفض نطلع سوا اماكن مشهورة ...كل الحاجات دي خلتني افهم اني كنت غب ية ووثقت فيه !!!
.....
روحت البيت ودخلت اوضتي علطول وسط ذهول اهلي واللي حاولوا يعرفوا مالي بس انا مرضتش اتكلم ...
.......
تاني يوم ...
كنت قاعدة في اوضتي برسم لما ماما خبطت عليا وقالت_
نورهان حبيبتي خطيبك جه يالا عشان تشوفيه مستنيكي في الصالون !
هزيت راسي وقومت ودخلت الحمام اللي في اوضتي واخدت شاور سريع بعدين خرجت بنطالون اسود وبلوزة