مراتك
مراتك
مسوؤليات كتير ...
ابتسمت بهدوء وقولت
وانا يا حبيبي اللي بعمل الاكل وبغسل مواعين وهدوم وبرتب البيت وبطبق الهدوم ومحدش بيساعدني ولا طلبت اصلا ..ده حتي لما كان عندي كورونا محدش حتي فكر يجي يعرض يساعدني من اخواتك البنات أنا لبست كمامة وجوانتي وكنت بشتغل في البيت عشان يبقي نضيف واعقمه !مفيش الا الاكل اللي كنا بنطلبه من برا ...بس رغم كده بعد ما خفيت نزلت وساعدت لما اختك الكبيرة اتخطبت صح ولا غلط ...
قام لؤي وقال بضيق
خلاص يا ريتاج مش هنعيد في اللي فات ...هي كلمة مش هقولها تاني ...انزلي اغسلي المواعين والا ...
والا ايه يا لؤي ..
والا تلمي هدومك وتروحي لبيت اهلك !!!!
الجزء التانيشكرا علي تفاعلكم السكربقلم سولييه نصار
حاضر همشي من البيت ...
قولتها بهدوء ...اټصدم وقال
ايه !بتقولي ايه !
هزيت كتفي وقولت
بقول همشي من البيت يا لؤي ...أنا مش هتنازل عشان عارفة أن دي هتكون البداية ورغم أن كان فيه اتفاق رجالة بينك وبين
وفيها ايه يعني لما تنزلي تساعدي يا ريتاج...اعتبريها امك!!!
امي مكانتش ابدا هتسيبني وانا عندي كورونا اشتغل ومتسألش عليا ...
شوف أنا مش بلوم والدتك ...أنا عمري ما طلبت حاجة منها ولا هطلب أنا حتي لو كنت بمو ت هعمل حاجة بيتي بنفسي ...لأن ده بيتي ...اللي بيعبر عني ولازم اخليه نضيف ...بس كمان متجبرنيش علي حاجة مش عايزها خصوصا أن شرطي كان واضح من الاول لو هسكن في بيت عيلة مش هشتغل واكتفي ببيتي ...
سكت هو خالص ...مكانش عارف يتكلم لأن أنا اللي كان عندي حق وقتها شروطي كانت واضحة من البداية واديتله وعد اني عمري ما هقصر في شغل البيت وده اللي بحاول اعمله لحد النهاردة رغم أن بتيجي عليا ايام وبكون تعبا نة اوووي فيها بس رغم كده بعافر وبحاول مقصرش ....
انتي بتعملي ايه !
سالني لؤي بتوتر فقولت
هتصل ببابا يجي يأخدني ...
ولسه فعلا هتصل مسك التليفون وقالي بحزن
انا اسف. يا ريتاج ...أنا عارف انك مش مقصرة وانك تعبانة ...بس احيانا امي ..
سكت شوية وكمل بعد ما اتنهد
دي امي يا ريتاج مقدرش اقف قصادها
