روايات واسكريبتات مميزة

كنت قاعد في بلكونه شقتي الجديده اللي لسه منتقل ليها
وبسمع عبدالحليم وبشرب قهوتي وبقرأ روايه في سلام نفسي
بيسبيس
فضلت اتلفت يمين وشمال زي المتخلف اشوف البنت دي بتبسبس لمين
ايوه انت هو في حد غيرنا
انتي بتكلمي ابن اختك ايه بيسبيس دي
يعم متدوقش
يعم
يوووه شكلك خنيق وهتخنقني معاك
متبقاش قفوش كده ياكابتن 
اناقفوش!!
خلاص انااللي قفوشه المهم ممكن بس اخد الروايه اللي معاك دي اقرأها اصلي كنت بكسل اجيبها وعاجباني اوي
ماشاء الله عينك جابت الروايه وكمان من اولها كده داخله علي طمع
الله اكبر خمسه وخميسه خلاص خليهالك
خلاص يستي متزعليش اناكنت بهزر امسكي الروايه اهي انااصلا خلصتها حالا 

هقرأها وابقي اناقشك فيها 
استني صح انامعرفتش اسمك
اكيد اسمي قمر زيي 
اسمي ساره
لا ومغروره ماشاء الله
المهم يستي انا اسمي ادم 
واه علي فكره اسمك قمر انتي مبتكذبيش وانتي قمرين
ايه دا انت هتعاكسني عيني عينك كده 
بس اسمك طلع قمر انت كمان
ايه دا انتي هتعاكسيني عيني عينك كده
ضحكنا واخدت الروايه مني ودخلت وخدت قلبي كمان مش الروايه بس
بنت جميله اوي وبسيطه مش مصطنعه لا ودمهاخفيف بنت الايه 
سرحت فيها شويه وضحكت واناسرحان فيها انا انطوائي جدا وببقي واخد وش جبس مع كل الناس بس لا انامعاها ضحكت ومن قلبي
عملت ايه يربي في دنيتي عشان اقع علي بوزي من اول مره اشوفها فيها بالشكل ده
يومي عدي مفيهوش اي جديد بس اللي جد اني مكنتش بدخل من البلكونه من ساعه ماروحت عشان مضيعش عليافرصه اني اشوفها لوخرجت للبلكونه في اي وقت
معرفش ليه كنت مستنيها كنت عامل زي العيل المراهق ولاالطفل اللي مستني مامته 
وعمال ادعي انها تخلص الروايه عشان نتشارك الاراء فيها ودي عكس شخصيتي اني ادخل في نقاش مع حد او اجادل حد
كنت كل شويه ابص عند البلكونه زي المتخلف اناشخصيا ضحكت علي منظري 
خرجت وكنت بحاول اعمل نفسي تقلان وفضلت الف في البلكونه زي المتخلف ومعرفش ايه التقل في كده
شافتني وضحكت علي منظري بصوت عالي ووالله كل مابتضحك بحس ان روحي بتتسحب لعالم تاني
انت بتعمل ايه وعمال تلف كده ليه
كنت مستنيني طبعا صح
لا طبعااا
انا كنت انا 
اه كنت يستي بلعب
رياضه
رياضه!!!
رياضه ايه يبني انت روشتني اسمها ايه الرياضه دي بقي
ها
كنت حاسس ان منظري فانله قدامها
مش هتقول بقي انك كنت مستنيني وكده
كنت عاوز اعرف بس الروايه عجبتك ولالا
لا كانت حلوه جدا وعلي فكره خلصتها
كانت بتقول رايها في الروايه وانا مكنتش سامع ولاكلمه كنت سرحان في عيونها وشعرها البني اللي سرق قلبي وسرحان في طريقه كلامها وصوتها الرقيق وحركات ايدها التلقائيه اللي كانت بتتحرك مع كلامها وضحكتها وبتحرك قلبي
تقريبا سمعت صوت دقات قلبي اللي مصممه ټفضحني
مهومش معقول هيبقي حب من اول روايه كده
هيي روحت فين بكلمك
ها 
معاكي معاكي كملي
معاكي ايه بقي شكلك عاوز تنام اصلا وعمال تقول ايه البنت الرغايه دي
انام وهوفي حد يشوفك