انيسى

طلقني
روحي ياشاطره إلعبي بعيد يلا
حازم انا مش بهزر بقولك طلقني
حازم ليه
طلقني وخلاص
حازم پغضب وانا طلاق مش هطلق من غير مااعرف أسبابك ياهانم
وانا بقولك طلقنيييي انا تعبت خلاص مبقتش قادره استحمل كل يوم تخرج ولا كأنك متجوز عايش حياتك بالطول والعرض ومش بتهتم بيا ولا حتى تعرف عني حاجه بقالنا 5شهور متجوزين وكل يوم اقول أكيد هيحس بيا ويتغير لكن لا..... أنا خلاص تعبت

حازم انا قولتلك ايه قبل مانتجوز ياساره 
ساره پقهر قولتلي ان دا مجرد جواز صالونات وانك عارف اني بحبك من زمان وبرفض كل عريس يتقدملي وانت هتديني فرصه يمكن تقدر تحبني بعد الجواز ونكمل
حازم ونسيتي اني عملت كدا علشان خالتي
ساره بحزن انا عارفه انك عملت كل ده عشان ماما بس لكن انا مش هقدر اكمل مع واحد مش بيحبني وشايفني أقل من عاديه في حياته
حازم انا مش هقدر أطلق ياساره سمعتك بين أهلك والناس هتسوء..... استني سنه علي الأقل
ساره بضحك ياراجل يعني خاېف علي سمعتي ومش خاېف علي قلبي اللي كسرته بكل سهوله
حازم انا اعمل ايه ياساره مش قادر احبك انتي مش فتاة أحلامي و
ساره مقاطعة ومش جامده ومش بلبس علي الموضه وطول الوقت لابسه الخمار ومش بعرف ألبس كعب عالي ومن الطبقه الوسطى ومش بعرف أدلع شبه البنات ولا صوتي رقيق وشبه واحد صاحبك في تصرفاتي هو دا كل اللي بسمعه منك واللي شايفه فيا للأسف أنت بتحب المظاهر والكلام الفارغ
حازم أنا أسف
ساره بدموع مش بالشكل ياأستاذ ولا بالفلوس
حازم انتي مش شبهي ياساره واحنا الاتنين مستحيل نكمل مع بعض بالشكل دا
ساره بقوه ربنا يسعدك ياحازم ورقه الطلاق تكون عندي بكره
دخلت اوضتي اللي بنام فيها لوحدي كل يوم واخدت كل هدومي وخرجت لاقيته قاعد وحاطط ايده علي وشه 
حازم الدنيا ليل اقعدي وبكرا الصبح انزلي
ساره هه مابلاش تعمل انك خاېف عليا اوي كدا
حازم ببرود انا خاېف علي سمعتي مش أكتر