نغمه
نغمه
ده وازاي يكلمني كده !!!!!
في اليوم التالي
نزلت ورحت شغلي كالعاده وكان يوم مرهق جدا طبعا عشان زي ما قلت قبل كده ملكيه الفندق بتتنقل لمالك تاني لقيت المالك الجديد الي منعرفش عنه حاجه لغايه دلوقتي عمل قرار غريب أوي ان كل البنات المسلمه الي بتشتغل فالفندق هيكون اليونيفوم بتاعها بحجاب
طبعا كل الناس استغربت من الحكايه دي اصلا ده كان من شروط الشغل اني مكنش محجبه وكمان اليونيفوم كان جيب قصير ولقيت الموفوض عنه بالكلام بيبلغ الجميع ان الي مش هيلتزم بالقرار ده يستقيل
الام تصدقي انه راجل محترم وشكله ابن ناس وبيخاف ربنا
نغم بس غريبه انه بيفرض علينا موضوع الحجاب ده انا عمري ما شوفت كده
الام بصي يا نغم انتي من زمان كان نفسك تتحجبي على الأقل تداري نفسك من عيون الي يسوى والي ميسواش وكان شغلك هو العقبه الوحيده واهو ربنا حلها من عنده من بكره تغيري لبسك كله وتتحجبي
الام واهي جت من عند ربنا بصي احنا نتغدا وننزل نشتري لبس جديد وطرح عشان من بكره هتلبسي الحجاب
نزلنا باليل انا وماما واشترينا حاجاتنا ورجعت هلكانه يادوب غيرت هدومي ونمت لقيت تليفوني بيرن
رديت
الو
كنتي فين
انت عاوز مين
كنتي فين يا نغم انا شوفتك وانتي راجعه متأخر
وانت مالك انت مين أصلا
بصي يا نغم تقدري تقولي انا زي خيلاك انا شايفك قدامي 24 ساعه تقريبا
انت عبيط ولا حد في عيلتكم اهبل ولما انت شايفني 24 ساعه مشوفتنيش ليه وانا برا
طيب يا شاطر روح ألعب بعيد انا عاوزه انام
نغم!!
ششششش اقفل ومتتصلش بالرقم ده تاني
قفلت السكه من غير ما يرد عليه وسألت نفسي مين الغلس ده عملت بلوك للرقم الي اتصل منه وقررت اني انام المهم انا مش بحب افكر كتير انا اهم حاجه عندي النوم
في اليوم التالي
وقفت تاكسي وركبت ورا السواق وقولتله عالعنوان فضلت سرحانه فالشارع وانا ماشيه بس اتفاجأت بالسواق بيقولي
بصيتله فالمرايه واتفاجأت بيه هو هو نفس الشاب بتاع الكروباص تنحت
شويه وبعدين قولتله
هو انت عامل زي الفرقع لوز ناتطلي في كل حاجه
ههههههههههههه تقدري تقولي حاجه زي كده
انت بتشغل عالتاكسي ده
يعني حاجه زي كده عموما خدي رقمي واتصلي بيه في اي وقت لو احتاجتي مشوار ومش هاخد منك فلوس
لا شكرا ربنا يخليلنا النقل العام
مد ايده بورقه مكتوب فيها الرقم
اسمعي الكلام مش لازم تركبي ميكروباصات تاني
وانت مالك يلا انا وصلت نزلني هنا
وقف بالعربيه طلعت الفلوس عشان احاسبه مارضيش جيت افتح الباب مفتحش قلتله
افتح الباب
لما تاخدي الورقه الاول
اووووف ماشي
اخدت منه الورقه عشان اخلص وبردو مرديش ياخد الفلوس نزلت من العربية بعد ما فتحها واخدت الورقه وحطيتها في شنطتي عشان اريح دماغي وسبته ودخلت على شغلي
كان في اجتماع طارئ لكل العاملين بالفندق مع المالك الجديد جريت بسرعه على مكان الاجتماع وحمدت ربنا انه كان لسه
مجاش دخلت واعدت عالكرسي بتاعي
وبعد شويه المالك الجديد
جه وكانت
