روايه روعه

بتقول لأخوها بفرحة أنا حامل أفتكرت جملة رؤية مش عايزة ټنتقمي منه أو يعني عايزة ربنا يخلصلك حقه منه!!! . 
حطيت إيدي على شفايفي واستغفرت دموعي كانت نازلة لأول مرة حقي يرجع ومكنش فرحانة برجوعه تخيلتها لما تسمع خبر ۏفاة إبنها اللي ممكن يكون لسه متكونش أصلا عيطت أكتر البنت ملهاش ذنب...البنت ملهاش ذنب جملة رددتها طول ما أنا ماشية.
في الظروف اللي زي دي أحب أروح مكاني المفضل بس اتفاجئت لما روحت لقيت ليا شريك هناك ...عمر.
_ لو سمحت دا مكاني.
رفع رأسه وبصلي بعيون حمرا زي الطفل التايه هيحصل حاجة لو طبطبت على طفل ٢٧سنة
قعدت جمبه بكل هدوء فضلنا ٥ دقايق بدون كلام مكنش غير صوت الهواء هو اللي كان محرم بينا.
_ حقك أتاخد يا دنيا.
قالهالي بنبرة ضعيفة مهزومة حسيت بالذنب نبرته حسستني إن أنا السبب في اللي حصل لأخته بصيتله وقولت بحزن والله ما كنت عايزاه كده مكنتش عايزاه أصلا...أنا كنت بسعى إني أبقى بخير يا عمر مش إني أخد حقي والله ما كنت أتمنى كده.
حرك رأسه كتير ومردش بص للبحر بنفس النظرة التايهه حتى الكلام كان تقيل على لسانه جوايا حربين..حرب بتقولي قومي سبيه أنت مالك أصلا!! والتانيه بتقولي أنت أكتر واحدة عارفة إن الإنسان لما يكون ضعيف يبقى في أمس الحاجة لشريك.
_ تعرف في الظروف اللي زي دي أحب أعمل إيه 
بصلي بدون رد وسألني بعيونه إيه 
ابتسم وقال بهدوء وتقل بس دا دوري. 
بصيتله وقولت خليها علينا المرادي.
بص لإيدي ورجع بصلي تاني بنظرة غريق محتاج اللي يطمنه ويسحبه لبر الأمان.
حبيت أقوم بالدور دا وقولتله هتبقى كويسة يا عمر دا اختبار من ربنا محتاج شوية رضا مع شوية صبر وهيعدي بإذن الله ربنا يطمنكوا عليها يارب.
ابتسم وأخد مني المنديل بدون رد عذرته على عدم رده الإنسان في الظروف اللي زي دي التنهدية بالنسباله مجهدة ما بالك بالكلام!
رفع رأسه للسما وصړخ بصوت عالي اااااااااه. 
بصيتله بأسى وأنا مش عارفة أعمل إيه عارف لما تبقى من كله أهو دا إحساسه دلوقتي ربنا يعينك
يا عمر.
حاولت أهديه لو سمحت إهدى هتتحل أنا معاك بس بهدوء هنفكر ونلاقي حل العصبية عمرها ما كانت حل صدقني.
قام وقالي يلا. 
_ يلا فين 
هو زمانه جاي على الشركة هقوله دا اللي عندي واللي عنده يعمله.
قومت وقفت قدامه لا طبعا مش هينفع كده أنت عارف دا مين عمر متخليش غضبك يسيطر عليك.
جاوبني بعصبية وصوت عالي على نفسه يا دنيا مش عليا أنا اللي فيا مكفيني معنديش طاقة ولا خلق للراجل دا أشترانا بفلوسه!! فلوسه ياخدها ع الجزمة.
وإيه الصح
سألني بصيغة واحد محتاج اللي يدله إبتسمت وقولتله الصح إنك تهدى وتشوف العيب فين بالظبط وتحله هنروح الشركة دلوقتي ونفهم منه المشكلة ونقعد نحلها...شوفت بسيط إزاي
ملامح وشه بقت أهدى وبدأ يستوعب صح.
تمام يلا. 
_ يلا فين 
هوصلك معايا كده كده طريقنا واحد. 
_ معاك فين 
لا بصي بقا أنا...
كملت عنه وقولت طاقتي خلصت ومعنديش خلق. 
قالي بإبتسامة ما أنت حافظة أهو!
بتقولها أكتر ما بتتنفس. 
اترددت وخدت وهله على ما أفكر بس رجعت وقولت هيعملي إيه يعني هياكلني!!!! صوت جوايا أنكر لا محترم ميعملش الحاجات دي
وصلنا الشركة وقابلنا العميل وطلع مفيش مشكلة كبيرة الفكرة كلها إن الحمولة كبيرة ف تم تقسيمها على ٢ مش أكتر.
العميل سلم على عمر وقاله جملة بلغته عمر بصلي عشان أوضحله.
بيقولك كده الشراكة بينا هتمشي زي السکينة في الحلاوة. 
_ مقالش لوز اللوز 
ضحكت وحركت رأسي ب لأ
العميل مشي و عمر أستأذن عشان يمشي يشوف أخته وقال لكل اللي في الشركة اعتبروا النهاردة أجازة بس أنا مكنتش عايزة الأجازة...أنا كنت عايزة أطمن على لارا أو أخو لارا لسه مش متأكدة. 
بصتلي وقالت بهمس ضعيف أنا كويسة يا عمر. 
قولتلها بقلق دايما يقلب عمر...دايما كويسة يارب.
قومت لقيت أمي ومراد واقفين وعيونهم فيها راحة مدتش مراد أي أهتمام وسألت أمي الدكتور قال إيه
جاوبتني برضا الحمد لله قال إنها هتفضل هنا يومين تلاته لحد الحالة ما تستقر ويكتبلها خروج.
إبتسمت وحمدت ربنا وأنا ببص لأختي الحمد لله حمد الله على السلامة يحبيبتي. 
نزلت عند راسها بوستها وهمست في ودنها ربنا هيعوضك خير يا لارا محدش عارف الطفل دا كان ممكن يسببلك إيه. 
حسيت بدموعها نازلة على كف إيدي رفعت إيدي ومسحتها وأنا بقول بقلب مفطور عليها والله هيعوضك يا لارا الحمد لله إنك معانا قومي أنت بس يستي وهاتيلنا عيال يبقوا زنانين وزي القمر زيك كده.
قالتلي بدموع أنا زنانة يا عمر 
أجمل وأرق زنانة في الدنيا كلها. 
ضحكت ضحكة خفيفة ومسحت دموعها بس أنا دموعي عليها حابسها جوايا ومش عايزة تجف.
خرجت من الأوضة وضغط على عيوني لعل وعسى تفضل مكانها ومتبينش ضعفي.
_ عمر والله أنا مليش ذنب.
بصيت ورايا لقيت مراد بيقولهالي بتبرير رديت عليه بقلة حيلة والله ما أنا عارف ذنب مين فينا ذنبي إني 
خطى خطوتين ناحيتي وقال بعصبية هو أنت إيه يا أخي!!! أنت مفكرني مبحسش!!! مفكرني معنديش ډم ولا حتى شعور بالذنب!! حد قالك إني جبل أنا كل يوم بحاسب نفسي مېت مرة وببقى حاطط إيدي على قلبي لحد ما اليوم يخلص لأني واثق ومتأكد إن حق دنيا مسيره يتاخد من حباب عيني اعترفتلك إني ژبالة وقذر وعارف دا كويس مش كل شوية تعايرني قولتلك إني أتغيرت ومستعد أروح لدنيا أبوس إيديها عشان تسامحني كمان بس مشوفش نظرة عينيك دي كل ما تشوفني...أنا مش وحش أوي كده يا عمر بغلط وبتعلم وبصلح غلطي غلطتي كانت كبيرة عارف بس أعمل إيه أرجع الزمن إزاي عشان مكررهاش
مكنتش قادر أتكلم وأرد عليه بس حسيت إنه اتغيرت وحاسس بذنبه فتحت درعاتي ليه وقولتله تعالى تعالى طلعت بتحس يواد يا مراد.
بصلي بعتاب وفضل واقف مكانه زعلان مني عارف بس دي أختي أخسر عشانها أعز ما أملك ومبكيش عليه كمان.
ضمني هو كمان وقال قولتلك دلني ومتسبنيش يا عمر قولتلك مليش غيرك بس أنت كنت مصمم تسمع نفسك وبس.
_ ما خلاص بقا يا اتنشن حقك عليا. 
أفتكر إن الاتنشن دا بتلف تلف وترجعله.
_ للأسف صح قدري بقا أعمل إيه!
في الخلفية فارس قطرية بيقول مليش غيرك يا صحبي دليل وعكاز ليا وقت ما أميل 
_ أرن..ما أرنش...أرن...ما أرنش...أرن...ما أرنش..أر..
خلاص بقا ارحمي أم الورد طلعتي عينه.
قالتها رؤية وهي شيفاني عماله أفصل ورق الوردة عن بعض وبحاول أوصل لقرار.
مهو أنا عايزة أطمن على أخته بصراحه.
هحاول أصدقك حاضر. 
_ مش مضايقني غير إنك شاكة إني عايزة أرن أطمن عليه هو فعلا أنا عايزة أرن أطمن عليه بس ليه الشك!! 
أيواااا كل شئ أنكشفن وبان. 
_ كمدير فاضل والله ليس إلا. 
فاضل دا يبقى خالك. 
_ مش هرد عليكي عشان أنا عندي خال فعلا إسمه فاضل. 
وأخرتها معاكي يا بنت الجبالي.
_ نرنوا 
لا 
_ يبقى نرنوا. 
قد إيه أنا عرفت أربي. 
_ بس بجد عشان كان شكله صعب أوي وهو مقصرش معايا لما تعبت أنا برد الجميل مش أكتر. 
جميل دا يبقى عمك. 
_ ما تبس بقااا أنت جاية تعرفيني على عيلتي!! 
أموت في صلة الرحم.
لقيته