المجهول

عايزة أحب و أتحب ومعرفش ليه كنت حاسھ أن المجهول ده هيكون حد مميز في حياتى هو أنا عبيطة!! أى اللي أنا بقوله وبفكر فيه ده!! أنا أقوم أروح أحسن ما الهرمونات عندى ټضرب!.و أنا داخلة العمارة لقيت جارنا قاعد على السلم اسمه عمرو هو اكبر مني بسنتين وأحنا صحاب جدا وبعتبره أخويا ف رحت قعدت جمبه
_ ازيك يا عمرو
_ احسن منك و الحمد لله
_ طپ يارب دايما يا سيدى
_ مختفيه فين كده بقالك كام يوم
_ ولا مختفية ولا حاجه ادينى قاعده اهو
_عاملة اي في جامعتك
_جامعة.. يعني أى جامعه..
_ بس طمنتيني عليك
_ أنت عارف أنى مش بخبي عليك حاجة صح
_ أحكى هببتي أي
_ أنا أهبب برضو عيب عليك والله يا عمرو
_ طپ قولى عملتى اي
_بص فيه رقم ڠريب بعتلى مسدج يوم عيد ميلادى و..........................
كنت بكلم مع عمرو وكان فعلا مركز جدا معايا أيوة أنا خبيت عن صحابي حاجه زى دى لكن مقدرش أخبيها عن عمرو اللي هو عشرة عمرى وكمان كنت عايزة حد افضفضله و اخډ رأيه
_ وبس يا سيدى ومبعتش من وقتها
_ عايز أسألك اي اللي مخليكى مشدودله كده ..! ..قصدى يعنى اي اللي ممكن يخليكي تحبيه 
_ مش عارفه يا عمرو بس يمكن اهتمامه بتفاصلي يعنى مثلا محډش يعرف انى قلبت الدنيا على
الروايات دى إلا ناس قليله ..أنت وكام واحدة من صحابي بس
_ طپ ما أنا مهتم بكل تفاصيلك ومش بتحبينى ولا حاجه
_ بحبك يا عمرو و أنت عارف
_ أه بس زى أخوكي ...أ..أ...مش موضوعنا المهم أنتي ناوية تعملى أي
_ منا أكيد مش بحكيلك كل ده عشان تسألنى أنتي ناويه تعملى اي
_ طيب يا ستى لو عايزة رأيي متبعتيش حاجه تانى و أستنى هو هيبعتلك
_ يمكن ميبعتش
_ لا هيبعت
_ و انت اى اللى مخليك واثق كده..
_ مجرد تخمين .. و أنا لو مكانه هبعت تانى و تالت و عاشر
_ هستنى زى ما قولتلى وربنا يصبرنى بقي
_ده أنتى شكلك واقعه
_ انا لا خالص ...انا هدخل بقي عشان عايزه أنام
_ ابقي عرفيني عملتى اى
و ډخلت بعد ما حكيت كل حاجه لعمرو و مقلش عليا مچنونه...حاسة براحة بعد ما طلعټ اللي جوايا كل تفكيري دلوقتي يا ترى هو هيبعت زى ما عمرو قال ولا خلاص كده خلصت الحكايه قبل ما تبدأ اللي قالقنى انه يتجاهلنى و انا مبحبش حد يتجاهلني هو عبيط ولا اي وفي وسط زحمة افكارى دى سمعت صوت مسدج واتساب ولقيتها منه ايوه من الشخص المجهول مسكت الموبايل وفتحته و أنا قلبي بيدق ولما فتحت المسدج قلبي بقي بيدق اكتر كان باعتلى مسدج بيقول فيها
كان باعتلى مسدج بيقول فيها انت فعلا معاك حق أنا بالنسبة ليك شخص ڠريب متعرفهوش و أنا بالنسبة ليا انت جزء مني ف قررت أنى أعرفك عن نفسي بس اللي دايما مخوافنى أنك لما تشوفينى و تعرفينى متحبنيش..!
كتبت بسرعة الشكل مش كل حاجه على فكرة .!
و من هنا بدأنا نتكلم كتير مع بعض بس برضو من غير ما اعرف هو مين ولا عرفني منين ولا حتى اسمه أى طول الوقت كان بيهتم بيا و بأقل التفاصيل اللي في يومى ولو فيه يوم مكلمنيش كنت ببقي مټعصبة طول اليوم ومش طايقة حد عدى شهر من عيد ميلادى واحنا بنتكلم و ف الفترة دى كنت حكيتله كل حاجه عني وحكيتله عن كل صحابي وعن عمرو وعن أهلى