شايفه نفسك
شايفه نفسك سمر_شريف
انت في الصفحة 1 من صفحتين
شايفة نفسك فين بعد 5 سنين لو قبلناكي
_في بيتك
لو اترقيتي ممكن تبقي ايه
_مراتك
احنا هنهزر ياأستاذة
جاوبي علي قد السؤال
قدمتي ليه علي الشغل هنا
_لا السؤال ده معرفهوش هات اللي بعده
حضرتك جاية تهزري
_يعم فرفش كدة
بوزك سبعه متر ومتنك علينا ع ايه
ده أنا بنت خالتك بردو يعم
يبنتي أنت في انترڤيو
يعني متعرفنيش جاوبي علي الأسئلة واتظبطي
_اه اشتغلت ابن خالتي قبل كده
وبعرف اعمل مقالب في اخواتي و..
اسكتي خالص يورد
لو مجاوبتيش علي قد الأسئلة مش هتشتغلي
خريجة ايه
_إدارة أعمال
بقالك قد ايه متخرجة
_سنتين
لسه جاية تشتغلي دلوقت بعد سنتين
_لقيت نفسي كبرت فلازم أكون نفسي عشان اتجوز
ده مبقاش انترڤيو يورد
_يعني بذمتك أما تيجي تتقدملي هسألك كل الأسئلة دي
_لو مش عايز تتقدملي دلوقت هستناك
بس مش كتير
لو كتير هكون اتجوزت وخلفت وأنت ترن عليا وأقول لإبني تف علي عمو يحبيبي
افصلي شوية عمالة ترغي لو راديو كان فصل
هنعمل الإنترڤيو تاني
تجاوبي أجوبة حلوة ومتهزريش سامعه
شايفة نفسك فين كمان 5 سنين لو قبلناكي
_بسم الله ما شاء الله
شايفة نفسي مخلفة حموكشه ومتجوزاك
يالهوي عليا وعلي سنيني
بصي مفيش انترڤيو شوفي شركة تانيه
_خلاص وانبي
أمي لو عرفت هتاكلني
هسكت خالص
خدي الملف ده أقرأيه وتقوليلي حل المشكلة اللي فيه
قعدو سوا يحلو المشكلة وخلصو
_يلا عشان تروحني
أصل أنا جاية عندكو
لا متجيش
مش عايزين
_جاية لخالتي ريح نفسك
___________________
ياسندوسهههههه
يا أهل الداررررر
_صوتك مزعج
ملكش دعوة
بصلها ومردش تلاجه بصحيح
في المطبخ ووطي صوتك ياأستاذة
دخلتلها ازيك يسندوسه
ازيك يحبيبتي
عامله غدا ايه
محشي
ليه بس كده ده أنا عاملة دايت
محشي ايه بق
ورق عنب
ان كان كده مش مهم الدايت
اخد النهاردة فري هحبس ب بيبسي دايت بق
وعاملة دايت ليه يختي
عشان ابنك يعرف يشيل
لا متخسيش هو اللي يروح الجيم عشان يعرف يشيل
مهو بيروح
سبيه مستخبي هنا يروح الجيم يكرشو عليه وكده لا مقبلش بغير عليه
غيري يختي
بس بطلي تتدلقي عليه مكشوفة أصلا
ابنك أعمي يستي والله لو أعمي كان حس علي الأقل
بطلي تدلقي أنت بس وسبيله فرصة يدلق
يعني متسمعيش كلامه
روحيله الشركة بكرة بفستان قصير حطي روج كده بلاش شيخ الغفر الل جواكي ده
ويزعقلك ليه
جوزك لا
افرضي اټخانق فيا بق
عادي متديش له أهمية
ابني وأنا عرفاه لازم تطلعيله العين الحمرا
واطلعله العين الحمرا ليههههههه
ما ألبسله أحمر وخلاص
بقولك متدلقيش
هو أنت مبتفهميش
جاري تنفيذ الخطة لجعل الغوريلا البارد ده يعترف بحبه ليا
____________________
تاني يوم
_يخربيتك
طالعة ازي من بيتكو كدة
ايه القرف اللي لبساه ده ازاي امك سابتك تيجي كده وايه شعرك اللي
