اسكريبت حبيبي محمد جديد كامل
اسكريبت حبيبي محمد جديد كامل
انت في الصفحة 1 من 6 صفحات
قومى البسى
ليه
جوزك هيعدى عليكى
جوزى مين
انتى عبيطة يا بنتى كتب كتابك كان امبارح
ااااه تقصد العريس ال انت غصبتنى عليه
ايوا العريس ال غصبتك عليه
عمرى ما كنت أتخيل إنك ممكن تعمل فيا كده
أنا خاېف عليكى
تقوم تجوزنى !
بكره هتشكرينى على كل ده
انت أنانى أوى
أنا عارف إنك مدايقة وده حقك بس أنا كان لازم أساعدك
تبطلى تفكرى غلط
حرية الرأي راحت فين
برضو هتيجى وهتشكرينى
اخرج برا يا محمد ...اخرج برا من فضلك
خرج برا وأنا قومت عشان ألبس....
واقفة قدام دولابى بختار أى حاجة وخلاص على عكس ال المفروض أى بنت مكانى تعمله ...
طب هو ازاى مطلوب منى أكون فرحانة وانا أصلا ماكونتش عايزاه ..
وان جيت للحق أنا ماكونتش عايزاه ولا عايزة غيره ...
هو مصر ومحمد مصر وشكلك انتى ال هتروحى فى الرجلين يا نسيب هانم !
خلصت لبس ونزلتله بعد ما رن وقالى إنه واقف تحت البيت
السلام عليكم
قمر بيتكلم ...ده بجد !
رد سلام ربنا طيب
هنروح فين
انتى عايزة تروحى فين
أنا عايزة أطلع البيت دلوقتي حالا والله
حلو أوى نطلع أنا وانتى دلوقتي وكده كده محمد نازل واهو نبقى لوحدينا شوية
كمل كلامه بابتسامة خبيثة ..
ولا انتى ايه رأيك
الكورنيش ودينى الكورنيش
ضحك يلا بينا
وصلنا الكورنيش فنزلنا وبدأنا نتمشى بهدوء
ماتقولش جوزى بس
هو المأذون ال كان فى بيتكوا امبارح ده مالفتش نظرك
ماتفكرنيش بقا ده كان أسوأ يوم فى حياتى
حرام على فكرة
استغفر الله العظيم
طب أنا كنت عايز أقولك إنه كان أحسن يوم فى حياتى كلها
بصيتله وسكت فكملنا مشى لغاية ما وصلنا عند المكان ال متعودة أقعد فيه كل مره
ماشى
قعدنا وبصينا احنا الاتنين للنيل ال جنبنا وفضلنا ساكتين...بصيت عليه لقيت ابتسامته من الودن للودن فضحكت ڠصب عني
مش طبيعي وربنا ماطبيعى
حد جه جنبك دلوقتي
أصلك بتضحك من غير سبب
لا أكيد فى سبب
مبسوط لأنى موجودة
ايوا
غريب أوى
وايه الغريب
انت يا إما عنيد يا إما عبيط لا مؤاخذة يعنى
أصلك يا بنى آدم اتقدمت مرتين واترفضت ايه ال يخليك تتقدم تانى
اتنهد حاجة للأسف انتى ماتعرفيهاش يا نسيب
وايه الحاجة دى
قرب منى وكان باصص جوا عينى ومركز وبعدين مسك ايدى واتكلم
أغنية من كلمة واحدة ...كلمة واحدة بس ...فيها نغمة بس مافيهاش مزيكا
ايه
قولتلك للأسف ماتعرفيهاش
طب عرفنى
ماينفعش
ليه
عشان لازم قلبك ال يقولها
ازاى
مش مهم ازاى
اومال ايه المهم
انك تفهمى
أفهم ايه
كل حاجة.....كل حاجة يا نسيب
مع انى مش فاهمة برضو بس مش مشكلة.. قوم بينا نتمشى
مش انتى ال كنتى عايزة تقعدى
عادى غيرت رأيى
قومى ربنا يهديكى
قومنا تانى والسكوت برضو رجع تانى لغاية ما هو اتكلم ...
حلو فستانك
شكرا
ولونه جميل عليكى
أنا مش بلبس غير بنى على فكرة
مرة لبستى أسود على فكرة
ضحكت أصلى بحب الفواتح
البنى بيليق عليكى
شكرا
بس هتكونى أحلى لو جربتى تلبسى أبيض
بتحب الأبيض
لونى المفضل
يبقى عمرى ما هلبسه
بجد
ايوا بجد
هو انتى بتكرهينى أوى كده
مش بكرهك بس ده مايمنعش انى مش طايقاك
ليه
مش هتفهمنى ...محدش فهمنى عشان انت تفهمنى
جربى
فيك مين يكتم السر
فيا
أنا مانفعكش ولا أنفع لغيرك
بصلى باستغراب ايه الكلام ده
خدت نفس عميق وخرجته بهدوء وانا بستعد إنى أعترفله لعل وعسى يحس بيا ويبعد عنى .
انت تعرف إنى كنت مخطوبة قبلك صح
أكيد عارف
وعارف ايه كمان
محمد قالى إنك مارتحتيش معاه ف سبتيه
دى كانت أصعب فترة فى حياتى كلها ...كان عندى 17 سنة ...كنت صغيرة
أوى .
لو حابة تحكى أنا هسمعك
طفلة اتحرمت من باباها ومامتها وهى عندها تسع سنين ومحدش
