وفِعِـز الكَـلام سكِـت الكَـلام وفِـ عِـز الآمـان ضَـاع مِني الآمـان بقلم الكاتبة آية حمَام حصري علي مدونة أيام

آدم ده مبقتش طايقاه. 
_طب إهدي ونامي دلوقتي وإن شاء الله خير. 
_حاضر تصبحي على خير. 
_وأنت من أهل الخير يا عيوني.
قفلت معاها وحاولت أنام بعد صراع طويل مع أفكاري ودماغي.
_صباح الخير الهانم هديت ولا لسة مستمرة في سلسلة النكد
_.. 
_لما جوزك يكلمك تردي عليه. 
_ممكن تسيبني ومتلمسنيش تاني. 

_جهزي نفسك علشان معزومين عند ماما النهاردة وعمي ومراته وولاده هيكونوا هناك. 
_مش عايزة أروح في أي مكان روح أنت. 
_آية أقسم بالله بلاش تختبري صبري وإتعدلي معايا وإدخلي البسي يلا.
دخلت لبست وحطيت في شنطتي حاجتي كلها جهزت وخرجت له من غير ما أتكلم ركبنا ووصلنا هناك كانوا كلهم موجودين سلمت على مامته بعدين سابتني وقامت تجهز الأكل حاولت أفكر هخرج إزاي من غير ما حد يشوفني بعت ماسدج ل ليلى تحجزلي في بانسيون يكون مش معروف أوي وتجيبلي لبس وتبعتلي عنوانه إستغليت انشغالهم في الكلام وخرجت فضلت أمشي بسرعة وأنا كل شوية أبص ورايا أشوف حد أخد باله ولا لاء لحد ما محسيتش غير بحاجة خبطتني جامد.
_عامل إيه مع مراتك يا حمزة إوعى تكون مزعلها! 
_هي قالت لك حاجة 
_لاء بس الست في الفترة دي محتاجة اهتمام ونفسيتها تكون كويسة يا حبيبي. 
_فترة!! 
فترة إيه!! 
_هي مقالتش لك إنها حامل 
_حامل!!
خرج يدور عليها ملقهاش حاول يرن لكن محدش بيرد وبعد محاولات رن تاني وبلغوه إن صاحبة الموبايل في المستشفى.
_إيه ال حصل وجت المستشفى وأنت هنا إزاي 
_أنت إيه ال جابك ال حصل لها دا بسببك طلقها وإبعد عنها بقا. 
_بسببي إيه وبتاع إيه ما تفهميني ال حصل خرجت ازاي أصلا علشان تعمل حاډثة 
_كانت عايزة تهرب منك بعد ما عرفت حقيقتك. 
_حقيقة إيه أنت بتقولي إيه هتفضلي تنقطيني بالكلام كدا 
_لما كانت عندي إمبارح حد بعت لها فيديوز كنت قاعد مع صحابك وبيراهنوك تخليها تحبك وتتجوزك وأنت وافقت على الرهان ورسمت عليها واتجوزتها. 
حرام عليك ليه تعمل فيها كدا تعرف إنها حبتك بجد طب تعرف إنها كانت حامل حسبي الله ونعم الوكيل فيك...
قاطع كلامها خروج الدكتور من الأوضة وراحوا علشان يتطمنوا
_هي كويسة!
_حضرتك زوجها 
_أيوا. 
_للأسف فقدنا الجنين وفيه كسر في دراعها الشمال وكدمات. 
إن شاء الله تكون كويسة أهم حاجة الراحة وحالتها النفسية. 
_أنا هدخل لها.
_آية. 
_ابني يا ليلى. 
_قدر الله وما شاء فعل يا حبيبتي. 
_أنا عايزة أمشي من هنا.
قاطع كلامنا دخول حمزة مقدرتش أستحمل أشوفه هو السبب في ال حصل لي.
_إطلع برا مش عايزة أشوفك. 
_آية إسمعيني. 
_بقول لك إطلع وطلقني خلاص مبقاش فيه شيء يربط بيني وبينك. 
خليه يمشي يا ليلى. 
_حمزة لو سمحت سيبها دلوقتي علشان تهدى.
خرج وليلى قربت حضنتني عيطت في حضنها كتير لحد ما نمت تاني يوم قررت أروح بيت أهلي روحت وساعدتني ليلى في تنضيفه لإنه مقفول من ۏفاة بابا وماما.
فات حوالي شهر مامت حمزة لما عرفت جت تشوفني وحاولت تخليني أتخلى عن قرار الطلاق _بس هي أكيد متعرفش الحقيقة _.
بعد يومين سمعت حد بيخبط على الباب بحسب ليلى وكنت خارجة أفتح لها لكن طلع هو.
_نعم 
_ممكن أدخل 
_لاء. 
_آية أنا عارف إنك بتحبيني ف علشان خاطري ممكن تسمعيني
وبعدها إعملي ال عايزاه.
إتحركت شوية علشان يدخل كنت حاسة زي ما يكون فيه حاجة غريبة! 
بعد ما دخل مسكت الموبايل وبعت رسالة ل ليلى تيجي بعدين دخلت له الصالون
_إتفضل إحكي. 
_ليلى قالت لي إنك شوفتي الفيديوز
أنا آسف. 
_آسف! 
بجد والله!! 
_آية أنا عارف إني غلطت بس.. 
_بس إيه هتقول إيه أنت مش بس خذلتني أنت وجعتني وكسرتني. 
_والله كان ڠصب عني أنا كنت لسة متصاحب على الجروب دا وأنا طول عمري كنت في حالي مش بتعامل