ساعي البريد حماده هيكل

ساكت ومبلم
يا حضرة انت مين وعايز أيه 
احمممم ..ايوه انا ..انا حسنين معتمد 
موظف البريد وكنت جايب جواب لعم سيد
أبتسمت وقالت
جواب ..دا أكيد من خالي
هو والدك موجود
اه موجود اتفضل
دخلت جوه واول ما شوفته صعب عليا 
راجل كبير في السن ودراعه مقطوع وصحته تعبانه
مين يا بنتي
دا البوسطجي يابا جايب جواب
اهلا يابني اتفضل..هو انت ايه اخرك كدا
معلش اصل سألت كذا حد عن اسمك محدش دلني
ااه عشان مكتوب عليه سيد بيومي 
ايوه
بس الناس هنا عارفاني باسم سيد ابودراع 
لاني زي مانت شايف كدا
اه الف سلامه ..بس ممكن اعرف دا حصلك أزاي
حصل من عشر سنين من يوم ۏفاة ام أميرة 
بنتي الوحيدة اللي فتحتلك دي
وقتها كنت حزين وحاسس اني انا اللي بقيت يتيم 
مش بنتي لانها كانت مش بس مراتي دي امي واختي 
وسندي في الدنيا ..مليش غيرها هي واميرة
في يوم كنت مدور المكنه في أرض العمده
وكنا بنسقي الأرض ...سرحت شوية وانا بفكر في أم أميرة
كوم جلابيتي شبك في موتور المكنه ..ومخدتش بالي
الا وهي بتسحبني. ..فضلت اشد الجلابية وتروس 
المكنه بتسحبني ناحيتها وانا پصرخ على حد ينجدني
ويوقف المكنه لكن كان صوتها اعلى مني ومحدش كان قريب
وبعدها حصل اللي حصل ...ومن يومها وبقى اسمي سيد ابودراع
اتأثرت جدا من الموقف وقولتله
لا حول ولا قوة الا بالله ..معلش يا عم سيد ربنا يعوض عليك
الحمدلله ربنا عوضني في بنتي أميرة
هي بقت
دراعي وسندي في الدنيا شايلة حمل أكبر من سنها
كنت بتسند عليها وكانت خير سند وعون ليا في الدنيا دي
وهي التي انا عايش بس عشانها ونفسي ومنى عيني
افرح بيها قبل ما اموت ..بس هي اللي رافضه تسيبني
اميرة قالت
بعد الشړ عليك يابا يجعل يومي قبل يومك 
ربنا يطول في عمرك ويخليك ليا ..وانا هفضل قاعده 
على قلبك ومش هسيبك ابدا
شوفت يابني ربنا عوضني أزاي ..زعلت زمان اني مخلفتش واد يسندني بس انا كنت غلطان عندي أميرة دي احسن من 100 واد 
ربنا يخليكم لبعض ياعم سيد ويفرحك بيها 
اتفضل اشرب شاي
لا ملوش لزوم
عيب يا بني انت عايز تقول عننا بخلا 
لا ازاي ..خلاص هشرب شاي
حسيت براحه نفسيه كبيرة مع الراجل الطيب دا وبنته
الدنيا دي فيها حكاوي كتير وياما البيوت 
مخبيه أسرار ورا أبوابها
بقيت كل كام يوم بروح اسأل على عم سيد واطمن عليه
اشوفهم لو محتاجين حاجه
كنت بدور على نصي التاني من زمان 
ومش عارف هلاقيها امتى وازاي
كامله
ربنا كرمني بمجموع كبير في الثانوي بس ابويا
ماټ للأسف فاضطريت اني مكملش تعليمي...واشتغل عشان 
أصرف على أمي وأخواتي الصغيرين
اشتغلت كام شغلانه كنت يدوب بقدر أأكل أهلي 
وامنع عنهم ذل السؤال والحاجه
كنت راضي بنصيبي وبقول الحمدلله ..ودايما
بترحم على ابويا اللي كان ضهر وسند لينا 
ومحسناش بيه الا بعد ما سابنا
بس انا لازم أتحمل المسئولية واصلب طولي 
عشان مينفعش امي تمد إيدها للناس ولا تنزل 
تخدم في البيوت ..بعد ما كانت معززة مكرمه طول حياتها
في يوم كنت