رواية قضية عزاء في ثوب الزفاف مكتملة لجميع فصول بقلم الكاتبة المبدعة هاجر نور الدين ( حصري علي مدونة أيام نيوز )

حتى بعد ما رضيت بجوازتي منك وعايشة مش مبسوطة وبرضوا الموضوع هيتعرف قدام بابا وعمي!
خلصت كلام ولقيته باصصلي بۏجع وبعدين قام من مكانه وقال وهو ماشي
عايشة مش مبسوطة ورضيتي بيا متقلقيش يا جنات أنا هحاول أحل الموضوع إنت مش متجوزة واحدة صاحبتك.
سابني بعدها ودخل الأوضة مش عارفة بس حسيت في الوقت دا إني وجعته أوي بالكلمة لو كان هو بيخونني بس أنا من ساعة ما إتجوزنا وأنا عمري ما ضحكت في وشه ولا قولتله كلمة حلوة حتى.
دا مش غلط مني هو واخدني على كدا وقابل أنا ماليش ذنب إني محبيتهوش ومش عارفة أتعامل معاه.
كنت تعبانة جدا من التفكير وقلة النوم ومش عارفة المفروض أعمل إي بس شوية كمان ودخلت نمت.
تاني يوم صحيت وملقتيش أمير موجود في البيت قومت روقت الدنيا وجهزت الأكل وكان برضوا ممنوع اني انزل من البيت لسة قعدت أستنى أمير وأنا على أعصابي.
ومن كتر الزهق والإنتظار قومت عشان أكمل في الحاجة اللي بتخليني أقضي على الملل نوعا ما وهي الجوابات اللي بكتب فيها حياتي من ساعة ما إتجوزت أمير لحد دلوقتي.
قعدت أكتب وأكتب لحد ما جالي موبايل من رقم غريب رديت بغرابة وقولت
أيوا!
جالي رد الطرف التاني وهو بيقول بنبرة ټهديد واضحة وصريحة
لو مجيتيش في خلال ربع ساعة انت هبلغ أهلك باللي مش عايزاهم يعرفوه.
قومت وقفت من الخضة وقولت بقلق وړعب
آجي فين وإنت مين وتعرفني وتعرف جوزي منين
سمعت صوت ضحكة سخرية بسيطة من الطرف التاني اللي بعدين قال
جوزك بنفسه معايا وتيجي ل...
وقال بعدها العنوان وقفل معايا من غير ما يفهمني آجي ليه بس المهم إني لازم أروح عشان أمير ميتقتلش بسببي وكمان يروح يقول لأهلي.
خمنت إنه ممكن يكون محمود أو حد تبعه وإني لازم أروح حالا خلصت كتابة كل اللي حصل وحطيته في درج الكومودينه بتاعي وقفلت عليه زي ما كان.
لحد هنا كانت الجوابات خلصت وأنا مفهمتش مين اللي إتتصل لإن أكيد هو السبب في قټلها وقدامي مشتبه فيهم كتير أوي.
قومت من مكاني وروحت البيت وأنا مقرر إني تاني يوم هستجوب أمير لعل وعسى يقول حاجة عقبال ما تقرير الطب الشرعي يطلع.
تاني يوم بالفعل أول ما وصلت الشغل روحت ل مكان أمير على طول ودخلت قعدت معاه في الإستجواب وأنا بسأله
لو إنت اللي عملت كدا يا أمير قول وعرفني وأنا هساعدك.
عيط أمير بحړقة وقال
يا باشا أنا كنت بحبها هعمل فيها كدا إزاي أنا مقدرش أعمل كدا فيها أضربها أه ودا من ڠضبي منها بسبب الوش اللي كانت مصدراهولي لكن أقتلها!!!
مقدرش أنا بحبها.
فضلت ساكت شوية وبعدين رجعت سألته
يعني إنت مكنتش مع القاټل في اليوم
دا
ضړب على الطربيزة وبعدين بص للسقف بملل وشعور بالظلم وسط بكائه وقال
هو لو كان قدامي كنت قټلته بإيدي ومخلتهوش يعمل اللي عمله مش كل شوية تسألوني السؤال دا أنا يومها كنت مع محمود اللي كنت بهدده ميقربش من مراتي تاني وإلا ھفضحه وأقرب منه وإتخانقنا مع بعض من تاني والخناقة كل ما أحاول أمشي منها كان محمود الله ياخده بيطول فيها لحد ما الناس بعدتنا عن بعض خالص ولما روحت البيت ملقيتهاش كنت هتجنن وفضلت أدور عليها ملقيتهاش لحد ما لقيتوها وحصل اللي حصل.
فضلت ساكت بتركيز وأنا بسمعه في مقوله بتقول الكداب نساي وأمير في كل مرة نسأله السؤال دا بيجاوب بنفس التفاصيل هو برضوا ممكن يكون كداب محترف دا مش مبرر ولكننه قال تفصيله مخدتش