رواية مؤامرة العشق مكتملة لجميع فصول بقلم الكاتبة المبدعة إسراء ابراهيم ( حصري)

في البيت
مسك بصت لنورا بحزن عليها وبعدين قامت وحضنتها وهي بتقولها بحب 
متقلقيش انا معاكي وكل حاجة هتبقي كويسه اوي
تبتت نورا في حضڼ مسك وردت بتنهيدة
ووالله ما حد مهون عليا غيرك يا صاحبة عمري ربنا يخليكي ليا يا مسك
مسحت مسك دموعها وهي حاضنة نورا وبعدين خرجت من حضنها وهي بتقول بمرح 
بت انتي بطلي كأبة بقي يلا عشان متتأخريش علي شغلك وانا هروح اشتغل علي اللي طلبه استاذ هولاكو احسن ممكن يرفدني ونبقي انا وانتي خاليين شغل

كانت واقفة نورا في مطبخ سلوي وهي بتنضف الخضار وفي نفس الوقت بتعمل الاكل لحد ما دخلت عليها سلوي اللي ابتسمت وقالت بود
لا ما شاء الله باين عليكي شاطرة زي امك يا نورا وشكلي كدة هتعامل معاكي علطول
ابتسمت نورا بفرحة وردت علي سلوي وهي بتقوم 
تسلمي يارب يا مدام سلوي انا اللي مبسوطة اني بتعامل مع حضرتك
قعدت سلوي عالسفرة الصغيرة اللي في المطبخ وبعدين قالت بابتسامة 
بصي بقي عايزة انهاردة احلي اكل من ايديكي احسن ابني زمانه جاي وانا بقالي كتير مشفتوش وعايزاه يتغذي كويس اوي
ابتسمت نورا وهي بتحرك راسها بموافقة وبعدين سألت سلوي باستغراب 
من عيوني يا مدام سلوي حضرتك هتدوقي احلي اكل بس معلش اصلي فضولية شوية هو ماما كانت قايلالي ان حضرتك عندك بنت واحدة بس
ضحكت سلوي بخفة وردت بتسلية 
والله انا حبيتك عشان عشرية بصي بقي يا ستي انا فعلا عندي بنت واحدة ورؤوف ده يبقي ابن جوزي بس يعتبر انا اللي مربياه لاني لما ااتجوزت ابوه كان هو صغير وكانت امه مټوفية فانا اللي ربيته وبعد كدة ربنا كرمني ببنتي ولما كبرو بقي وجوزي ماټ وكانت بنتي عايزة تكمل علامها برة اخدتها وسافرت ورؤوف صمم يقعد هنا ويشتغل لحد احنا ما نرجع
حركت نورا راسها بتفهم وبعدين كشرت وقالت في سرها 
والله لولا انك طيبة يا ست سلوي كنت عقدتك في اسم ابنك عشان علي اسم البارد التاني بس يلا بقي اهو حظي ان لازم تيجي سيرته عشان افتكره وينكد عليا
في نفس الوقت جرس الباب رن فقامت سلوي بلهفة وهي بتقول
دي اكيد نها بنتي هقوم افتحلها
كشرت نورا باستغراب اول ما سمعت اسم نها فقالت بقلق
معقولة الاسمين في نفس الوقت يبقو صدفة غريبه اوي يلا اما اقوم اشوف الاكل خليني اخلص وامشي بس وهي بتقلب الاكل سمعت صوت هي عارفاه كويس اوي فتنحت وبصت قدامها پصدمة وسابت المعلقة وقربت من باب المطبخ ولمحت رؤوف وهو بيسلم علي سلوي فرجعت لورا پصدمة وهي بتبلع ريقها بتوتر يتبع
يتبع
الحلقة السادسة
لا يا حليم انا بجد زعلانة اوي مامتك كانت بتكلمني بطريقة وحشة اوي انت مشوفتش بتكلمني ازي
قالت كدة سيرين وهي ماسكة ايد حليم وهما قاعدين في كافيه فنفخ بضيق وابتسمت بخبث وهو بيمسك ايديها وبيبوسها واتحولت ملامحه للين وهو بيقول
معلش يا سيرين انتي عارفة ان ماما مش متقبلة اننا نتجوز فعشان كدة هي بتتصرف معاكي كدة متزعليش منها عشان خاطري انا
ابتسمت سيرين وردت بدلع وهي بتحط رجل علي رجل بعد ما اتأكدت ان حليم بقي في ايديها وتحت سيطرتها 
خلاص بيبي عشان خاطرك انا مش زعلانة خالص يلا بقي هتطلبلي ايه 
ابتسم حليم وباس ايديها وبعدين شاور للمتر واول ما جاله طلب منه ينزل عشا وفضلو يتكلمو سوا وسيرين كانت بتحاول تقنع حليم انه يكمل الصفقة مع سيف المنشاوي لحد ما اقتنع ومسك تليفونه ورن علي مسك عشان يبلغها انها تجهز الملف وتدرسه عشان يمضيه بكرة
كانت بترص نورا الاطباق عالسفرة وهي سامعة صوت رؤوف وبتشتم عليه في سرها ودخلت بسرعة تجيب الاكل عشان تحطه عالسفرة قبل ما يقعدو كلهم ويشوفها رؤوف ويشمت فيها هو واخته نها وبعد ما رصت الاصناف كلها وكانت طالعة بأخر سيرفيز اتفاجأت برؤوف وسلوي ونها قاعدين عالسفرة واول ما نها شافتها اټصدمت ومنطقتش وانتبهت لرؤوف اللي قال باستمتاع وهو بيدوق الاكل 
الاكل تحفة اوي يا ماما سلوي بجد تسلم ايديكي بقالي كتير مكلتش اكل طعم كدة
ابتسمت سلوي بحب وردت عليه وهي بتشاور علي نورا اللي كانت واقفة وراه ومترددة تقرب منهم 
الحمد لله يا حبيبي ان الاكل عجبك بس مش انا اللي عاملاه دي نورا هي اللي طبخت وفعلا اكلها طلع جميل اوي هي لسة اول يوم ليها معايا بس شكلي مش هقدر استغني عنها
وبصت سلوي لنورا وكملت بود
ما تيجي يا نورا متتكسفيش ده رؤوف ابني اللي حكتلك عليه
استغرب رؤوف من الاسم وافتكر نورا لما مشيت بسبب ضربه ليها بس اتجاهل تفكيره ولف وشه عشان يشكر نورا عالاكل واټصدم اول ما شافها اما نورا فاخدت نفس عميق وجمعت شجاعتها ورفعت راسها بغرور وقربت منه وحطت الطبق جمبه وهي بتبتسم لسلوي وبترد عليها بمجاملة 
تسلمي يا مدام سلوي بالهنا والشفا انا كدة خلصت شغلي بعد اذنك بقي عشان متأخرش وهبقي اعدي عليكي بكرة زي ما اتفقنا بعد اذنكم
قالت كدة نورا وسابتهم ومشيت بسرعة تحت نظرات رؤوف المصډوم ونها اللي بصت لرؤوف پصدمة وقالتله وهي بتشاور مكان نورا 
مش هي دي البنت اللي كانت شغالة عندك وانت ضړبتها يا رؤوف امبارح واستقالت
اټصدمت سلوي وبصت لرؤوف بحدة وهي بتقوله 
بقي انت اللي عملت كدة مع نورا يا رؤوف اخس عليك يابني ده انا لما هي حكتلي يا حبة عيني صعبت عليا وقولتلها ان لو ابني كان جابلك حقك ازاي تعمل كدة عشان كدة البنت اتصلت بيا وطلبت تيجي تشتغل لانها محتاجة الشغل ضروري
رؤوف مردش وسابهم ونزل ورا نورا وهو من جواه كان احساس الذنب بياكل في قلبه وانه السبب في اللي وصلت ليه وعشان كدة محسش بنفسه ونزل وراها يجري عالسلم عشان يلحقها وهو مش عارف يقولها ايه وازاي وفي نفس الوقت كانت نازلة نورا وهي مخڼوقة وبتسمح دموعها اللي نزلت ڠصب عنها من عنيها رغم انها حاولت تمنعها عشان كرامتها بس مقدرتش ابدا تنجح في ده وحست بالاھانة اوي وانه بعد ما رؤوف مديرها ضربها واهانها كمان يشوفها وهي بتخدم في البيوت وعند مين امه كانت نورا كل الافكار دي بتدور في دماغها وهي نازلة تجري عالسلم من غير ما تاخد بالها وفجأة رجلها التوت وصړخت پألم وهي بتقع علي السلم بس حاولت تمسك نفسها ويدوب نزلت سلمتين بس وقعدت وهي بټعيط جامد علي اللي حصل ووقتها نزل رؤوف بسرعة ووقف قدامها وهو بيقولها پخوف وقلق
انتي كويسة جرالك حاجة 
نورا كانت ماسكة رجليها وبتعيط وبتقول لرؤوف بشحتفة 
انا كويسة مش محتاجة مساعدتك ممكن تسيبني بقي 
رؤوف غمض عينه بضيق وبعدين فتحها تاني وقالها بهدوء
طب قومي وانا هوصلك
نورا اټجننت اول ما سمعت كلامه ورفعت وشها وبصتله بحدة وقالتله پغضب
ما قولتلك متشكرة مش محتاجة حاجة منك روح بقي شوف رايح فين
قالت نورا جملتها الاخيرة وهي بتقف بعصبية بس رجليها وجعتها اوي فقعدت تاني بسرعة وبقت ټعيط اكتر ورؤوف اتخض علي شكلها وقالها بلهفة 
مالك يا نورا حاسة بأيه 
نورا كانت حاطة ايديها علي رجلها وبترد بتلقائية 
رجلي ۏجعاني اوي شكلها اتجزعت انا هرن علي مسك تيجي
وشهقت نورا بخضة قبل ما تكمل كلامها لما ميل رؤوف وشالها فجأة فصوتت وخاڤت احسن النوبة تجيلها ونفسها يضيق ويغمي عليها وقالتله پخوف 
نزلني يا مچنون انت بتعمل ايه بقولك نزلني حالا
نفخ رؤوف بضيق وهو بينزل السلم وهو شايل نورا وبص في عنيها وقالها ببرود 
بطلي دوشة هنزلك بس قدام العمارة
نورا كانت بتتحرك كتير علي ايد رؤوف وعايزاه ينزلها بس لما رجليها وجعتها سكتت فجأة ومبقتش تتحرك وكانت ساكنة بين ايديه وبتبص ليه بحزن وهو كان ملاحظ نظراتها وكان زعلان من نفسه اوي ونورا برضه كانت في نفس الوقت مستغربة نفسها انها مجاتلهاش النوبة وانه قريب منها وهي عادي واول ما وصل رؤوف لعربيته نزلها وقالها بهدوء
اركبي يلا
حركت نورا راسها بنفي وقالتله وهي بتشاور لتاكسي 
متشكرة لحضرتك بس انا مبركبش عربيات مع حد غريب بعد اذنك بقي
رؤوف بصلها ورفع حاجبه وهو بيقولها بخبث 
شكلك كدة عجبك الموضوع وعايزاني اشيلك تاني
برقت نورا وقالتله بتقلقائية وهي بتحرك دماغها بسرعة
لا خلاص هركب معاك بس متقربش مني
ضحك رؤوف وفتح باب عربيته ومد ايده لنورا اللي اترددت ثواني وهي باصة لايديه وبعدين مدت ايديها واول ما لمست رؤوف حست بقشعرة في جسمها وقلبها دق اوي فاستغربت احساسها ورفعت عنيها اللي اتقابلت مع عيونه فدورت وشها بسرعة وهي بتهرب من احساسها ده وركبت عربيته بتوتر وحيرة

كانت قاعدة مسك مركزة في الورق بتاع الملف لحد ما تليفونها رن باسم حليم فاتنفضت وردت بسرعة وهي بتقؤله بابتسامة 
اهلا مستر حليم حضرتك عامل ايه 
رد حليم بجدية وقالها باختصار من غير ما يرد بتفاصيل كتير
تمام بكلمك عشان ااكد عليكي انك تكوني خلصتي الملف بتاع سيف المنشاوي بكرة ضروري عايز الملف علي مكتبي الصبح عشان امضيه
كشرت مسك وبقت تفكر هتعمل ايه في المشكلة دي وازاي هتمنع حليم المرادي انه ميمضيش الورق ده وكانت عارفة انها مينفعش تقوله انها لسة مخلصتهوش لانه اكيد هو هيتعصب وممكن يطردها وهي بتفكر انتبهت لصوت حليم اللي نادي عليها باستغراب
انسة مسك انتي سامعاني 
ردت مسك بسرعة وقالتله وهي بتقوم من مكانها بلهفة 
ايوة يا مستر حليم مع حضرتك متقلقش الملف هيكون مع حضرتك و
سكتت مسك فجأة اول ما سمعت صوت سيرين جمبه وبتقوله بدلع 
خلاص بيبي بقي كفاية شغل وخليك معايا انت حتي واحنا برة بتشتغل
كشرت مسك وضيقت عنيها وهي وشها محمر من الڠضب وقالت بتلقائية 
هو حضرتك فين كدة دلوقتي 
افندم 
قالها حليم بحدة واستغراب فردت مسك عليه بسرعة وهي بتلحق نفسها وقالتله بتردد
اقصد يعني لو حضرتك مستعجل ممكن اجيلك دلوقتي عشان اوريك كام بند كدة في العقد حضرتك لازم اناقشك فيهم
حليم فكر شوية وبعدين قالها بتفكير تمام انا في مطعم في وسط البلد هبعتلك اللوكيشن سلام
مستناش حليم ان مسك ترد عليه وقفل السكة في وشها فاتغاظت هي وقالت بضيق وهي بتبص للتليفون
بتقفل السكة في وشي يا حليم ماااشي بقي مستعجل عشان تروحلها طب والله لانكد عليها واخلي ليلتها كحلي هه
قالت مسك اخر كلامها وهي بتفتح الدولاب وبطلع طقم خروج ليها وهي مقررة تروح لحليم

كان ماشي رؤوف بعربيته وكل شوية يبص لنورا اللي كانت باصة الناحية التانية وبتحاول تتجنب انها تبصله