اسكريبت كامل بقلم الكاتبة المبدعة أية حمام

كتير. 
غلبان يا حبة عين أمه!! 
إيه يا خالتو هو إحنا هنشحت عليه!! 
ايش فهمك أنت 
ولا الواد الحليوة ال يبقى ابن خالته يا بخت ال هتتجوزه. 
أجوزهولك يا كاميليا 
هعد تلاتة لو مدخلتيش أوضتك أنا ال هجوزك الشبشب.
ضحكت عليها ودخلت علطول 
فات كام يوم كنت بكلم عمر في الموبايل 

وفي يوم كنت ف العيادة وكان آخر حالة هتدخل لكن إتفاجئت بوجوده
غيث!! 
إيه مستغربة ليه 
عمر كويس 
أيوا. 
امال إيه ال جابك 
إيه ال جابك!! 
إخص على الأسلوب بجد علموك كدا في كلية الطب! 
لا حول ولاقوة إلا بالله ما هو أنت متقنعنيش إنك مريض. 
أعوذ بالله يا شيخة 
أنا لقيت نفسي فاضي قلت آجي أرخم عليك. 
طب تصدق أنت فعلا مريض بس مريض في عقلك واتفضل قوم روح. 
أروح مين أنا دافع حق الكشف هو أنا بكسب فلوسي في كيس شيبسي ولا إيه 
نيڤين.. 
يا نيڤين. 
نعم يا دكتورة. 
إدي الأستاذ حسابه هو هيخرج وراك دلوقتي.
خرجت نيڤين وبص لي جامد حسيته هيقوم ېخنقني قام خرج وبعدها ضحكت وأنا معرفش بضحك ليه لمېت حاجتي وروحت
كاميليا. 
أنا هنا فخ المطبخ. 
بتعملي إيه 
مرضيتش آكل غير لما تيجي وناكل سوا. 
حبيبتي يا كوكو والله هدخل أغير وأصلي العشاء وأجيلك.
عايزة تقولي إيه 
غيث جه العيادة النهاردة
تعبان!! 
لاء كان بيستظرف. 
ازاي يعني
حكيت لها ال حصل وقعدت تضحك بعدين خبطتني
إيدك بتخبطيني ليه 
الولا زي العسل وأنت بتطرديه يا مفترية 
عسل مين يا خالتو وبعدين ييجي ويقعد إزاي معايا وهو مش تعبان!! 
مش يمكن معجب بيك أو بيحبك! 
بس يا كاميليا أنا داخلة انام.
دخلت وأنا سامعة صوت ضحكها قعدت عالسرير أفكر في ال قالته هو حتى لو صح بس مينفعش منكرش إني أعجبت بيه أول ما شوفته بس أنا مش هقدر حتى لو حبيته إني أرتبط بيه!
حاولت أشيل كل الأفكار من دماغي وأحاول أنام صحيت الصبح على لمسة حد جنبي فتحت عيني لقيته عمر
عمر!! 
صباح الخير. 
صباح النور ياحبيبي بس جيت هنا إزاي 
طنط كاميليا عزمتنا إحنا وغيث إمبارح نيجي عندكم النهارده. 
أنتم وغيث!!! 
ايوا بس غيث سافر باليل أصلا ف جيت أنا وماما بس. 
سافر!! 
طب يلا يا حبيبي نخرج نفطر.
صباح الخير يا خالتو صباح الخير يا ريهام. 
صباح النور يا آية. 
صباح النور يا عين خالتك.
قربت منها وهمست ف ودنها 
بتعزميهم من ورايا!! 
أهو ربنا بوظ لك الخطة بتاعتك. 
والله شكلك عايزة تنضربي قدامهم. 
تعالى يا عمر تعالى يا حبيبي أقعد جنبي هنا.
فطرنا وقضينا اليوم سوا إتعاملت مع عمر كتير واستخدمت المعلومات ال قالها ليا غيث وعرفت كتير عنه
فات شهر علاقتي بقت قوية إلى حد ما ب ريهام وعمر كنا بنتقابل كتير وبنتكلم كتير ونقلنا ل عمر في المدرسة بتاعتي 
طول المدة كنت أوقات كتيرة بفكر في غيث وفي نفس الوقت كنت بحاول أمنع نفسي عن كدا
إيه رأيك في اليونيفورم بتاعي 
حتة سكر وال لابس اليونيفورم قمر. 
هو بجد الأولاد ال هنا مش هيرخموا عليا 
متقلقش يا حبيبي وزي ما قولت لك لو حد قال لك حاجة مش كويسة إنزل إشتكي لأي ميس أو للمديرة.
كان بايت معايا بكرة أول يوم له في المدرسة
يلا يا عمر علشان متتأخروش. 
متقلقيش الطريق مش طويل هنوصل بدري. 
ما تيجي معانا يا مدام كاميليا. 
لا ياوحبيبتي روحوا أنتم وأنا هجهز لكم الغدا.
نزلت أنا وعمر وريهام لاحظت إنها ب تتكلم مع حد واتساب لكن مركزتش أوي بعد ما وصلنا كنت واقفة أتكلم مع عمر وفجأة إتفاجئت بوجود غيث
وحشتني يا غيث. 
وأنت كمان يا حبيبي عايزك ماتخفش ولا تقلق أنت رجل مش أي كلمة تهزك فاهم ولا لاء. 
فاهم. 
ووعد لما تخرج هاخدك ونتفسح أنا وأنت. 
موافق بس ناخد آية معانا. 
يلا يا حبيبي إدخل علشان
متتأخرش.
دخلت ريهام وغيث معاه وأنا