روايه كاملة للكاتبة إيمان شلبي (المره الثلاثين)
روايه كاملة للكاتبة إيمان شلبي (المره الثلاثين)
صورته وفي اللي حاطط صوره عاديه وفي اللي مش حاطط
فضلت حوالي ربع ساعه وانا علي الحال ده
بدعي ربنا من جوايا لو اقدر اوصل للاكونت بتاعه عشان اعتذرله لكن للاسف مقدرتش
اتنهدت وانا برمي الفون علي السرير و علي تكه واعيط
مش قادره اسامح نفسي يا مي علي الكلام اللي قولته ل اوس
مي وهي بتحط ايديها علي ايدي وبتبتسم بهدوء
رديت وانا عيوني بتلمع بالدموع
لا يامي حصل
انا قولتله كلام بشع مفيش حد ممكن يستحمله
انا اكتر واحده حاسه دلوقتي هو حاسس بأيه
مكانش لازم اندفع بالشكل ده قبل ما اسمع منه
اخدتني في حضنها وهي بتحاول تهديني بس للاسف اڼفجرت اكتر
في العياط
كل ما افتكر نبره صوته اللي كلها ۏجع وهو بيقولي
عن اذنك وشكرا علي كلامك اللطيف قلبي يوجعني بشكل ميتوصفش!
بعدت عنها وانا ببصلها بحزن
انا لازم اعتذرله يامي
انا مش هقدر اغمض عيوني إلا لما اشوفه واعتذرله
بصيتلي بذهول
نفخت بضيق وانا بقوم من مكاني وبشد علي شعري بغيظ وجنون
عارفه عاااارفه بس انا لازم اعمل حاجه
مي وهي بتقوم وتقرب مني
جوري حبيبتي اهدي شويه
هو هيزعل ساعه اتنين تلاته وخلاص بعدها هينسي
هزيت راسي بهستريه
لا لا الكلام اللي بيجرحنا عمره ما بيتنسي أبدا لو فضلنا سنين عمرنا ما هنقدر نتخطاه وعمرنا ما هنبطل ندعي علي اللي قاله الكلام اللي بيأذينا نفسيا بيفضل معلم جوانا طول العمر وكل ما بنفتكره بنحس بنفس الأحساس وكأنه لسه متقال حالا
مي ا انا مش مؤذيه و والله مكانش قصدي اقوله كده و والله انا اندفعت بس مكانش قصدي اجرحه بكلامي ا انا انا
اخدتني في حضنها مره تانيه وهي بتطبطب عليا
هشششش اهدي ياحبيبتي اهدي والله انا عارفه أنه مكانش قصدك
مي تيجي معايا
فتحت بوقها ببلاهه
هنروح الكافيه يمكن نلاقيه هناك
حطت ايديها علي جبيني وهي بتبتسم بذهول
جوري حبيبتي انتي سخنه
بعدت ايديها بضيق وانا بنفخ
انا مش بهزر هتيجي معايا ولا اروح لوحدي
جوري بطلي جنان
بصت علي الساعه بتاعه الفون وهي بتحطها في وشي
انتي عارفه الساعه كام
الساعه واحده بليل
خلاص انا هروح لوحدي
ياجوري
قاطعتها بأصرار
مي لو سمحتي خلاص انا هنزل يعني هنزل
اخدت نفس عميق وهي بترد بقله حيله
وانا اكيد مش هسيبك لوحدك يلا
لبسنا انا وهي واتسحبنا من البيت
ولحسن الحظ أن ماما وبابا نومهم تقيل
نزلنا وقفنا تاكسي
اينعم السواق كان شكله مريب وبيبصلنا بنظرات غريبه انا ومي لكن مش مهم
كان كل اللي هاممني اني اوصل الكافيه والاقيه هناك واعتذرله!
وصلنا بسلام وحاسبنا السواق اللي مكانش مبطل يبصلنا بنظراته المرعبه
مي وهي بتتنفس براحه وبتحط ايديها علي قلبها
ياريتني ما سمعت كلامك حرفيا انا كنت مړعوبه من السواق ده
فركت ايدي في بعض وانا بنفخ فيها من البرد
الحمد لله وصلنا بخير
كانت مي واقفه تترعش وحاطه ايديها جوا الجاكيت بتاعها وبتبص حواليها باستغراب
هو فين الكافيه يابنتي
اهو
شاورت عليه بأحباط لانه كان مقفول والمكان شبه خالي من البشر نظرا لأننا كنا في ليله شتويه وطقس غير مستقر فكان ده المتوقع!
كان الهواء بيخبط في كل حاجه وبيطير اي حاجه قدامه
والمطر بينزل علي دماغنا زي الشلال
مي وهي حاطه ايديها في جيب البالطو وسنانها بتخبط في بعض من كتر البرد
ك كنت عارفه أنه هيبقي مقفول وخاصه في الجو ده
ياربي طب وهنعمل ايه دلوقتي
رفعت
حاجبها بضيق
هنروح طبعا
بس
بس ايه
