اسكريبت ( طفلة سړقت قلب ظابط ) كامل فصلين بقلم الكاتبة المبدعة إسراء ابراهيم

ده غلط بس هو هيعمل كدة ويجوزك هشام عشان خاطر ورث ابوكي يقطع الورث وسنينه مش عاوزين حاجة يغوره بيه بس يسيبونا في حالنا
زهراء بدموع قولتله والله يا امي قولت لجدي اني مش عاوزة ورث ولا عاوزة حاجة بس هشام لا ده انسان مش امين ده بيكلمني يا امي ونظراته وكلامه بتخوفني ازاي اتجوزه بس ازااي بس جدي مش فارق معاه اي حاجة غير الفلوس وورث ولاده وبس

وداد بحيرة انا بس مش عارفة هنعمل ايه وهنروح فين يا زهراء احنا مالناش حد غير خالك ومسافر برة مصر وكفايا علي الظابط جاسر كدة احنا تقلنا عليه اوي وشيلناه هم مش همه
زهراء ودموعها بتزيد عارفة يا امي بس بايدينا ايه بصي انا هتكلم معاه واقوله انه يساعدنا نسافر اسكندرية وهناك نبدأ من جديد وكدة كدة مالناش حد هناك يعني جدي مش هيشك اننا روحنا هناك اصلا ايه رأيك
وداد بعقل احنا هنبقي نجدنا اه بس سيبنا ورانا الهم كله لحضرة الظابط جاسر اكيد جدك مش هيسيبه خصوصا بعد ما يعرف انكم متجوزتوش ولا حاجة
زهراء بحزن عندك حق يا امي بس طب هنعمل ايه 
وداد بتنهيدة سيبيها علي ربنا وان شاء الله ربك هيحلها من عنده
............................              
كان واقف جاسر بيعدل هدومه لما دخلت عليه جيهان امه اللي باين عليها الغرور شوية من طريقتها
جيهان بابتسامة اممم ده انا قولت انك نايم بما انك يعني اجازة
جاسر بابتسامة انا فعلا اجازة بس عندي مشوار مهم لازم اروحه يا ماما
جيهان بتكشيرة  نعم مشوار ايه بقي ده اوعي تتأخر علي معادنا  بليل يا جاسر وتحرجني مع خالتك نادين
جاسر بضيق يا ماما حضرتك عارفة اني مش هحضر حتي لو كنت فعلا اجازة وبعدين انا قولتلك رأيي بمنتهي الصراحة واني مش موافق علي الجوازة دي فياريت متضغطيش عليا لاني مش حابب ازعلك مني
جيهان بانفعال يعني ايه يا جاسر انت عاوز تحرجني مع الناس وبعدين لحد امتي هتفضل عازب يعني انا عاوزة افرح بيك يا حبيبي
جاسر بتلقائية اولا انا مقولتش لحضرتك تعزميهم ثانيا انا مش موافق علي نيرة لشخصها اولا وده لانها متفتحة زيادة عن اللزوم وثانيا لان حضرتك مش عاوزاني اتجوز لانك عاوزة تفرحي بيا زي ما بتقولي لا انتي عاوزة تضمني بس فلوس جوز خالتي مش اكتر ولان هو ده اللي يهمك وانا بقي في الحالتين مش موافق يا امي
جيهان پغضب انت اټجننت يا جاسر بترفض عشان اسبابك التافهة دي اولا وايه يعني البنت منفتحة وبتلبس براحتها اومال عاوزها تلبس ايه طرحة مثلا 
هنا افتكر جاسر زهراء بشكلها البريئ واللي يخطف رغم انها محجبة لحد ما انتبه لكلام جيهان امه اللي كملت كلامها پغضب ثانيا بقي ايه يعني لما افكر في مستقبلك ومستقبل العيلة مش دي سنة الحياه وبعدين دول من عيلتنا يعني هما اولي
جاسر بيأس بقولك ايه يا ماما ياريت تسيبيني عشان مشغول وبليل ربنا يسهل بس موعدكيش اني اجي
جيهان بغيظ ماشي يا جاسر بس لو مجتش هبقي ڠضبانة عليك واعمل بقي اللي يريحك ها
مشيت جيهان وكان متابعها جاسر ومن جواه مضايق من تفكيرها الغير سوي وبعدين اتنهد بقلة حيلة وخد موبايله ومفاتيحه وخرج
.......................................
دخل جاسر مطبخ الفيلا وهو باين عليه الضيق وكانت متابعاه جميلة وتبقي المربية بتاعته وهو بيقعد پغضب
جميلة بابتسامة خير يارب يا تري اتناقرتو علي ايه انهاردة
جاسر بضيق انا مش عارف هي عاوزة مني ايه طول عمري