قصه كاملة للكاتبة سميه خالد طفوله رهف

عملي مش حابب علاجك كله بمهدئات 
كتبلي معاد الجلسه اللي بعدها ومش هنكر أنا ماشيه من عنده وانا في عبئ كبير اتشال من علي قلبي حسيت بشعور غريب مش عارفه أفسره بس تقريبا شعور حلو مش عارفه بصراحه
وبعد ماكنت رافضة فكرة الثيرابست نهائيا وبتعامل معاه إنه بتاع المجانين بقيت بستني معاد جلسة دكتور مراد قصدي مراد اللي جلستي عنده بتشيل جزء كبير من حجات كتير جوايا
جاتلي منه رسالة فاضيه ننزل نتمشي شوية
بصيت ع الرسالة وبصيت علي إسمه أتأكد إنه هو اللي باعت
فضلت ألف حوالين نفسي في الأوضه وأطلع من علي السرير واقف علي الكنبة اټجننت انا ولا إيه انا عندي حالة غريبة جدا يعني لو حد بحبه بعتلي مسدچ تفرح ممكن اطلع علي حدود ليبيا من قمة انشكاحي وبعدها برد اي ده انا قولت بحبه !! اي الكلمة الهبلة دي انا هكلم فرح تقولي انزل ولا لأ
بقولك عاوز ننزل نتمشي اقوله إيه انطقي
انتي عايزة اي
انا بسألك تقوليلي اعمل اي
خلاص اوكااي ماتنزليش
إتضايقت وقولتلها لي يافرح لييي منزلش
ضحكت شوفتي طلعتي ھتموتي وتنزلي انا كنت بختبرك علي فكرة
يسلااام
البسي الفستان البني شكلك بيبقي فيه حلو أوي والشوز الأبيض عرفاكي بتحتاري في اللبس اللي هتلبسيه ومتنسيش الأنسولين متكليش سكريات كتير ممكن
حاضر انا فعلا كنت محتارة البس أيه كالعادة دايما سبقاني بخطوات وبتفكريلي
رهف فين فلوس الجلسه
هو مش المفروض العكس
بس إنت اللي طلبت انزل والجلسه عندي بسندوتشين
ضحكت
ممكن أكلك المطعم كله بس انت تفضلي تضحكي كدة
جابلي طبق فيه سندوتشين شاورمة كنا بناكل واحنا ماشيين
هو ممكن سؤال 
اكيد
هو انت بتخرج مع كل
الحالات اللي بتعالجهم وبتتمشي معاهم يعني كل يوم بتمشي مع واحدة
بصلي بزهول وقعد يضحك اي ده اي ده حيلك إنت اول واحدة أخرج معاها
يعني معرفتش بنات قبل كده 
اكيد عرفت في الجامعة بس كله كان تسلية سن مراهقه بقي انا دلوقتي ناضج عندي ٢٨ سنة وعارف عاوز اي
معقوله مفيش حد خطڤ قلبك بعد مانضجت زي مابتقول
محدش قدر يخطفني غ...
كمل انا كمان بحب اسمع اللي حواليا
محدش قدر يخطفني غيرك
ا الطبق وقع مني في الأرض وانا ببرقلع من الصدمة كإنه عمل مصېبة هو انت قولت إيه 
محدش قدر يخطفني غيرك يارهف
بلعت ريقي بصعوبة قولتله بربكة بعصبيه هو انت فاكر اني من البنات اللي عرفتهم وهتتسلي بيا وكدة اه يعني انت نزلتني نتمشي مصلحة وبعدين انت لحقت تعجب بيا امتي انت تعرفني بقالك شهرين بس!!! إنت لا يمكن تكون طبيعي أكيد عاوز تأذيني لأ برضو هتأذيني ازاي انت عالجت جوايا كتير انا بالنسبالك حالة انا عارفه
كان واقف منصت ليا بإهتمام ومش متضايق وده خلاني استغربه أكتر انت ساكت ليه
خلصتي
رجعت خطوتين لورااه خلصت انا عارفه ان بسبب طريقتي دي مش هتعرفني تاني و...
إتنهد وقال انا بحبك مش معجب بيكي.
يالهوي !! انت... انت بتقول اي بتحبني انا انت واعي 
انا مريضة سكر!
فين المشكله
مش خاېف عيالنا يتنقلهم وراثه
دي أقدار يارهف وانا مؤمن وراضي بقضاءه لو حصلت حاجه زي كده وعلى فكره مش دايما اللي بيبقي عندهم سكر عيالهم بيورثوه
انا عندي عقد
كله بالحنيه والحب بيفك وانا بحبك
أنا مش مجرد حالة 
إنت حالة فعلا بس حالة إستثنائية وخاصه إنت فاكرة إني انا بس اللي بساعدك بس الدكتور النفسي برضو بيحتاج مساعده وانت ساعدتيني بدون ماتاخدي بالك
في اللحظة دي تماما شعور الخۏف إتحول لأمان لأول مرة أحس وانا جمب حد إني مش عاوزة حاجه تاني غيره
إبتسمتله بحب فاكر لما قولتلي لما تبطلي تخافي
أعرفي إنك بتحبي عشان اللي بيحبك من أساسيات الحب ميسمحش لقلبك يزوره الخۏف !
فاكر
أنا من وقت مابدأت أجيلك مبقاش يزورني شعور الخۏف كتير أنت صلحت حجات إنت مبوظتهاش انا كنت حاسه اني بحبك بس قولت مينفعش أنا بخاف.
وحصل أيه
حبيتك ف بطلت أخاف.
كل حاجه كانت صعبة لحد ما قابلته بقت أخف من الريشه..
النهايه.