رواية ورد

مظبوط دلوقتي.
لمس خيري كف ابنته وهتف بحنو
أنت كويسة دلوقتي يا ورد
هزت ورد رأسها وأجابته بهدوء
أيوة يا بابا أنا مش حاسة بأي دوخة.
سحب قاسم كرسي خشبي وجلس أمامها وهتف بجدية مطلقة
شكلك قبل ما يغمى عليك كان بيقول أنك افتكرتي حاجة عن حروق رجلك ياريت تشاركينا بالحاجات اللي افتكرتيها عشان نقدر نوصل للي عمل فيك كده.
أخبرته ورد بكل شيء وهي تعتصر رأسها حتى لا تنسى شيئا ثم غمغمت بحزن
الناس دي كان باين من صوتهم اللي بيتردد لحد دلوقتي في وداني أنهم معندهمش أي شفقة أو رحمة ويقدروا يأذوا أي حد بمنتهى البرود ومن غير ما ضميرهم يأنبهم.
أومأ قاسم برأسه وأخذ يفكر في وسيلة يجمع بها معلومات عن ماضي ورد وكيف كانت تعيش قبل أن توقع بها الصدفة في طريق خيري.
حمل منذر سترته ثم خرج من شقته وهبط إلى الأسفل حيث تجلس والدته تتابع التلفاز وبجوارها نعمات تقشر اللب وتأكله.
اقترب منهما قائلا بجدية
أنا هخرج دلوقتي مع أصحابي وهتأخر برة ابقوا اقفلوا البوابة عليكم بالمفتاح وأنا لما أجي هبقى أفتحها بالمفتاح اللي معايا.
التفتت له سامية وقالت
ماشي يا حبيبي.
خرج منذر من المنزل وذهب إلى شقة أحد أصدقائه
هتف أحد الشباب بعدما رأى منذر
وأخيرا جيت يا كبير ده السهرة النهاردة هتبقى على أخرها واللعب الليلة دي هيكون على تقيل.
ابتسم منذر بثقة قائلا
وأنا جاهز للعب التقيل.
طول عمرك بتحب التقيل يا منذر.
نطقت تلك العبارة جيجي ثم أعقبتها بضحكة خليعة لا تليق سوى بالساقطات ضحك منذر على جملتها وقال
أصيلة طول عمرك يا جيجي أنت دايما اللي بترفعي معنوياتي.
سحبته جيجي إلى ركن بعيد وهتفت بجدية
هو حوار مراتك اللي أنت قټلتها ده مين اللي يعرفه بالظبط من عيلتك
أمسكها منذر من ذراعها بقسۏة وهدر بصرامة
أنت عرفتي الكلام ده إزاي! انطقي بدل ما أقطعلك لسانك.
نفضت جيجي ذراعه الغليظة وأردفت بلهجة حادة
تقطع لسان مين ياض هو أنت مفكرني الغندورة مراتك لا يا حبيبي فوق لنفسك كويس وشوف أنت بتتكلم مع مين أنا أبقى جيجي يا بابا يعني أقدر أفرمك وأرمي لحمك لكلاب السكك تنهش فيه.
ابتلع منذر ريقه وهتف بوداعة محاولا امتصاص ڠضبها الذي أشعله بكلماته الحمقاء
أنا أسف يا جيجي مكنتش أقصد الكلام اللي قولته أنا الفترة دي بمر فيها بأوقات صعبة وخاېف جدا من الأيام اللي جاية.
ضړبت جيجي كتفه وهي تلوي فمها بسخرية
طبيعي أنك تكون خاېف يا قلب جيجي أنت قټلت مراتك وممكن البوليس يعكشك في أي لحظة.
سألها منذر وهو يجاهد للحفاظ على نبرته الهادئة
مقولتليش بقى يا جيجي أنت عرفت موضوع القټل ده إزاي.
أجابته جيجي باستهزاء لاذع
عرفته منك يا موكوس لما كنت سکړان امبارح ومش دريان بنفسك اشكر ربنا أن محدش غيري سمعك وإلا كان زمانك دلوقتي مرمي في التخشيبة ومستني الحاجة أمك تجيبلك عيش وحلاوة.
هتف منذر باستعطاف
اوعي يا جيجي حد غيرك يعرف الحوار ده.
ابتسمت جيجي بلطف وقالت
من الناحية دي اطمن ومتخافش.
تبدلت نبرتها إلى الجدية التامة وهي تستكمل
بس في حاجة مهمة لازم أقولك عليها.
شعر منذر بالخۏف يدق أوصاله من نبرتها فأخفض صوته وسألها بتوجس
فيه إيه يا جيجي
اقتربت منه جيجي وهمست أمام وجهه بخفوت
أنا شوفت أختك فداء وهي خارجة النهاردة من القسم وكان باين عليها أنها خاېفة ومتوترة.
ضړب منذر رأسه وهتف بتلعثم
فداء!! يا نهار أسود ومنيل.
الفصل الثامن
أنت متأكدة من الكلام اللي بتقوليه ده يا جيجي
نطق منذر تلك العبارة وهو لا يزال غير قادر على تصديق أن فداء قد اكتشفت حقيقته وأبلغت الشرطة عنه.
أجابته جيجي بثقة وهي تهز رأسها
عيب عليك يا منذر أنا مستحيل كنت أقولك حاجة زي دي لو مكنتش متأكدة منها وعشان كده أنا سألتك في الأول مين اللي يعرف حكاية قټلك لورد من عيلتك لأن أنا متأكدة وواثقة أنك مقولتش حاجة لفداء.
تمتم منذر پغضب وهو يهم بالمغادرة
لو اللي في دماغي صح فأنا مش هيكفيني فيها مۏتها.
سيبها يا منذر واستهدى بالله وفهمني بس إيه اللي حصل 
قالتها سامية بقلق وهي تحاول تحرير فداء من قبضة ابنها التي تبطش بالجميع ولا ترحم أي أحد.
أخذ منذر ېصفع فداء التي حاولت إبعاده عنها واستطاعت في النهاية أن تدفعه وتسقطه أرضا ثم حملت المزهرية وصاحت به بنبرة قوية تدل على مدى شراستها عندما تغضب
لو قربت مني هكسر الزهرية على دماغك ومش هيهمني موتك على الأقل هكون ريحت البشرية من واحد حيوان زيك.
نظر منذر لوالدته وهتف بغيظ وهو يشير نحو شقيقته الصغرى التي تهدده بتهشيم المزهرية فوق رأسك
شايفك قلة أدب بنتك بتقول عليا حيوان!!
صاحت فداء پغضب أشد مؤكدة قصدها لنطق تلك الكلمة
صړخت سامية في وجههما
اخرسوا أنتم الاتنين مش عايزة أسمع أي كلمة غير سبب نرفزتك يا منذر وإيه اللي خلاك ترجع من برة على أوضة أختك وتضربها بالشكل ده!!
أجابها منذر بعصبية وهو يوجه سبابته نحو
فداء التي ترمقه بنظرات مشمئزة وكارهة
اسألي المحروسة بنتك كانت بتعمل إيه النهاردة في القسم!
نظرت لها سامية پصدمة ورددت بذهول
أنت روحتي القسم النهاردة!
خرج صوت فداء متلعثم وهي تقول
أيوة أنا روحت عشان ال...
لطمت سامية خديها وصاحت پغضب
عشان إيه انطقي بدل ما ھدفنك مكانك أنت روحتي عشان تبلغي عننا وتفضحينا يا بنت بطني.
تحدثت فداء بسرعة محاولة تدارك الأمر
يا ماما أنت فاهمة الموضوع غلط أنا ...
أمسكت بها نعمات من شعرها وصڤعتها على وجهها وهي تردف بنبرة غليظة
عايزة تودينا السچن عشان تستولي على كل حاجة أنا مش هسيبك غير لما أخلص عليك
لم تجد فداء وسيلة تتخلص بها من نعمات سوى بركلها فوق ركبتها اليمنى ثم أمسكت المزهرية مرة أخرى وهي تصيح بها
حاجة إيه اللي هستولى عليها يا متخلفة أنت بطلي جنان وشوفي الكلام اللي بتنطقيه بدل ما أنت قاعدة تهبلي وخلاص.
هتف منذر بنفاذ صبر
طيب اتفضلي قولي إيه اللي وداك القسم النهاردة
راحت عشان تجيب موبايلها اللي كان ضايع منها في الكلية.
خرجت تلك الجملة من أسماء التي عادت للتو من عملها وسمعت الحديث الذي دار أثناء المشاجرة.
سألتها سامية باستغراب
موبايل إيه يا أسماء اللي كان ضايع! تعالي هنا وفهميني إيه اللي حصل بالظبط
تحركت أسماء ووقفت أمام والدتها ثم هتفت بثبات جعل الجميع يظن أنها تقول الحقيقة
موبايل فداء ضاع منها امبارح في الكلية وهي راحت عملت محضر ومرضيتش تقول حاجة قدامكم عشان متزعلوش والنهاردة الظابط اتصل على تليفوني قبل ما أخرج من البيت وقالي أنهم لقوا التليفون وعشان كده فداء راحت القسم تستلمه.
تحدث منذر بضيق وهو ينظر إلى فداء
طيب وأنت مقولتيش الكلام ده من الأول ليه يا فداء
أجابته فداء بتهكم
وهو أنت كنت سيبتلي فرصة عشان أتكلم وأدافع
عن نفسي!!
استكملت حديثها وهي ترفع حاجبيها وترمقه باتهام يدل على أنها تشك بأمره وقد فعلت ذلك عن عمد حتى تشتت تركيزه وتجعله لا يشك بصحة حديث أسماء
وبعدين أنا مش فاهمة إيه السبب اللي خلاك تتنرفز أوي كده أنت وماما ونعمات أول ما عرفتم أني روحت القسم وإيه حكاية الڤضيحة اللي أنتم اتكلمتوا عليها من شوية هو أنتم عاملين مصېبة وخايفين أنكم تروحوا في داهية لو اتكشفتوا ولا إيه!
ربتت سامية على كتف فداء وهتفت بتلجج
رمقتها فداء بنظرات مستهزئة فقد تأكدت الآن من جميع شكوكها وأنهم قد ألحقوا الأڈى بورد وهذا هو سبب اختفائها وعدم ظهورها.
دلفت فداء إلى غرفتها وتبعتها أسماء التي أغلقت الباب خلفها بسرعة ثم أمسكت فداء من ذراعها وهمست بصرامة
اتفضلي قوليلي دلوقتي إيه الحكاية بالظبط وإيه اللي وداك القسم وليه أمك ومنذر ونعمات خافوا أوي كده من الموضوع لدرجة أنهم فكروا أنك روحتي تبلغي عنهم
جلست فداء على السرير وهتفت بجدية
أنا فعلا روحت عشان أبلغ عنهم لأنهم عملوا حاجة في ورد وبعدها كدبوا وقالوا أنها سرقتهم وطفشت.
تمتمت پصدمة
يا مصېبتي!! إيه الكلام اللي أنت بتقوليه ده يا فداء وإيه اللي مخليك متأكدة أوي كده!
تنهدت فداء وأخذت تسرد على شقيقتها جميع التفاصيل التي رأتها في شقة منذر عندما صعدت إليها في صباح يوم اختفاء ورد.
زفرت فداء وأردفت بحزن على زوجة شقيقها المسكينة
أنا في الأول كنت شاكة فيهم لكن دلوقتي وبعد اللي عملوه معايا من شوية بقيت واثقة ومتأكدة أنهم قتلوا ورد. 
خللت أسماء أصابعها بين خصلات شعرها وهتفت پصدمة أصابتها

من هول الكلمات التي تفوهت بها شقيقتها
كلامك كله منطقي يا فداء وملوش أي استنتاج غير أنهم قتلوا ورد وخلصوا من جثتها أنا 
أنا لازم أريح ضميري وأخلص نفسي من الذنب ده قدام ربنا لأن الساكت عن الحق شيطان أخرس وأنا مستحيل أكون كده مهما حصل.
نطقت فداء تلك الكلمات بحزم جعل أسماء تسألها باستغراب
أنا مش فاهمة أنت ناوية على إيه بالظبط
ابتسمت فداء بتشفي وقالت
هتشوفي دلوقتي كل حاجة بنفسك.
أمسكت فداء هاتفها واتصلت بالضابط مجدي الذي أجاب على الاتصال وهو يفرك عينيه يزيل أثار النعاس
أيوة
يا أنسة فداء في حاجة جديدة حصلت
سألها مجدي هذا السؤال بمنتهى التلقائية فهو قد أعطاها رقم هاتفه وطلب منها أن تتصل به إذا تذكرت أي شيء قد يفيده في حل القضية.
قصت عليه فداء كل ما حدث من عائلتها وكيف قاموا بټعنيفها بعدما علموا بذهابها إلى قسم الشرطة.
أومأ مجدي بتفهم وقال
ردة فعلهم معاك بتثبت أنهم فعلا عملوا حاجة في مرات أخوك المهم دلوقتي تمسحي المكالمة دي من سجل المكالمات عندك وتفتحي عينك كويس لأنهم ممكن يكونوا لسة شاكين فيك.
تمام يا حضرة الظابط.
أنهت فداء الاتصال وحذفت المكالمة من السجل مثلما نصحها مجدي ... نظرت لها أسماء بحيرة وقالت
أنا مش عارفة اللي أنت عملتيه ده صح ولا لا بس اللي أعرفه إن لازم منذر يتعاقب لو كان فعلا قتل ورد.
استطاع قاسم أن يجمع المعلومات الكافية عن ماضي ورد وقد قرر أن يذهب لمنزل خيري ويتحدث مع ورد وهذا بالفعل ما حدث.
جلس قاسم في غرفة الصالون وانتظر قدوم ورد التي حضرت بعد دقيقتين واستغربت سبب حضوره وهذا الأمر ظهر بوضوح في نبرتها
خير يا أستاذ قاسم إيه سبب زيارتك المفاجئة دي وكمان أنت صممت أنك تقعد وتتكلم معايا على انفراد.
أنا قدرت أعرف كل حاجة عن حياتك.
تلك الجملة كانت كفيلة بتبديل حالها وجعل قلبها يدق پعنف خوفا مما سيلقيه قاسم على مسامعها بعد لحظات.
جلست ورد أمامه وتحلت بالشجاعة وهي تقول
إيه بالظبط اللي أنت عرفته عني يا أستاذ قاسم ياريت تقول كل حاجة عرفتها ومتخبيش عليا أي تفاصيل.
أنت متجوزة واحد خمورجي وصايع اسمه منذر عايش مع أمه وعنده أربع أخوات بنات منهم واحدة مطلقة واحدة متجوزة أما الباقيين فهما لسة آنسات المعلومات اللي أنا جمعتها بتقول أنك اتجوزت الشخص ده ڠصب عنك وأنه كان على طول بيضربك وبيهينك وأمه