روايه حبيبي بقلم اسراء مصطفى

ونطمن على البيبي! 
حضرتك لسه اول مرة تعرفي إنك حامل! 
اها. 
ازاي مظهرش عليكي أعراض! انتي حامل بقالك شهرين. 
هو
ظهر بس انا مكنتش أعرف. 
ابتسمت عموما الف مبروك وياريت تاخدي بالك من أكلك وصحتك لإنك ضعيفة ومحتاجة غذا وهطلب منك تعملي شوية تحاليل علشان نطمن.
كان باين علينا احنا الاتنين توترنا لولا مريم كانت معانا مكناش حتى عرفنا نرجع الشقة من الصدمة تاني يوم رجعنا القاهرة بعد ما اليومين باظوا.

سرحان في ايه 
مفيش عندك شغل بكرة 
مش هروح. 
كويس علشان ترتاحي شوية. 
مقولتليش يعني حسيت بإيه لما عرفت 
اتفاجئت. 
وايه كمان 
عايزة توصلي لإيه
فرحت 
بصراحة اها برغم ان المفاجأة كانت غريبة بس اتعجبت من تدابير ربنا تخيلي پنتخانق بقالنا اكتر من شهر علشان الموضوع دا ومش عارفين ناخد فيه قرار فيقوم يحصل كدا زي ما يكون ربنا بيقولنا دا الصح علشانكوا واننا ملناش غير بعض ولازم نكمل مع بعض. 
يعني لو طلبت منك إني أنزله هت ..
نظرته ليا خرصتني من شدتها أقسم بالله يا إسراء لو فكرتي تعمليها مجرد تفكير بس صدقيني هتشوفي أدهم تاني ووقتها يبقى نهيتي كل اللي بينا بجد. 
بصيتله پخوف واتكلمت بصدق انا عمري ما هعمل كدا انا سألتك لإني حسيت انك ممكن تفكر فيا كدا والظاهر إن إحساسي طلع صح. 
ملامحه بقت أهدى أنا آسف انا بس خاېف علشان عارف إنك مش مبسوطة. 
مين قالك 
يعني مبسوطة! 
لما استوعبت اكيد فرحت لما أدركت إن بيتكون جوايا طفل منك نسيت خۏفي وفرحت! لقيتك ساكت ومش بتتكلم معايا ففهمت إنك خاېف تبين فرحتك بسببي. 
لإني لقيتك مصډومة وتايهة. 
من صدمتي لكن صدقني انا مبسوطة جدا بالخبر دا لإن رغم إعتراضي ربنا رزقني بالنعمة دي مشالهاش مني دي استجابة لدعائي انا دعيت إننا لو هنكون أب وأم كويسين ربنا يرزقنا وربنا استجاب. 
مسك ايدي انتي هتبقي أحلى وأجمل وألطف أم. 
كمل بابتسامة أحلى حاجة إن أولادنا هيشكروني دايما علشان أختارتك تكوني أمهم. 
ضحكت بهدوء وحب يا سلام! 
ضم حواجبه بطفولية ايه دا! مش هتحبي فيا زي ما بحب فيكي 
حطيت ايدي على خده تعرف أكتر حاجة بتمناها ايه 
ايه 
ان سواء جبنا ولد او
بنت يكونوا شبهك. 
انا حلو أوي كدا في عينيك 
غمزتله بابتسامة أحلى كمان. 
ضحك دا هرمونات الحمل جاية معاكي برومانسية بقا. 
لأ رومانسية ايه متاخدش على كدا انا بسمع إن الواحدة لما بتحمل بتعكنن على جوزها جامد فاستعد بقا. 
شدني من خدودي انتي تعملي اللي انتي عايزاه يا روحي. 
روحي! ايه يا أدهم يا حبيبي مالك انا اللي حامل على فكرة مش انت دا انت اللي هرموناتك باظت.
انا غلطان اني بحب فيكي أصلا. 
عايز تحب فيا بجد قوم اعملي أكل. 
مش عايز أحب أوي يعني. 
ضړبته على كتفه خلاص بهزر حابة تاكلي ايه 
أي حاجة مش معجنة. 
انتي بتتريقي على أكلي 
انا أقدر بردو! أطلبلي بيتزا أحسن انا مش مستغنية عن إبني. 
رفع حاجبه بابتسامة ابنك! لأ على فكرة انا بغير هتهتمي بيه عني ولا ايه! 
مقدرش طبعا دا انت كتكوتي يا آدو. 
أرجوكي اهتمي بيه عني. 
ضحكت وانا بسند راسي على كتفه خلاص مش هدلعك تاني متبقاش تزعل بقا. 
ومين يقولي يا آدو دا انا بسمع الاسم دا منك بحس بزغزغة في قلبي. 
رفعت وشي ليه واتكلمت بمشاكسة متبينش إنك واقع كدا. 
واقع بس! دا انا بمۏت فيكي. 
انا محدش قدي النهاردة والله. 
بص في عيني بهدوء بتحبيني 
عندك شك
هز راسه بنفي بحب أسمعها منك. 
هقولهالك زي ما بحسها. 
إسراءمصطفى