اسكريبت حبيبي محمد جديد كامل

يا نسيب
اختك مزنوقة ومحتاجة مساعدة 
ليه حصل ايه 
أنا شكلى كده والله أعلم هطلق قريب 
اتنفض اى الكلام ده يا نسيب
ماقدرتش أكتم ضحكتى فضحكت عليه بصوت عالى
بهزر بهزر كل الموضوع إن جوزى حبيبى مخاصمنى وعايزة أصالحه 
ضحك جوزى حبيبى 
اللاه ماتكسفنيش بقا 
امشى يا بت من هنا مش فاضيلك 

طب قولى هو بيقعد فين لما بيزعل 
فى شقته 
ال هى شقة أبوه وأمه وكده 
لا شقته ال هتتجوزو فيها 
طب ادينى العنوان بسرعة 
نعم يا روح ماما !
ايه فى ايه 
هتروحيله الشقة !
ضحكت شوف انت
فهمتنى غلط ازاى ...أنا هرن عليه واتكلم بجدية وأقوله انزل حالا أنا تحت لكن عمر ما أطلع طبعا 
برافو عليكي..خدى العنوان 
الا صحيح هو شقة كام 
بت انتى أنا مش مستريحلك 
تانى بتظلم تانى 
اومال عايزة تعرفى الشقة ليه 
لحسن أرن عليه ويطلع فى شقة غلط وانا الصراحة مابحبش حد يزعجنى ف مش عايزة أزعج حد 
لا والله 
ضحكت يا بنى فضول والله مش أكتر 
ماشى هو شقة 8 بس والله لو عرفت انك طلعتى همحيكى من الوجود 
لا لا عيب عليك ده أنا تربيتك برضو
ماشى ...اتكلى على الله بقا
اتحركت ناحية الباب بعدين لفيتله تانى وانا مبتسمة ..
محمد 
ايه تانى 
شكرا ...شكرا على كل حاجة
ابتسم مفيش شكر بنا 
وآسفة لو قولت حاجة زعلتك 
يا بنتى افهمى أنا عمرى ما أزعل منك 
أنا بحبك
ضحك وانا كمان بحبك
روحت فتحت الدولاب وخرجت الفستان الأبيض بتاعى ...
لبست الفستان وعليه طرحة بيضة وجزمة وشنطة لونهم أبيض وبصيت على نفسى فى المرايا ...
ابتسمت لما لقيت شكلى حلو اوي اوي وبعدين خرجت أتسحب لحسن محمد يشوفنى وهو أصلا شاكك فيا ..
ركبت تاكسى ووصلت العنوان ..طلعت ورقة وقلم كنت حطتهم فى شنطتى قبل ما أنزل ...
مسكت الورقة وكتبت عليها بخطى الجميل ال شبه نقش الفراخ ..
أغير من الزهر لو صبح عبيره عليك ...
وأغير من البدر لو يلمح بنوره عنيك ...
وأغير من الورد لو يجرح بشوكه اديك ...
وياما فكرى احتار وياك ...
وعينى يا عينى بتفضل سارحة معاك 
طلعت قدام شقته وحطيت الورقة على الأرض ..
طلعت الدور ال فوقيه بحيث انى أقدر أشوفه لما يفتح بابا الشقة...
رنيت عليه وفى خلال لحظات كنت سمعت صوته ..
ألو 
افتح باب شقتك 
ليه 
اسمع كلامى وخلاص ...
قفل معايا وسمعت صوت الباب بيتفتح وبعدين شوفت حبيب قلبى ال مدوخنى ده ...
مسك الورقة وابتسم ..قرأ ال فيها وهو لسة مبتسم ..وبعدين دخل وقفل الباب ...
موبايلى رن...
ألو 
ايه الورقة دى 
اقرأ ال فيها 
قرأته
و ..
مفهمتش حاجة 
ضحكت بغلب أنا تحت العمارة انزلى 
مش نازل 
انزل بقا 
يا ستى مش عايز أنزل 
يعنى هتسيبنى أمشى بعد ما جيت المشوار ده 
ايوا ..ومع السلامة بقا
تلاتة بالله العظيم أنا متجوزة واحد حلوف ..بقا أنا مكلفة نفسى وهو لسة مقموص...
طب والله ما همشى غير لما أصالحه ها ..
نزلت تانى قدام شقته ...
سامحنى بقا يا محمد بس انت أكيد مش هتكون مبسوط لما أطلق يعنى !
رنيت الجرس واستنيت ثوانى لحد ما فتحلى وهو لسة لابس البيجامة ...
فتح الباب وفضل باصصلى وهو متنح شوية لغاية ما أنا اتكلمت ..
احم ممكن تنزل معايا تحت شوية 
لا 
أنا عايزة أتكلم معاك 
ادخلى 
انت عايزنى أدخل شقتك وانت قاعد لوحدك ..
انتى مراتى يا هبلة 
برضو أنا بخاف على نفسى
اه صح ما أنا نسيت ان كلنا صنف واحد 
سابنى ودخل وهو لسة سايب الباب مفتوح ..
خدت نفس عميق وخرجته بعدين دخلت وراه الشقة ...
روحت وقفت قصاده ومسكت ايده ..
أنا آسفة
انتى مش واثقة فيا 
لا طبعا ..بس 
بس ايه 
أنا قولت كده من غيرتى 
اټصدم ايه 
قربت منه كمان ومسكت دراعه ..
كنت غيرانة ...غيرانة عليك 
نسيب قولى انك مش بتهزرى ! 
قربت منه شوية كمان وغمضت عينى لانى