نجمه الادهم للكاتبة زهرة الربيع

والشيطان شاطر
ادهم ضحك جامد لانو فاهم انها بتغيظه مش اكتر وقال لا على فكره الشيطان بتاعكم طلع ساقط ابتدائيه وقرب منها وقال اذا كان مبقاش شاطر وانتو متجوزين وقاعدين في اوضه واحده هيتشطر وانتو متطلقين وكل واحد في اوضتو
نجمه اتغاظت جدا بس قالت بسخريه
طب ما انت كمان قاعد معايا من امبارح وبرضو اخوات بتتريق ليه انت متفرقش عنو
ادهم ابتسم وقال تفرق يا روحي تفرق كتير انتي مش قابله بيا وانا مستحيل افرض نفسي عليكي انما جوازك من خالد كان غير كده مش هتقوليلي بقى مقربش منك ليه
نجمه قالت بغيظ لا مش هقولك حاجه
ادهم ابتسم وقال براحتك مسيري هعرف واتقدم ناحية الباب وقال قبل ما يطلع على فكره بابا انهارده مش هيطلع من البيت علشان تبقي مطمنه وكمان علشان الشيطان يريح يمكن تفرج عليه ويشد حيلو لما اجي بالليل قال كده وغمز لها بوقاحه وسابها ونزل
نجمه كانت عايزه تضحك على كلامو وقعدت على السرير وقالت ايه المچنون ده
ادهم نزل ولقا خالد في وشو قال بضيق صباح الخير
خالد ابتسم بسخريه وقال صباحيه مباركه
ادهم اتضايق ولسه هيرد ابوه قال ادهم تعالى عايزك
خالد قال بتريقه روح روح شوف بابا يا روح البابا قال كده وطلع وادهم حاول يهدى وراح لابوه وقال نعم يا بابا
فتحي قال على فين
ادهم قال هيكون فين يعني على الشركه
فتحي ابتسم وقال لا مفيش شركه اليومين دول انا هتابعها
حضرتلكم اسبوعين في الجونه هتاخد مراتك وتروحو تفكو عن نفسكم شويه
ادهم اتنهد پخنقه وقال مش هتقبل تروح يا بابا على فكره زعلانه منك جدا وسبها على راحتها
فتحي ابتسم وقال بكره هتعرفو كلكم ان ده احسن حاجه ليكم وبالنسبه للسفر فانا متأكد انك هتقنعها ده انت ادهم الزيني يعني ميتخافش عليك
ادهم اتنهد وطلع تاني عند نجمه
نجمه كانت بتغير هدومها علشان هتنزل ودخل ادهم
نجمه اتخصت وقالت پحده انت مچنون ازاي تدخل كده اطلع حالا
ادهم دخل وقفل الباب
نجمه بقت ترجع لورا پخوف وقالت بتوتر انت انت عايز ايه خليك عندك اياك تقرب اكتر من كده هصوت وهلم عليك البيت كلو
ادهم قرب عليها جامد وبقى يبص لعيونها وقال انا انا كنت عارف انك جامده بس مش للدرجادي بقولك ايه متيجي نعمل امتحان للشطان دلوقتي يمكن يكون شد حيلو شويه
نجمه حاولت متبتسمش وقالت پحده مصتنعه اخرج بره يا ادهم اخرج حالا خليني اكمل لبس
ادهم قال يا مجنونه انا جوزك بلاش هبل انا مش هسكت عليكي كتير
نجمه ابتسمت بسخريه وبقت تلبس البلوزه بتاعتها وقالت اولا حكايه جوزي دي محتاجه مفتي جمهوريه واياك تفكر تلمسني سامع
ادهم اتنهد وقال حكاية المسک دي هنتناقش فيها بس حاليا جاي اقولك اجهزي هنطلع الغردقه
نجمه بصتلو باستغراب وقالت نعم
ادهم قال بسرعه نعم الله على عيونك

اجهزي وجهزيلي هدومي انا كمان اجهزي حالا علشان في مواضيع كتير عايز نتكلم فيها على راحتنا
ادهم قال كده وسابها واقفه باستغراب وقبل ما يطلع قالت بسرعه وارتباك استني هنا هنروح الغردقه نعمل ايه
ادهم بصلها وابتسم وقال هفسحك هوريكي اجمل ايام حياتك حقك تشوفي الدنيا وتفرحي بحياتك
نجمه بصتلو بدموع وقالت مش عايزه اروح معاك مكان
ادهم ابتسم وقال لا عايزه ولو مش عايزه هنروح برضو يلا اجهزي ولا عايزه حاجه تاني وميل عليها بمشاكسه
ادهم جهز ونزل ونجمه جهزت حاجتهم وجهزت ونزلت وراه
ادهم ابتسم لما شافها نازله على السلم بدريس جميل جدا بلون فاتح لايق على ملامحها الهاديه ولافه الحجاب بتاعها وشكلها قمر