رواية مؤامرة العشق مكتملة لجميع فصول بقلم الكاتبة المبدعة إسراء ابراهيم ( حصري)

دي ده انتي عاملة زي حالاتي الغني عندكم عنده موتوسيكل وشغال عليه كمان
ضحكت مسك علي كلام نورا وقالتلها بسخرية 
لا ماهو مشوار شغل ياختي اصل البني ادم الخنيق كلمني وقالي ان رحيم عايز المشروع في الحفلة اللي عاملها في ڤيلته عشان هيناقشه انهاردة
اټصدمت نورا من كلام مسك وسألتها بقلق
يا نهار كحلي قصدك رؤوف مدير مكتب رحيم طب وانتي خلصتي المشروع يا مسك ده فيها موتك لو مخلصتيهوش

مسك مسكت الملف في ايديها وهي بترد علي نورا بقلق 
اانا خلصته وكنت براجعه لما رؤوف رن بس مش ده المهم يا نورا في حاجة اهم بكتير
استغربت نورا وسألت مسك بشك
بت انتي اوعي يكون الملف ضاع اصل في ايه اهم من المشروع
ردت مسك بنفي واتكلمت وهي فاتحة دولابها وبتبص للهدوم بتاعتها 
لا طبعا مضعش الاهم اني معنديش حاجة اروح بيها الحفلة ودلوقتي الساعة سبعة والحفلة هتبدا الساعة تسعة يعني مفيش وقت
ابتسمت نورا بحماس ورد بثقة وهي بتقوم 
بصي بقي عشان انتي عملتي معايا واجب وهتاخديني معاكي الحفلة الجامدة دي انا كمان هعمل معاكي واجب السنين البت ريم اختي كانت لسة جايبة فستان جامد اخر حاجة هجبهولك واجي علطول لا وبمشتملاته يعني لا هتدوري علي طرحة ولا شوز كمان
ضحكت مسك بفرحة وقالت وهي بتقفل الدولاب 
يخليكي ليا يا اجدع صاحبة في الكون كله
عدلت نورا لياقة چاكت البيچامة بغرور وهي بترد علي مسك 
اممم عشان تعرفي ان ملكيش غيري يلحقك وقت الازمة
رفعت مسك حاجبها پصدمة وهي بترد علي نورا بغيظ 
بقي كدة ماشي لما اشوفك بصي بقي ربع ساعة والاقيكي قدامي يلا بسرعة سلام

كان واقف رحيم بيعدل البيبيونة قدام المراية لما دخلت عليه شريفة امه وهي بتبتسم وبتقؤله 
زي القمر يا حبيبي من يومك وانت طالع لابوك كان برضه قمر زيك كدة
قرب رحيم من شريفه وهو بيبتسم وباس ايديها بحب وهو بيقؤل 
تسلميلي يا ست الكل احم انا كنت عاوز اتكلم معاكي في موضوع كدة
استغربت شريفة وحست ان الحفلة ليها علاقة بغرض معين وقالتله بهدوء 
قول يا حبيبي طبعا انا سامعاك
مسك رحيم ايد امه وقعدها الكرسي وقعد قدامها وهو بيقول بتردد
انتي عارفة اني دايما بحاول اكون قد المسئولية من يوم ۏفاة بابا وانا ماسك الشركة ودايما كنت حريص ان كل حاجة تفضل زي ما هي كانت في وجوده
اتنهدت شريفة وطبطبت علي ايد رحيم وهي بتقوله بحب
ربنا يديك طولة العمر يا حبيبي قولي يا رحيم عاوز ايه ومتردد تقوله
ابتسم رحيم واتكلم بهدوء وجدية
انتي اكيد يهمك سعادتي يا امي وانا سعادتي مع سيرين فاتمني انك توافقي اعلن خطوبتي عليها انهاردة في الحفلة
بصت شريفة لرحيم بغموض وحاولت تسيطر علي انفعالها وقالتله بهدوء 
يعني الموضوع مش حفلة توقيع اتفاقية عقد شراكة زي ما قولتلي يا رحيم دي حفلة خطوبة ابني الوحيد وانا معرفش !!
اتكلم رحيم بلهفة وهو بيقرب من امه وبيمسك ايديها 
ابدا والله يا ماما الموضوع مش كدة خالص الفكرة اني حابب اعملها لسيرين مفاجأة فعشان كدة بكلم حضرتك دلوقتي
استغربت شريفة رحيم وتعلقه بسيرين بالطريقة دي رغم انه مش سهل ان اي حد يضحك عليه بس البنت دي واضح انها ليها تأثير كبير واتنهدت وردت وهي بتقوم 
تمام يا رحيم اللي انت عايزه اعمله
ابتسم رحيم بفرحة وقرب من امه وحضنها وباس ايديها وهو بيقوم بسعادة 
ربنا يخليكي ليا يا امي انا متأكد لما تعرفي سيرين كويس هتحبيها اوي
ابتسمت شريفة بسخرية وردت ببرود
ان شاء الله يلا هسيبك تجهز لحفلتك وانا هنزل اشوف اخرة التجهيزات والناس اللي وصلت واما تخلص ابقي حصلني
وسابت شريفة رحيم وخرجت وهو بص لنفسه في المراية وابتسم لانه حلم حياته هيتحقق وهيعلن خطوبته علي سيرين اخيرا

نزلت نورا و مسك من التاكسي بفستانها الاسود اللي بين لون بشرتها البيضة مع شعرها الناعم وملامحها البريئة فكانت قمر وكانت ماسكة ملف الشركة في ايديها وهي متوترة وبصت لنورا وقالتلها پخوف
انا خاېفه اوي يا نورا مش متخيلة اني اخيرا هشوف حليم واملي عيني منه براحتي
لوت نورا وشها وهي بتبص لمسك بغيظ وبتقولها بضيق
انتي يا بنتي هتجننيني رحيم ايه دلوقتي فكري في الملف اللي في ايدك عشان لو ضاع او معجبش رحيم بتاعك ده هتروحي في داهية
بصت مسك لنورا پخوف ودخلو هما الاتنين الڤيلا وفجأة وقفو وبصو للمكان بانبهار واعجاب فقالت نورا پصدمة وهي بتتفرج 
يا نهار الوان الناس دي عايشين كدة ازاي ده انا ممكن اتوه في مكان زي ده
مسك مكنتش مركزة مع كلام نورا وكل اللي شاغلها حليم وكانت بتدور عليه بعنيها كأنه واحشها من سنين ولما ملقتهوش بصت لنورا وقالتلها بيأس 
حليم انا مش شايفاه يا نورا بصي تعالي نروح كدة نشوفه وسط الناس دي اهو يمكن نلاقي حتي مستر رؤوف ونديله الملف
نورا حركت راسها باعتراض وقالت لمسك بتوهان 
لا يا قلبي انتي روحي دوري علي حليم وانا هروح اتفرج علي الڤيلا براحتي دي فرصة لا تعوض بصراحة
بصت مسك لنورا بيأس وسابتها ومشيت وهي بتدور بعنيها علي رحيم وبعد شوية زهقت ووقفت بعيد شوية بيأس بس لفت انتباها كلام سيرين اللي كانت مدياها ضهرها وبتتكلم في الموبايل 
قولتلك يا سيف متقلقش رحيم الشرقاوي بقي في ايدي انا خليته ميشوفش غيري ولو قولتله ارمي نفسك في البحر عشاني هيعمل كدة متقلقش يا بيبي انا واخدة حذري كويس اوي وعشان اثبتلك انه تحت ايدي هو انهاردة هيعلن خطوبته عليا وده بمجرد تلميح بسيط مني هههه عشان تعرف بس انا اقدر اعمل ايه
كانت مسك واقفة مصډومة وهي بتسمع سرين وخصوصا لما عرفت ان الكلام علي رحيم وفجأة تليفون مسك رن فكتمت الصوت بسرعة وهي بتبص لسرين اللي لفت بسرعة وشها وبصت لمسك پصدمة من انها ممكن تكون سمعتها ووقتها اتوترت مسك وردت بسرعة وهي بتعمل نفسها مسمعتش حاجة من كلامها وخدت التليفون وبعدت بعيد وهي بتتكلم

كان بيتكلم رؤوف في التليفون مع مسك وهو ماشي وبيقول بجدية 
تمام يا انسة مسك انا مستنيكي في المكان اللي وصفتهولك حالا
ملحقش يكمل رؤوف كلامه لما خبط في نورا اللي كانت ماشية وهي بتبص وراها بضيق وقلق ومخدتش بالها من رؤوف اللي قدامها فلفت وشها ولسة هتعتذر فاتفاجأت بيه بيبصلها پغضب وبيزعقلها 
انتي عامية ايه مش تاخدي بالك وانتي ماشية
وفجأة دقق في ملامحها وبص لنورا بتقييم وركز في فستانها وشكلها القمر وكمل كلامه وقال بغموض 
انتي البنت الموظفة ام لسان طويل مش كدة 
اتوترت نورا وبصت لرؤوف بضيق وقالتله 
اانا مخدتش بالي فعشان كدة خبطت فيك سوري بقي
رفع رؤوف حاجبه باستنكار وقالها بسخرية 
مخدتيش بالك عشان ماشية ومش باصة قدامك كأن في عفريت بيجري وراكي
افتكرت نورا الراجل اللي كان بيعاكسها وحاول يمد ايده عليها وعشان كدة كانت ماشية وبتبص وراها پخوف فرجعت نورا تبص وراها بتوتر وقلق لاحظه روؤف وبص مكان ماهي بتبص ولقي واحد من المعازيم بيبصلها وبيبتسم فابتسم هو كمان بسخرية وقالها ببرود
اااه دلوقتي فهمت مستعجلة عشان تلحقي ترجعيله وتكملي سهرتك معاه مش كدة
لفت نورا وشها وبصت لرؤوف پصدمة اول ما قالها كدة وفجأة وبدون مقدمات ومن غير ما تحس بنفسها رفعت ايديها وضړبته بالقلم علي وشه 
يتبع
الحلقة الثالثة
بصت نورا پغضب لرؤوف بعد ما ضريته بالقلم وقالتله بحدة وعيونها بتلمع بالدموع 
انت انسان مش محترم وانا اشرف منك ومن الف واحدة انت تعرفهم وكنت بجري عشان هو حيوان زيك وكان بيضايقني ومفكرني رخيصة زي اللي انت وهو تعرفوهم
قالت نورا كدة وسابته وجريت ومقدرتش تمسك دموعها
كان واقف رؤوف مصډوم ومش متخيل ان نورا ضړبته بالقلم وفي نفس الوقت في قمه غضبه بس مش منها من الشخص اللي قالت انه كان بيعاكسها و كان عاوز يلمسها وعشان كدة كانت بتجري منه وفجأة مشي ناحية الشخص ده ووقف قدامه وفجأة ضربه بالبوكس في وشه لدرجة ان الشاب وقع عالارض من قوة الضړبة ومكتفاش رؤوف بكده قرب منه تاني وفضل يضرب فيه لحد ما اتفاجئ بحليم بيبعده عنه وهو بيقوله بحدة 
خلاص يا رؤوف ھيموت في ايدك
رؤوف كان بينهج وهو باصص للشاب ده پغضب وفجأة شد ايده من حليم پغضب وسابه ومشي ورا نورا واستغرب حليم من تصرفات رؤوف وبص للجارد بتوعه وقالهم بأمر 
خدوه عالجوه جوة يلاا
وحليم بيتكلم قرب منه واحد وهمس في ودنه وبلغه ان سيف المنشاوي جه ومستنيه في ڤيلته جوة زي ما هو امر وفعلا دخل حليم جوة الڤيلا يستقبله وفي نفس الوقت جت مسك وفضلت تدور بعنيها علي حليم او رؤوف او حتي نورا مش لقياها فقررت تدخل هي كمان الڤيلا وتشوفهم جوة
كانت واقفة نورا قدام ڤيلا حليم وبتسمح دموعها بحزن رغم انها طول الوقت بتبان قوية بس دايما من جواها دايما خاېفة وخصوصا من اي راجل لما بيقرب منها دايما عقدتها مسيطرة عليها وبتحاول تخبي ضعفها بشخصيتها ولسانها السليط انتبهت نورا علي صوت رؤوف من وراها وهو بيقولها بصوت حاول يبان طبيعي وكأنه مكنش متعصب ولسة ضارب حد من دقيقتين 
مكنتش متخيل انك من النوع اللي يعيط وبيحس زي البنات يعني
اټصدمت نورا ومسحت دموعها بسرعة ولفت لرؤوف وردت عليه بعصبية
اما انت بني ادم معندكش ډم كمان ليك عين وجاي ورايا عشان تتريق عليا ده انت بجح صحيح
رفع رؤوف حاجبه پصدمة وقال لنورا باستغراب
اانتي مش كنتي بټعيطي من دقيقتين دلوقتي فجأة كدة اتحولتي ولسانك طول وبتردي
نورا ضيقت عنيها بغيظ وشاورت لروؤف بصباعها قدام وشه بتحذير وهي بتقؤله
مش لساني بس اللي بيطول يا شاطر فاحسنلك بقي لم نفسك وروح شوفلك واحدة من عينتك اتشطر عليها عشان انا مش فاضيالك
ابتسم رؤوف بسخرية وقالها ببرود وهو بيحط ايديه في جيوبه بغرور
تصدقي انتي خسارة فيكي المعروف ده انتي صعبتي عليا ولسة ضاربلك الواد اللي عاكسك صحيح خيرا تعمل
بصت نورا لرؤوف شوية بهدوء وملامح لينة لاحظها رؤوف وبعدين كأنها اتحولت ورجعت كشرت وقالتله بضيق 
والله انا مش محتاجة حد يجبلي حقي انا اعرف اجيبه لنفسي كويس فوفر خدماتك لنفسك يا شاطر ويلا بقي هوينا
قالت نورا كلامها وسابت رؤوف ودخلت الڤيلا تاني وكان متابعها هو پصدمة وڠضب من اسلوبها وطريقتها المتسلطة وبعدين ابتسم بخبث وهو متابعها وقال في سره 
ماشي يا شاطرة انا بقي هوريكي مين هو رؤوف سعيد

دخلت مسك الڤيلا واتفاجأت بحليم قاعد فقلبها دق