قصه كاملة للكاتبة سميه خالد طفوله رهف
قصه كاملة للكاتبة سميه خالد طفوله رهف
لأنه وجهلي الكلام
إزيك عاملة إيه أتفضلي اقعدي أستريحي
قعدت بس فضلت متبته علي كف إيدي
بشرته كانت قمحاويه ودقنه خفيفه والإبتسامة كانت من الودن للودن معروفة حركة بيعملها أي دكتور عشان يحسسك بإنه سعيد بوجودك وحابب جدا يساعدك
رهف ممكن تحطي إيدك ع المكتب
ليه
حطيها بس
رفعتها
انتي معورة إيدك بضوافرك ليه متوترة لي طيب احكيلي
طيب ممكن تعتبريني مش موجود وتحكي اللي جواكي
افتكري إني غريب عنك يعني مش هتشوفيني ولا هنتقابل تاني بعد
مانخلص جلسات
فكرت في كلامة ولقيته انه صح انا فعلا مش هشوفه تاني
حطيت ايدي جمبي وقررت متوترش لليلة واحدة واسيب نفسي واتكلم
مكنتش عايزة أجي هنا لأني عارفه إني مشكلتي ملهاش حل يمكن لأنها تقليدية أو عادية
هو انت هتسمعني فعلا مش هكون تقيلة عليك !!!
أكيد لأ يلا احكي
انا بابا كان بيضرب ماما وانا صغيره كنت بشوفه بيضربها وبتقعد ټعيط في المطبخ وهي بتعمله الاكل
ازاي
يعني لما كان بيضربها بيخليها تعمله أكل ف وهي بتعملو الأكل كانت بټعيط انا كبرت بشوف المنظر ده قدامي الغريبة لما كنت بسألها ليه بتعمليله أكل ده ضړبك وبيزعقلك
قالتلي وقتها بقلة حيله بعمله أكل عشان هو عنده السكر وبياخد علاج محتاج اللي يراعيه
قولتلها لا اتطلقي منه ونمشي قالتلي مينفعش ابوكي بياخد علاج وانا بس اللي اعرفه عشان هو مبيعرفش يقرأ لو مخدوش هيجراله حاجه
بصيتله وانا والدموع نازلة شلال ..مدلي إيديه بكوباية ماية
قالي كملي عاوز أسمعك
كنت بخاف أعدي من قدامه أو يلمحني
هل بسبب خوف ولا كان بيعنفك زي والدتك
كان لو طلب كوباية ماية ووقعت منها نقطة مثلا لأن إيدي كانت بتترعش وانا ريحاله بيها
كان بيضربني احيانا علي اتفه الأسباب ممكن يعاقبني بطرق أخري
زي إيه
زي إن افضل صاحية طول الليل منامش وبيكون صابح عليا مدرسة ف اروح المدرسه انام الدكة بتاعتي ف مركزش في الدرس اللي بيتشرح ومهددني اني لو مجبتش مجموع حلو هيعاقبني تاني ويقعدني في البلكونه مع الفيران
حسيت بصداع شديد وعنيا زغللت بقيت شايفه كل حاجه حواليا تشاش صوت دكتور مراد كان بيرن في ودني وهو بيقوم من مكانه بسرعه وجاي ناحيتي وبيقولي
رهف انتي كويسه رهف مالك
محستش بنفسي غير وانا بفقد بالوعي
رهف انتي كويسه رهف مالك
محستش بنفسي غير وانا بفقد بالوعي
بدأت أفتح عيني ودكتور مراد وفرح كانوا واقفين حواليا
قومت مفزوعه من علي الكنبة هو إيه اللي حصل يافرح انا أخر حاجه كنت فكراها إني كنت بتكلم مع الدكتور و...
فرح خدتني في حضنها وقالتلي انا مش سألتك خدتي الأنسولين ولا لأ قولتيلي أه انت كنت داخلة علي غيبوبة سكر يارهف!!
قولتلها بتوها بس انا ..انا كنت فاكره إني خدتها
حطيت إيدي علي جبيني وقعدت أعيط بحرقه
انا تخيلت إني لما خدتها اول امبارح كإني خدتها امبارح
انا ليه بقيت بنسي بسرعه كدة لييه
يعني لولا إنك بتشيليلي أنسولين إحتياطي معاكي انا كان زماني م...
لقيت دكتور مراد قاطعني قبل ما اكمل الكلمة
بعد الشړ عنك ربنا يديكي طولة العمر
إبتسمت إبتسامة خفيفة ولسه هقوم من مكاني
طب يلا يافرح نمشي
مراد لا إستني رايحة فين ارتاحي شوية
حضرتك أكيد عندك حالات تانيه وبجد بعتذر عطلتك عن شغلك
