سر الغرفه المظلمه بقلم حسن الشرقاوي

دي وليه مابيردش عليا
علشان يسبقني ويقول مالك يا فوزي يابني إنت مانمتش كويس
قلت ليه بتقول كدا يا عم سالم
قال أصلك طول اليوم نايم وأنا سيبتك لما لقيتك تعبان
استغربت وقلت ناايم!!!!
قال ايووه وشكلك كنت بتحلم حلم وحش كنت بتكلم نفسك وبتردد كلام مش مفهوم
اتعصبت وقلت 

نايم اييه وحلم اييه ياعم سالم اوومال مين إلى عمل الشغل دا كله ولفيت ناحية الأرفف إلى طول اليوم بنقل عليها الكتب
لقيتها فارغه
برقت بعيني وقربت من الارفف وقلت اييه دا الكتب فيين دنا لسه مخلص حالا
ضحك وقال مخلص ايه يابني دا انت طول اليوم نايم مش قلتلك إنت تعبان وعموما ماتقلقش هاحسبلك اليوم النهارده علشان كنت تعبان لكن روح نام وارتاح
ايييه أنا كنت نايم!! والست إلى كانت قاعده معاك ولسه ماشيه
ضحك تاني وقال ست هي فين الست دي
لما قال كدا أنا مشيت عالطوول من غير ما أسأله عن أي حاجه تانيه وجوايا شعور غريب وتفكير عميق كنت ماشي مش شايف حد قدامي كل إلى بفكر فيه
أنا كنت نايم وبحلم!!!
كل إلى حصل دا كان حلم معقوله
طيب إزاي !!!أنا متأكد إن كل حاجه حصلت حقيقيه
المهم قعدت شارد وبفكر لحد ما وصلت البيت
سلمت على أخواتي وأبويا إلى كان بيخلص شغل قبلي بكتير وبيكون في البيت قبلي لقيت وشه جامد ومدايق
بقله مالك يا بابا مدايق ليه كدا
قال منك يا فوزي ايه إلى حصلك يابني
قلت مني أنا ليه يا بابا ايه إلى حصل
قال يابني الكلاب والقطط إلى جايبهم في اوضتك طول اليوم عاملين دوشه
كلاب وقطط أنا جايبهم!!! أنا ماجيبتش حاجه
وافتكرت الكلاب والقطط إلى شوفتهم وكانوا بيهاجموني في الغرفه
معرفتش أحكي لابويا أقله ايه سكت وماردتش
يادوبك هزيت دماغي لما قالي طلعهم برا بلاش تسيبهم في أوضتك علشان أخواتك خايفين
ورحت أوضتي علشان أشوف كلاب وقطط ايه إلى لتاني مره أبويا بيقلي عنهم إنهم في الاوضه عندي
دخلت وبردو مالقيتش حاجه لا كلاب ولا قطط!!
من الحيره إلى أنا فيها والتفكير قعدت على السرير استرجع كل إلى حصل طول اليوم لحد ماتعبت من التفكير ونمت
ما حسيتش بنفسي إلا في نص الليل صحيت على صوت في الاوضه
لقيت نفسي نايم بهدومي ورقبتي ۏجعاني من النوم بشكل خاطيء
فتحت عيني بالعافيه ناحية الصوت لقيتها قطه
في البدايه قلت عادي
لكن حصل حاجه غريبه لفتت انتباهي ليها لقيت القطه واقفه بتبص ليا بشكل مريب كأنها عاوزه تقولى حاجه
قمت فتحت الباب علشان اطلعها برا بعد ما بدأ الخۏف يتملك مني بعد نظراتها ليا
فتحت الباب وحاولت أخرجها
لكن بدون جدوى فضلت واقفه متسمره مكانها وبتبصلي بردوو
قلت القطه دي مالها بتبصلي ليه كدا وليه مش عاوزه تخرج
حاولت تاني بشكل جدي أكتر
حسيت إنها ضحكت ليا 
واتحركت ناحية الصاله
وفي الصاله حصل حاجه مرعبه
وقفت وانضم ليها مجموعه تانيه لعدد من القطط والكلاب واتجهوا ناحيتة الحمام
معقوله يكون هما دول الكلاب والقطط إلى أبويا بيتكلم عنهم
طيب راحوا ناحية الحمام ليه!!!
ااااه دول نفس إلى شفتهم في الغرفه النهارده
شردت بتفكيري لثواني وأنا واقف على باب أوضتي
بعد ما دخلوا الحمام
فقت من الشرود وقلت
هاروح اشوفهم دخلوا الحمام ليه وقرصت نفسي وقلت أنا صاحي اهوو مش بحلم
واتجهت ناحية الحمام وأول ما فتحت الباب اټصدمت من إلي شوفته وراه
لقييييت ورااااه 
يتبع  
سر الغرفة المظلمه
بقلم الكاتب حسن الشرقاوي
أول ما فتحت باب الحمام لقيت القطه واقفه في المنتصف والكلاب بتلف حوالين منها وكان لونهم اتغير بقا أسود خالص 
وقفت بړعب ابص ناحيتهم
وفجأة 
لقيت القطه بتتحول للست إلى شوفتها في الغرفه
كانت في المنتصف والكلاب بتلف حوالين منها
حاولت من الړعب والخۏف أرجع لورا واقفل باب الحمام
لكن ما قدرتش حسيت إن قوه بتجذبني رغما عني للداخل
وأول ما خطيت عتبة باب الحمام وبقيت جوه
الدنيا أظلمت تماما وحسيت إني فقدت الوعي
وبعد ثواني فوقت وفتحت عيني لقيت نفسي في المكتبه بتاعت عم سالم!!!!!!!
قلت أنا إيه إلى جابني هنا !!!
كان الليل إنتصف وقفت مذهول ومړعوپ وجسمي بيرتعش مش قادر اتحرك أو أخد قرار
غير إني بكلم نفسي
أنا كنت لسه في بيتنا إيه إلى جابني المكتبه!! وايه إلى أنا شوفته في الحمام دا!!!
شعور وحش أوي اتملك مني كله خوف وړعب ودهشه حاجات كتير اختلطت عليا في الوقت دا وأنا واقف في منتصف المكتبه وفي الوقت المتاخر من الليل دا ومړعوپ
عجزت عن إتخاذ أي قرار غير أنه قدرت احرك رجلي بصعوبه لناحية الباب بعد ما ولعت النور 
ووقفت أحاول افتحه علشان أخرج برا المكتبه وأنا بحاول كنت كل شويه ابص لورا أتحسس وجود الست إلى بقت بتطاردني
وخوفا من مفاجأه جايه من خلفي من المفاجآت إلى بقت محاوطاني
لكن الباب كان مقفول بإحكام ماقدرتش افتحه بس ما كانش بأيدي حاجه غير إني أحاول وأحاول
وفجأة 
حسيت بسخونه في الجو بتزيد حواليا
وصوت جاي من الخلف من ناحية الغرفه إلى جمب المخزن پخوف شديد لفيت وبصيت ناحية إتجاه الصوت مالقيتش حاجه كل حاجه توقفت الصوت والسخونه كمان
رجعت تاني لمحاولاتي لفتح الباب وبشكل أسرع
وفجأة النور قطع والدنيا أظلمت 
وحسيت بحركه حوالين مني كل حته في جسمي توقفت من الخۏف
وبصعوبه طلعت الفون وشغلت الفلاش علشان أشوف إلى بيحصل
لقيت الست البشعه واقفه أمامي مباشرة
وكان شكلها بشع ومرعب لدرجه أثارت فزعي
ماتحملتش بشاعة شكلها ووقفت مړعوپ لحد ماقربت مني وبصتلي اووي

بصه مرعبه بعنيها الواسعه والحمرا
معرفش إيه إلى حصل
إلا إني لقيت ايد بتحرك فيا وصوت بيناديني
فوزي فوزي قوم يابني إيه إلى جابك هنا بسسس
كان صوت أبويا إلى قعد جمبي ومعاه أخواتي مستغربين
قمت وفتحت عينيا لقيت نفسي ملقي على الأرض بجانب الحمام
قلت إيه دا أنا إيه إلى جابني هنا!!
رد أبويا أنا عارف!! إيه يابني إلي حصلك إنت نمت هنا امبارح ولا اييه
اييه نمت !!دنا كنت لسه في المكتبه دلوقتي
قال بتقول اييه
قلت لا مافيش يابابا هو أيوه شكلي نمت هنا فعلا
قعدأبويا يكلمني شويه على افعالي إلى بقت غريبه اليومين دول ويوبخني بنصح
وزي العاده ما قدرتش احكيله عن إلى بيحصلي
وسيبته ودخلت أوضتي
كنا بقينا الصبح والمفروض أروح المكتبه
دخلت غيرت هدومي
وأنا بفكر في إلى حصل ودماغي هاتشت منه
أنا كنت نايم ومارحتش المكتبه !!طيب إزاي بس
معقوله كان حلم بردو مستحيل
وقربت من المرايه ووقفت قدامها علشان اسرح شعري
وقفت شويه سرحان في اسألتي لنفسي قدام المرايه
علشان تظهرلي الست فيها بس بشكل جميل وبتضحك بس ضحكه مرعبه اطفت على جمالها
وظهر من خلفها جدي وعم سالم بس كان شكلهم كبير اووي والتراب ماليهم!!!
اتسمرت مكاني ومبرق في المرايه مش مستوعب إلي بيحصل أمامي
لحد مادخل أبويا كل شيء اختفي
قال اييه يا ابني مش هاتروح الشغل ولا ايه
كنت لسه ببص في المرايه ومش منتبه ليه
كرر كلامه انتبهت ووسط دهشتي قلتله
ااه ااه هاروح يا بابا أنا نازل أهو
نزلت متجه للمكتبه لكن كنت بقدم خطوه وآخر خطوه
ومش عاوز أروح تاني
بسبب إلي شوفته في الغرفه اللعينه دي والحاجات الغريبه إلى بتحصلي من ساعت ما اشتغلت الشغلانه السوده دي
لكن قلت لنفسي الموضوع مابقاش في المكتبه بس ما الحاجات دي بقيت بشوفها في البيت بردو
ووقفت للحظه احسم قراري هاروح